1 week ago
3
ARTICLE AD BOX
ନଖ କେବଳ ସୌନ୍ଦର୍ଯ୍ୟ ପାଇଁ ନୁହେଁ, ବରଂ ଏହା ଆପଣଙ୍କ ସ୍ୱାସ୍ଥ୍ୟର ଏକ ଆଇନା ମଧ୍ୟ ଅଟେ। ଯଦି ଆପଣଙ୍କ ନଖ ବାରମ୍ବାର ଭାଙ୍ଗି ଯାଉଛି, ପତଳା ହୋଇ ଉପଡ଼ି ଯାଉଛି କିମ୍ବା ବହୁତ ଦୁର୍ବଳ ଲାଗୁଛି, ତେବେ ଏହା ଶରୀରରେ ପୋଷକ ତତ୍ତ୍ୱର ଅଭାବକୁ ସୂଚାଇଥାଏ।
ଆହୁରି ପଢ଼ନ୍ତୁ: କାର୍ଯ୍ୟ ଘରୁ, କଷ୍ଟ ବି ଘରୁ! ଜାଣନ୍ତୁ ନିରନ୍ତର ବସି ରହିବା କିପରି ଆପଣଙ୍କ ପିଠି, ବେକ ବିନ୍ଧାର କାରଣ ସାଜୁଛି
ଏକ ରିପୋର୍ଟ ଅନୁଯାୟୀ, ଆସନ୍ତୁ ଜାଣିବା ନଖ କାହିଁକି ଭାଙ୍ଗେ, କେଉଁ ପୋଷକ ତତ୍ତ୍ୱର ଅଭାବ ଏହାର କାରଣ ଓ ନଖକୁ କିପରି ମଜବୁତ୍ କରାଯାଇପାରିବ।
କେଉଁ ଜିନିଷର ଅଭାବରୁ ଭାଙ୍ଗେ ନଖ?
ନଖଗୁଡ଼ିକକେରାଟିନ୍ ନାମକ ଏକ ପ୍ରୋଟିନ୍ରେ ତିଆରି ହୋଇଥାଏ। ଏଗୁଡ଼ିକୁ ମଜବୁତ୍ ରଖିବା ପାଇଁ ଆଇରନ୍, ପ୍ରୋଟିନ୍, ଜିଙ୍କ୍ ଏବଂ ଭିଟାମିନ୍ ବି-୧୨ ଭଳି ତତ୍ତ୍ୱ ଜରୁରୀ ଅଟେ।
ଆଇରନ୍ର ଅଭାବ: ଏହା ସବୁଠାରୁ ସାଧାରଣ କାର୍ଯ୍ୟ। ଆଇରନ୍ ଅଭାବରୁ ନଖ ପତଳା ଏବଂ ଦୁର୍ବଳ ହୋଇଯାଏ। କେତେକ କ୍ଷେତ୍ରରେ ନଖ ଚାମଚ ଭଳି ଭିତରକୁ ଟକି ହୋଇଯାଇଥାଏ। ଏହା ସହିତ ଯଦି ଶରୀରରେ କ୍ଳାନ୍ତି, ମୁହଁ ଫିକା ପଡ଼ିବା କିମ୍ବା ନିଶ୍ୱାସ ନେବାରେ କଷ୍ଟ ହେଉଥାଏ, ତେବେ ତୁରନ୍ତ ଡାକ୍ତରୀ ଯାଞ୍ଚ କରାଇବା ଉଚିତ୍।
ବାୟୋଟିନ୍: ନଖ ପାଇଁ ବାୟୋଟିନ୍ ମଧ୍ୟ ବହୁତ ଜରୁରୀ, ଯଦିଓ ଏହାର ଅଭାବ ଅତ୍ୟନ୍ତ କମ୍ ଲୋକଙ୍କଠାରେ ଦେଖାଯାଇଥାଏ।
ଏହି ଅଭ୍ୟାସ ଓ ସମସ୍ୟା ମଧ୍ୟ ନଖ ଦୁର୍ବଳ ହେବାର କାରଣ
ସବୁବେଳେ କେବଳ ପୋଷକ ତତ୍ତ୍ୱର ଅଭାବ ନଖ ଭାଙ୍ଗିବାର କାରଣ ହୋଇନଥାଏ। ଆମର ଦୈନନ୍ଦିନ ଅଭ୍ୟାସ ମଧ୍ୟ ଏଥିପାଇଁ ଦାୟୀ:
ବାରମ୍ବାର ହାତ ଧୋଇବା: ବାସନ ମାଜିବା କିମ୍ବା କପଡ଼ା ଧୋଇବା ସମୟରେ ନଖ ବାରମ୍ବାର ପାଣିରେ ଭିଜି ଶୁଖିଥାଏ, ଯାହା ଦ୍ୱାରା ନଖର ପରତଗୁଡ଼ିକ ଦୁର୍ବଳ ହୋଇଯାଏ।
ରସାୟନର ବ୍ୟବହାର: ଡିଟରଜେଣ୍ଟ, ସାନିଟାଇଜର୍ ଏବଂ ନେଲ୍ ପଲିଶ୍ ରିମୁଭର୍ର ଅଧିକ ବ୍ୟବହାର ନଖକୁ ଶୁଷ୍କ କରିଦିଏ।
ଥାଇରଏଡ୍ ସମସ୍ୟା: ଥାଇରଏଡ୍ ଗଡ଼ବଡ଼ି କାରଣରୁ ମଧ୍ୟ ନଖ ଦୁର୍ବଳ ହୋଇପାରେ। ଏଥିସହ ବାଳ ଝଡ଼ିବା, ଅଧିକ ଶୀତ ଲାଗିବା ଏବଂ କ୍ଳାନ୍ତି ଅନୁଭବ ହେବା ଭଳି ଲକ୍ଷଣ ଦେଖାଯାଏ।
ନଖକୁ କିପରି ମଜବୁତ୍ କରିବେ?
ପୋଷକଯୁକ୍ତ ଖାଦ୍ୟ: ଖାଦ୍ୟରେ ଅଣ୍ଡା, ଡାଲି, ପାଳଙ୍ଗ ଶାଗ, ପନିପରିବା ଏବଂ ବିଭିନ୍ନ ମଞ୍ଜି ଜାତୀୟ ଖାଦ୍ୟ ସାମିଲ କରନ୍ତୁ। ଆଇରନ୍ ଯୁକ୍ତ ଖାଦ୍ୟ ସହିତ ଲେମ୍ବୁ କିମ୍ବା ଅଁଳା ମଧ୍ୟ ଖାଆନ୍ତୁ।
ହାଇଡ୍ରେଟ୍ ରୁହନ୍ତୁ: ଦିନସାରା ପର୍ଯ୍ୟାପ୍ତ ପାଣି ପିଅନ୍ତୁ। ନଖ ଓ ଏହାର ଚାରିପାଖରେ ହାଲକା ତେଲ କିମ୍ବା କ୍ରିମ୍ ଲଗାନ୍ତୁ।
ସାବଧାନତା: ନଖକୁ ଛୋଟ ରଖନ୍ତୁ ଯେପରି ଏହା କେଉଁଠି ଅଟକି ନ ଭାଙ୍ଗେ। ବାସନ ଧୋଇବା ସମୟରେ ହାତରେ ଗ୍ଲୋଭ୍ସ ପିନ୍ଧନ୍ତୁ। ନଖକୁ ଦାନ୍ତରେ କାଟିବା ଅଭ୍ୟାସ ପରିହାର କରନ୍ତୁ।
ଆହୁରି ପଢ଼ନ୍ତୁ: ‘ଧୁରନ୍ଧର: ଦ ରିଭେଞ୍ଜ’ରେ କ୍ୟାମିଓ ପାଇଁ ମୋଟା ଅଙ୍କର ପାରିଶ୍ରମିକ ପାଇଛନ୍ତି କି ୟାମୀ ଗୌତମ?
ଅଧିକ ଦେଖନ୍ତୁ:
