1 week ago
3
ARTICLE AD BOX
ୱାସିଂଟନ: ସିରିଆରେ ଇସ୍ରାଏଲୀ ଆକ୍ରମଣ ପରେ ଉତ୍ତେଜନା ବୃଦ୍ଧି ପାଇଛି। ଇସ୍ରାଏଲୀ ବାୟୁସେନା ସିରିଆର ଆବୁ ଅଲ୍-ଦୁହୁର ଏୟାରବେସ୍ ଉପରେ ଆଠ ବଡ଼ ବିମାନ ଆକ୍ରମଣ କରିଛି। ଏହି ଆକ୍ରମଣ ଯୋଗୁଁ ସମଗ୍ର ମଧ୍ୟପ୍ରାଚ୍ୟରେ ପୁଣି ଯୁଦ୍ଧର ଆଶଙ୍କା ସୃଷ୍ଟି ହୋଇଛି। ଆବୁ ଅଲ-ଦୁହୁର ସାମରିକ ଘାଟି ଉପରେ ଆକ୍ରମଣ ପରେ, ଇସ୍ରାଏଲର ଘନିଷ୍ଠ ସହଯୋଗୀ ଆମେରିକା ଇସ୍ରାଏଲୀ ସାମରିକ କାର୍ଯ୍ୟାନୁଷ୍ଠାନକୁ ଦୃଢ଼ ନିନ୍ଦା କରିଛି। ସିରିଆ ଏବଂ ଇରାକ ପାଇଁ ଆମେରିକାର ସ୍ୱତନ୍ତ୍ର ରାଷ୍ଟ୍ରପତି ଦୂତ ଟମ୍ ବାରାକ୍ ଇସ୍ରାଏଲୀ ସାମରିକ କାର୍ଯ୍ୟାନୁଷ୍ଠାନକୁ ଦୃଢ଼ ନିନ୍ଦା କରି ଏହାକୁ ସମ୍ପୂର୍ଣ୍ଣ ଅନାବଶ୍ୟକ ବୋଲି କହିଛନ୍ତି। ବାରାକ୍ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ପୋଷ୍ଟରେ ଗଭୀର ଚିନ୍ତା ପ୍ରକାଶ କରିଛନ୍ତି। ସେ କହିଛନ୍ତି ଯେ ଆବୁ ଅଲ୍-ଦୁହୁର ଏୟାରବେସ ଉପରେ ଇସ୍ରାଏଲର ଏହି ଗମ୍ଭୀର ଆକ୍ରମଣ ଆଞ୍ଚଳିକ ସ୍ଥିରତା ପାଇଁ ଏକ ବଡ଼ ଆଘାତ ଦେଇଛି। ଏହାକୁ ସହଜରେ ଏଡାଯାଇପାରିଥାନ୍ତା।
ବିବାଦର ସମାଧାନ ଆଲୋଚନା ମାଧ୍ୟମରେ ହୋଇପାରିବ
ସିରିଆ ପ୍ରଶାସନକୁ କୂଟନୈତିକ ସୁରକ୍ଷା ପ୍ରଦାନ କରି ଆମେରିକୀୟ ରାଷ୍ଟ୍ରଦୂତ କହିଛନ୍ତି ଯେ,ରାଷ୍ଟ୍ରପତି ଅହମଦ ଅଲ୍-ଶାରାଙ୍କ ସରକାର କେବେ ବି ଆକ୍ରମଣାତ୍ମକ ମନୋଭାବ ଗ୍ରହଣ କରିନାହାନ୍ତି। ସେ କୌଣସି ପ୍ରକ୍ସି ସେନା ଗଠନ କରିନାହାନ୍ତି ଅବା କୌଣସି ଆକ୍ରମଣକୁ ପ୍ରୋତ୍ସାହିତ କରିନାହାନ୍ତି। ଅଲ୍-ଶାରାଙ୍କ ସରକାର ସର୍ବଦା ଦୃଢ଼ ଏବଂ ଉତ୍କୃଷ୍ଟ ସଂଯମତା ଦେଖାଇ ଆସିଛନ୍ତି। ଆମେରିକା ପ୍ରଶାସନ ବିଶ୍ୱାସ କରେ ଯେ ଦୁଇ ଦେଶ ମଧ୍ୟରେ ଥିବା ଅସମ୍ଭବ ବିବାଦର ସମାଧାନ କେବଳ ଆଲୋଚନା ମାଧ୍ୟମରେ ହୋଇପାରିବ। ଶାନ୍ତିପୂର୍ଣ୍ଣ ସମାଧାନ ଆଗକୁ ବଢ଼ିବାର ଏକମାତ୍ର ସଠିକ୍ ପଥ ହୋଇଥିବାରୁ ଆମେରିକା ଦୁଇ ପକ୍ଷଙ୍କ ମଧ୍ୟରେ କୂଟନୈତିକ ଆଲୋଚନାକୁ ବୃଦ୍ଧି କରିବା ପାଇଁ ବୈଠକ ଆୟୋଜନ କରିବାକୁ ପ୍ରତିଶ୍ରୁତିବଦ୍ଧ।
ଇସ୍ରାଏଲ ରାଷ୍ଟ୍ରପତି ବେଞ୍ଜାମିନ୍ ନେତାନ୍ୟାହୁ ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଇରାନକୁ ନେଇ ମୁହାଁମୁହିଁ ହୋଇଛନ୍ତି। ଇରାନର ବର୍ଦ୍ଧିତ ପ୍ରଭାବକୁ ନେଇ ଦୁଇ ନେତାଙ୍କ ମଧ୍ୟରେ ତିକ୍ତ ବାଦାନୁବାଦ ହୋଇଥିବା କୂଟନୈତିକ ରିପୋର୍ଟ ପ୍ରକାଶ ପାଇଛି। ଯାହା ଦୁଇ ଦେଶ ମଧ୍ୟରେ ସମ୍ପର୍କରେ ତିକ୍ତତା ସୃଷ୍ଟି କରିଛି।
ସିରିଆର ଇଦଲିବ୍ ପ୍ରଦେଶର ପ୍ରମୁଖ ଏୟାରବେସ ଉପରେ ବିମାନ ଆକ୍ରମଣ ହୋଇଥିବା ସ୍ଥାନୀୟ ସୂତ୍ରଗୁଡ଼ିକ ନିଶ୍ଚିତ କରିଛନ୍ତି। ସିରିଆର ଗଣମାଧ୍ୟମ ରିପୋର୍ଟ କରିଛି ଯେ ଇସ୍ରାଏଲୀ ଆକ୍ରମଣ ଦ୍ୱାରା ବିମାନବନ୍ଦରର ମୁଖ୍ୟ ରନୱେ ଏବଂ ଅନେକ ଦୃଢ଼ ସାମରିକ ସଂରକ୍ଷଣ ସୁବିଧାକୁ ଗମ୍ଭୀର ଏବଂ ବ୍ୟାପକ କ୍ଷତି ହୋଇଛି।
ତେବେ ଇସ୍ରାଏଲୀ ପ୍ରତିରକ୍ଷା ବାହିନୀ(ଆଇଡିଏଫ) ସାମରିକ ଆକ୍ରମଣ ବିଷୟରେ ସମ୍ପୂର୍ଣ୍ଣ ନୀରବତା ଅବଲମ୍ବନ କରିଛି। ସିରିଆ ଏବଂ ଇସ୍ରାଏଲ ମଧ୍ୟରେ ପୂର୍ବରୁ କୂଟନୈତିକ ସମ୍ପର୍କ ଖରାପ ରହିଛି। ସିରିଆର ନୂତନ କଠୋର ନେତୃତ୍ୱ ଆସିବା ପରେ ଏହା ଇସ୍ରାଏଲର ପ୍ରଥମ ବଡ଼ ଧରଣର ବିମାନ ଆକ୍ରମଣ।
