3 weeks ago
4
ARTICLE AD BOX
ନୂଆଦିଲ୍ଲୀ:ଅଲ୍ ଇଣ୍ଡିଆ ଇମାମ୍ ଆସୋସିଏସନ୍ର ସଭାପତି ମୌଲାନା ସାଜିଦ ରଶିଦି ଜନସଂଖ୍ୟା ଏବଂ ସନ୍ତାନଙ୍କ ସଂଖ୍ୟା ସମ୍ପର୍କରେ ଏକ ବିବାଦୀୟ ମନ୍ତବ୍ୟ ଦେଇଛନ୍ତି। ସେ କହିଛନ୍ତି ଯେ, ମୁସଲିମ୍ ପରିବାରରେ ପାଞ୍ଚରୁ ଅଧିକ ପିଲା ରହିବା ସ୍ୱାଭାବିକ, ଏବଂ ସେମାନଙ୍କ ପାଇଁ ଛଅଟି ସର୍ବନିମ୍ନ ସଂଖ୍ୟା। ସେ ହିନ୍ଦୁ ପରିବାରଗୁଡ଼ିକରେ କମ୍ ସନ୍ତାନ ଥିବା ବିଷୟରେ ମଧ୍ୟ ପ୍ରଶ୍ନ ଉଠାଇଛନ୍ତି। ଆମର ସମସ୍ତଙ୍କର ପାଞ୍ଚରୁ ଅଧିକ ପିଲା ଅଛନ୍ତି। ଛଅ ହେଉଛି ସମ୍ପୂର୍ଣ୍ଣ ସର୍ବନିମ୍ନ ସଂଖ୍ୟା। ଯଦି ସର୍ବନିମ୍ନ ନୁହେଁ, ତେବେ ଛଅ, ଆଠ, ଦଶ, ଏବଂ ଏଗାର କିମ୍ବା ବାରଟି ମଧ୍ୟ ସର୍ବନିମ୍ନ। ହିନ୍ଦୁମାନଙ୍କ ଆଡ଼କୁ ଇଙ୍ଗିତ କରି ସେ କହିଛନ୍ତି, କମ୍ ସେ ଦଶ ପର୍ଯ୍ୟନ୍ତ ଆସନ୍ତୁ। ପାଞ୍ଚ କାହିଁକି, ଦଶ କରନ୍ତୁ? ଅତି କମରେ ଆମ ସହିତ ସମକକ୍ଷ ହୁଅନ୍ତୁ।
ଶିକ୍ଷା ଏବଂ ଲାଳନପାଳନର ଖର୍ଚ୍ଚ ବିଷୟରେ ଚିନ୍ତିତ
ସେ କହିଛନ୍ତି, ମୁସଲିମ ସମ୍ପ୍ରଦାୟ ବିଶ୍ୱାସ କରନ୍ତି ଯେ, ଭଗବାନ ସେମାନଙ୍କ ପିଲାମାନଙ୍କର ଯତ୍ନ ନିଅନ୍ତି, ସେମାନଙ୍କ ପାଇଁ ଖାଦ୍ୟ ଯୋଗାଡ଼ କରନ୍ତି। ପିତାମାତା କେବଳ ଏକ ମାଧ୍ୟମ ମାତ୍ର। ହିନ୍ଦୁ ପରିବାର ସେମାନଙ୍କ ପିଲାମାନଙ୍କର ଶିକ୍ଷା ଏବଂ ଲାଳନପାଳନର ଖର୍ଚ୍ଚ ବିଷୟରେ ଚିନ୍ତିତ। ସେଥିପାଇଁ ସେମାନଙ୍କର ଅଧିକ ସନ୍ତାନ ନଥାଏ। ଶିକ୍ଷା ପାଇବା ପରେ ପିଲା କ’ଣ କରନ୍ତି? ନିଜ ବାପାମାଙ୍କୁ ବୃଦ୍ଧାଶ୍ରମରେ ଛାଡି ସ୍ତ୍ରୀ ସହିତ ଜୀବନ ଉପଭୋଗ କରିଥାନ୍ତି। ଅପରପକ୍ଷରେ ମୁସଲିମ ପରିବାରରେ ସମସ୍ତ ପିଲାମାନଙ୍କର ଉପଯୁକ୍ତ ଯତ୍ନ ନିଆଯାଏ, ସେମାନଙ୍କର ଶିକ୍ଷା ସଠିକ୍ ଭାବରେ ତଦାରଖ କରାଯାଏ। ପିଲାମାନେ ବୃଦ୍ଧାଶ୍ରମରେ ବାପାମାଙ୍କୁ ଛାଡ଼ନ୍ତି ନାହିଁ।
ରଶିଦି ଅଭିଯୋଗ କରିଛନ୍ତି ଯେ ଅନେକ ହିନ୍ଦୁ ପିତାମାତା ସେମାନଙ୍କ ପିଲାମାନଙ୍କୁ ବୁଢ଼ାବାପାବୁଢ଼ୀମା ଅବା ଅଜା ଆଈଙ୍କ ଦାୟିତ୍ବରେ ଛାଡ଼ି କାମ କରିବାକୁ ଯାଇଥାନ୍ତି। ଯାହା ପିଲାମାନଙ୍କର ମୂଲ୍ୟବୋଧ ଏବଂ ପାରିବାରିକ ସମ୍ପର୍କକୁ ପ୍ରଭାବିତ କରିଥାଏ।
ଆରଏସଏସ ଏବଂ ହିନ୍ଦୁ ଧାର୍ମିକ ନେତାମାନଙ୍କ ମନ୍ତବ୍ୟକୁ ଉଲ୍ଲେଖ କରି ସେ କହିଛନ୍ତି ଯେ, ପୂର୍ବରୁ କିଛି ନେତା ହିନ୍ଦୁମାନଙ୍କୁ ଅଧିକ ସନ୍ତାନ ଜନ୍ମ କରିବାକୁ ପରାମର୍ଶ ଦେଇଛନ୍ତି। ବ୍ୟଙ୍ଗାତ୍ମକ ଭାବରେ କହିଛନ୍ତି, ଯଦି ମୁସଲମାନମାନଙ୍କୁ ସନ୍ତାନ ଉତ୍ପାଦନକାରୀ ମେସିନ୍ କୁହାଯାଉଛି, ତେବେ ଏହି ମନ୍ତବ୍ୟ ସୂଚାଇ ଦେଉଛି ଯେ, ମହିଳାମାନଙ୍କୁ ସନ୍ତାନ ଉତ୍ପାଦନକାରୀ ମେସିନ୍ କୁହାଯାଉଛି।
Shooting: ରକ୍ତରେ ଭିଜିଲା‘ହୋମ୍ କମିଂ’ ପାର୍ଟି: ଗୁଳିକାଣ୍ଡରେ ୨ ମୃତ, ୩୫ ଆହତ
ମୌଲାନା ବନ୍ଧ୍ୟାକରଣ ଏବଂ ସନ୍ତାନ ପ୍ରସବ ଉପରେ ମଧ୍ୟ ତାଙ୍କର ମତ ପ୍ରକାଶ କରି କହିଛନ୍ତି, ଇସଲାମ ସନ୍ତାନ ପ୍ରସବ ଉପରେ ପ୍ରତିବନ୍ଧକ ଲଗାଇବାର ଧାରଣାକୁ ଗ୍ରହଣ କରେ ନାହିଁ। କାରଣ କେଉଁ ସନ୍ତାନ ଜନ୍ମ ହେବ ତାହା ଈଶ୍ୱର ନିର୍ଣ୍ଣୟ କରନ୍ତି। ତାଙ୍କ ପଡ଼ୋଶୀର ଏକ ଉଦାହରଣ ଦେଇ ସେ ଦାବି କରିଥିଲେ ଯେ, ଏକ ହିନ୍ଦୁ ପରିବାରରେ ବନ୍ଧ୍ୟାକରଣ ପରେ ମଧ୍ୟ ଯମଜ ସନ୍ତାନ ଜନ୍ମ ହୋଇଥିଲେ।
