3 weeks ago
6
ARTICLE AD BOX
ନୂଆଦିଲ୍ଲୀ: ଭାରତୀୟ ଟେଲିକମ୍ ବଜାରରେ ଯେତେବେଳେ ଦୀର୍ଘ ସମୟର ବୈଧତା ଏବଂ କମ୍ ଦାମର ରିଚାର୍ଜ ପ୍ଲାନ୍ କଥା ଆସେ, ସେତେବେଳେ ଭାରତ ସଞ୍ଚାର ନିଗମ ଲିମିଟେଡ୍ (ବିଏସ୍ଏନ୍ଏଲ୍) ନିଜ ଗ୍ରାହକଙ୍କ ପାଇଁ ବିଭିନ୍ନ ପ୍ରକାର ସ୍ବତନ୍ତ୍ର ପ୍ଲାନ୍ ଭେଟି ଦେଇଥାଏ।
ଏୟାରଟେଲ୍ ଏବଂ ଜିଓ ଭଳି ବଡ଼ ଟେଲିକମ୍ କମ୍ପାନି ୩୫୯୯ ଟଙ୍କାରେ ୧ ବର୍ଷର ବୈଧତା ଦେଉଥିବା ବେଳେ, ବିଏସ୍ଏନ୍ଏଲ୍ ଏହାର ଅଧାରୁ କମ୍ ଦାମରେ ୩୦୦ ଦିନର ବୈଧତା ଥିବା ପ୍ଲାନ୍ ଦେଉଛି। ଏହା ହେଉଛି ବିଏସ୍ଏନ୍ଏଲ୍ର ୧୪୯୯ ଟଙ୍କିଆ ପ୍ରିପେଡ୍ ପ୍ଲାନ୍।
ବିଏସ୍ଏନ୍ଏଲର ୧୪୯୯ ଟଙ୍କିଆ ପ୍ଲାନ୍
ଦୀର୍ଘ ସମୟର ବୈଧତା ଚାହୁଁଥିବା ଗ୍ରାହକଙ୍କୁ ଦୃଷ୍ଟିରେ ରଖି ବିଏସ୍ଏନ୍ଏଲ୍ର ୧୪୯୯ ଟଙ୍କିଆ ପ୍ଲାନ୍ ପ୍ରସ୍ତୁତ କରାଯାଇଛି। ଏହି ପ୍ଲାନ୍ରେ ୩୦୦ ଦିନର ବୈଧତା ମିଳୁଛି। ଏଥିସହ ଦେଶର ଯେକୌଣସି ନେଟୱର୍କକୁ ଅସୀମିତ ଲୋକାଲ୍ ଏବଂ ଏସ୍ଟିଡି ଭଏସ୍ କଲିଂ ସୁବିଧା ରହିଛି।ଏହି ପ୍ଲାନ୍ରେ ମୋଟ ୩୨ ଜିବି ହାଇ-ସ୍ପିଡ୍ ଡାଟା ମିଳିଥାଏ। ୩୨ ଜିବି ଡାଟା ଶେଷ ହୋଇଗଲେ ମଧ୍ୟ ଇଣ୍ଟରନେଟ୍ ବନ୍ଦ ହେବ ନାହିଁ। ଏହାପରେ ୪୦ କେବିପିଏସ୍ ସ୍ପିଡ୍ରେ ଅସୀମିତ ଡାଟା ବ୍ୟବହାର କରିହେବ। ଏଥିସହ ପ୍ରତିଦିନ ୧୦୦ଟି ମାଗଣା ଏସ୍ଏମ୍ଏସ୍ ମିଳିବ।
ମିଳିବ ଏହି ସୁବିଧା
ରିଲାଏନ୍ସ ଜିଓ ଏବଂ ଭାରତୀ ଏୟାରଟେଲ୍ର ଦୀର୍ଘ ବୈଧତା ଥିବା ପ୍ଲାନ୍କୁ ଦେଖିଲେ, ଉଭୟ କମ୍ପାନିର ସବୁଠାରୁ ଶସ୍ତା ବାର୍ଷିକ ପ୍ଲାନ୍ର ଦାମ ୩୫୯୯ ଟଙ୍କା ରହିଛି। ଏହି ପ୍ଲାନ୍ଗୁଡ଼ିକରେ ୩୬୫ ଦିନର ବୈଧତା ସହ ଦୈନିକ ଡାଟା ଏବଂ ଅସୀମିତ ୫ଜି ଡାଟା ମଧ୍ୟ ଦିଆଯାଉଛି।
ତେବେ ଯଦି ଆପଣଙ୍କ ପାଖରେ ୱାଇ-ଫାଇ ସୁବିଧା ରହିଛି କିମ୍ବା କେବଳ କଲିଂ ଏବଂ ସାଧାରଣ ଇଣ୍ଟରନେଟ୍ ବ୍ୟବହାର ପାଇଁ ସିମ୍କୁ ସକ୍ରିୟ ରଖିବାକୁ ଚାହୁଁଛନ୍ତି, ତେବେ ବିଏସ୍ଏନ୍ଏଲ୍ର ଏହି ପ୍ଲାନ୍ କମ୍ ଦାମରେ ୩୦୦ ଦିନ ପର୍ଯ୍ୟନ୍ତ ସେବା ଦେଇଥାଏ। ଅର୍ଥାତ୍, କମ୍ ଟଙ୍କାରେ ଦୀର୍ଘ ସମୟର ବୈଧତା ମିଳୁଛି। ଏଥିସହ ଆବଶ୍ୟକତା ଅନୁସାରେ ବ୍ୟବହାର କରିବା ପାଇଁ ଡାଟା ମଧ୍ୟ ମିଳୁଛି।
ଜିଓ ଏବଂ ଏୟାରଟେଲ୍ ଅଧିକ ଡାଟା ଏବଂ ଓଟିଟି ସବ୍ସ୍କ୍ରିପ୍ସନ୍ ଥିବା ମହଙ୍ଗା ପ୍ଲାନ୍ ଉପରେ ଗୁରୁତ୍ୱ ଦେଉଥିବା ବେଳେ, ବିଏସ୍ଏନ୍ଏଲ୍ର ୧୪୯୯ ଟଙ୍କିଆ ପ୍ଲାନ୍ରେ ୩୦୦ ଦିନର ବୈଧତା ଏବଂ ଅସୀମିତ କଲିଂ ସୁବିଧା ମିଳୁଛି। ତେଣୁ କମ୍ ଦାମରେ ଦୀର୍ଘ ବୈଧତା ଏବଂ କଲିଂ ସୁବିଧା ଚାହୁଁଥିବା ଗ୍ରାହକଙ୍କ ପାଇଁ ଏହି ରିଚାର୍ଜ ପ୍ଲାନ୍ ଏକ ବିକଳ୍ପ ଭାବେ ଦିଆଯାଇଛି।
