6 days ago
4
ARTICLE AD BOX
ନାଗୋୟା: ଭାରତୀୟ ଶକ୍ତିଉତ୍ତୋଳିକା କସ୍ତୁରୀ ରାଜାମଣି ଚଳିତ ଏସୀୟ ପାରା କ୍ରୀଡ଼ାରେ ରୌପ୍ୟ ପଦକ ଜିତିଛନ୍ତି। ବୁଧବାର ମହିଳା ୬୭ କିଲୋଗ୍ରାମ୍ରେ ତାମିଲନାଡ଼ୁ ୪୨ ବର୍ଷୀୟା କସ୍ତୁରୀ ୧୦୮ କେଜି ଭାର ଉଠାଇ ଦ୍ବିତୀୟ ସ୍ଥାନରେ ରହିଥିଲେ। ତାଙ୍କ ଆଗରେ ଉଜବେକିସ୍ତାନର ରୁକ୍ଶୋନା ଉକ୍ତାମୋଭା (୧୨୭ କେଜି) ରହି ସ୍ବର୍ଣ୍ଣ ଜିତିଥିଲା ବେଳେ ଉତ୍ତର କୋରିଆର କିମ୍ ହିଓଙ୍ଗହୁଇ (୧୦୭ କେଜି) କାଂସ୍ୟ ପାଇଥିଲେ।
ଦ୍ବିତୀୟ ସ୍ଥାନରେ କସ୍ତୁରୀ ରାଜାମଣି
ଭାରତର ଏହା ଚଳିତ କ୍ରୀଡ଼ାରେ ଦ୍ବିତୀୟ ଶକ୍ତିଉତ୍ତୋଳନ ପଦକ। ମଙ୍ଗଳବାର ଅଶୋକ କୁମାର ମଲ୍ଲିକ (ପୁରୁଷ ୬୫ କେଜି) ରୌପ୍ୟ ଜିତିଥିଲେ। ଗତ ସଂସ୍କରଣରେ କସ୍ତୁରୀ ପଞ୍ଚମ ସ୍ଥାନରେ ରହି ପଦକ ଜିତିବାରେ ବିଫଳ ହୋଇଥିଲା ବେଳେ ଅଶୋକ କାଂସ୍ୟ ଜିତିଥିଲେ।
