2 weeks ago
5
ARTICLE AD BOX
ମୁମ୍ବାଇ: ବଲିଉଡର ପ୍ରସିଦ୍ଧ ନିର୍ଦ୍ଦେଶକ ଯୋଡ଼ି ଅବ୍ବାସ-ମସ୍ତାନ ନିଜର ଆଗାମୀ ସସପେନ୍ସ-ଥ୍ରୀଲର୍ ଫିଲ୍ମ '୩ ମଙ୍କିଜ୍'ର ଘୋଷଣା କରିଛନ୍ତି। ଏହି ଫିଲ୍ମ ମାଧ୍ୟମରେ ସେମାନେ ଆଧୁନିକ ଯୁଗର 'ଅମର, ଅକବର ଏବଂ ଏନ୍ଥୋନୀ' ଚରିତ୍ରକୁ ଏକ ନୂଆ ଏବଂ ଆକର୍ଷଣୀୟ ଅବତାରରେ ଦର୍ଶକଙ୍କ ସାମ୍ନାକୁ ଆଣିବାକୁ ଯାଉଛନ୍ତି। ଫିଲ୍ମର ନିର୍ମାତାମାନେ ଏହାର ପ୍ରଥମ ପୋଷ୍ଟର୍ ଓ ମୋସନ୍ ପୋଷ୍ଟର୍ ଜାରି କରିଛନ୍ତି। ଏଥିରେ ବିଶାଳ ଜେଠୱା 'ଅମର', ମୁସ୍ତଫା ବର୍ମାୱାଲା 'ଅକବର' ଏବଂ ତେନ୍ଜିନ୍ ଡଲ୍ହା 'ଏନ୍ଥୋନୀ' ଭୂମିକାରେ ନଜର ଆସିବେ।
ଗାନ୍ଧୀଜୀଙ୍କ ପ୍ରସିଦ୍ଧ "ଖରାପ ଦେଖ ନାହିଁ, ଖରାପ ଶୁଣ ନାହିଁ, ଖରାପ କୁହ ନାହିଁ" ଆଦର୍ଶକୁ ନୂଆ ଢଙ୍ଗରେ ଉପସ୍ଥାପନ କରି ଫିଲ୍ମର ଟାଗ୍ଲାଇନ୍ ରଖାଯାଇଛି "ସବୁ ଦେଖ। ନିଜର ଶୁଣ। ବେଫିକର ହୋଇ କୁହ।"
ଆହୁରି ପଢନ୍ତୁ: Asim Munir: ପାକିସ୍ତାନକୁ ଭାଗ ଭାଗ କରିବାକୁ ଚକ୍ରାନ୍ତ କରୁଛନ୍ତି ମୁନିର୍, କ୍ଷମତା ହାତେଇବା ପାଇଁ ''ଭାଗ କର, ଶାସନ କର'' ନୀତି
ଅର୍ଜୁନ ରାମପାଲଙ୍କୁ ମିଳିଛି ଗୁରୁତ୍ୱପୂର୍ଣ୍ଣ ଭୂମିକା
ଏହି ଫିଲ୍ମରେ ବଲିଉଡ ଅଭିନେତା ଅର୍ଜୁନ ରାମପାଲ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଚରିତ୍ର 'ସଞ୍ଜୟ' ଭୂମିକାରେ ଅଭିନୟ କରୁଛନ୍ତି। ମୋସନ୍ ପୋଷ୍ଟରରେ ତିନି ମୁଖାପିନ୍ଧା ଚରିତ୍ରଙ୍କୁ କୌଣସି ରହସ୍ୟଜନକ କାର୍ଯ୍ୟରେ ଲିପ୍ତ ଥିବାର ଦେଖାଯାଇଛି, ଯାହା ଚୋରି କିମ୍ବା ଡକାୟତି ଭଳି ଥ୍ରୀଲିଂ କାହାଣୀ ଆଡ଼କୁ ଇସାରା କରୁଛି। ନିର୍ଦ୍ଦେଶକ ଅବ୍ବାସ-ମସ୍ତାନଙ୍କ ଅନୁଯାୟୀ, ଏହି ଫିଲ୍ମର ଚରିତ୍ରଗୁଡ଼ିକ ବେଶ୍ ଚାଲାକ୍, ଅପ୍ରତ୍ୟାଶିତ ଏବଂ ମନୋରଞ୍ଜନରେ ଭରା। ଫିଲ୍ମଟି ୪ ଡିସେମ୍ବର ୨୦୨୬ ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ସ୍ଥିର ହୋଇଛି।
