1 week ago
3
ARTICLE AD BOX
ଚେଙ୍ଗଲପଟ୍ଟୁ: ତାମିଲନାଡୁର କୋଭଲମସ୍ଥିତ ଏକ ତାରକା ହୋଟେଲରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଅଧ୍ୟକ୍ଷତାରେ ଦକ୍ଷିଣ ଆଞ୍ଚଳିକ ପରିଷଦର ୩୧ତମ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ତାମିଲନାଡୁ ମୁଖ୍ୟମନ୍ତ୍ରୀ ସି. ଜୋସେଫ୍ ବିଜୟ, ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଏବଂ କର୍ଣ୍ଣାଟକ ଉପ-ମୁଖ୍ୟମନ୍ତ୍ରୀ ଡି.କେ. ଶିବକୁମାରଙ୍କ ସମେତ ଦକ୍ଷିଣ ଭାରତୀୟ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକର ଶୀର୍ଷ ନେତୃବୃନ୍ଦ ଯୋଗଦେଇଛନ୍ତି।
ତାମିଲନାଡୁ ସରକାରଙ୍କ ଆତିଥେୟତାରେ ଆୟୋଜିତ ଏହି କାର୍ଯ୍ୟକ୍ରମରେ ଗୃହମନ୍ତ୍ରୀ ଅମିତ ଶାହ ଅଧ୍ୟକ୍ଷତା କରିଥିବା ବେଳେ ମୁଖ୍ୟମନ୍ତ୍ରୀ ବିଜୟ ଉପ-ଅଧ୍ୟକ୍ଷ ଦାୟିତ୍ଵ ତୁଲାଇଛନ୍ତି। ଆଞ୍ଚଳିକ ପରିଷଦ ନିୟମାନୁସାରେ ପରିଷଦର ସଦସ୍ୟ ରାଜ୍ୟଗୁଡ଼ିକର ମୁଖ୍ୟମନ୍ତ୍ରୀମାନେ ପର୍ଯ୍ୟାୟକ୍ରମେ ଉପ-ଅଧ୍ୟକ୍ଷ ପଦବୀ ଗ୍ରହଣ କରିଥାନ୍ତି। କେନ୍ଦ୍ର ଓ ରାଜ୍ୟଗୁଡ଼ିକ ମଧ୍ୟରେ ଥିବା ବିଭିନ୍ନ ଆନ୍ତଃ-ରାଜ୍ୟ ବିବାଦ, ସାଧାରଣ ସ୍ୱାର୍ଥଜଡ଼ିତ ସମସ୍ୟା ଏବଂ ଆଞ୍ଚଳିକ ବିକାଶ ସମ୍ପର୍କରେ ଆଲୋଚନା ପାଇଁ ଏହି ପରିଷଦ ଏକ ପରାମର୍ଶଦାତା ମଞ୍ଚ ଭାବେ କାର୍ଯ୍ୟ କରେ। ବୈଠକ ପୂର୍ବରୁ ଅମିତ ଶାହ ମୁଖ୍ୟମନ୍ତ୍ରୀ ବିଜୟଙ୍କୁ ସାକ୍ଷାତ୍ କରିଥିଲେ ଏବଂ ବୈଠକ ପରେ ସେ ମାମଲ୍ଲାପୁରମର ଐତିହାସିକ ସମୁଦ୍ରକୂଳ ମନ୍ଦିର ପରିଦର୍ଶନ କରିବାର କାର୍ଯ୍ୟକ୍ରମ ରହିଛି।
ଲକ୍ଷ୍ନୌରେ ଚାଞ୍ଚଲ୍ୟ: ବ୍ୟାଙ୍କ ଅଧିକାରୀ ପତ୍ନୀକୁ ବ୍ୟାଙ୍କ ବାହାରେ ଗୁଳିକରି ହତ୍ୟା
