3 weeks ago
8
ARTICLE AD BOX
ହିନ୍ଦୁ ଧର୍ମରେ ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ବିଭିନ୍ନ ପରମ୍ପରା ଓ ରୀତିନୀତି ପାଳନ କରିବାର ବିଦ୍ଧି ରହିଛି। ମୃତ୍ୟୁ ପରେ ମଧ୍ୟ ମୃତଦେହ ସହ ଜଡ଼ିତ ଅନେକ ପରମ୍ପରା ରହିଛି। ସେଥିମଧ୍ୟରୁ ମୃତଦେହର ନାକ, କାନ ଓ ଅନ୍ୟ କିଛି ଖୋଲା ଅଙ୍ଗରେ ତୁଳା ବା ସଫା କପଡ଼ା ଲଗାଇବା ଏକ ପ୍ରଚଳିତ ପରମ୍ପରା। ତେବେ ଏହା ପଛରେ କାରଣ କଣ ରହିଛି?
ଶରୀରର ‘ନଅ ଦ୍ୱାର’
ଗରୁଡ଼ ପୁରାଣ ସହ ଜଡ଼ିତ ଧାର୍ମିକ ବ୍ୟାଖ୍ୟା ଅନୁସାରେ, ମାନବ ଶରୀରରେ ନଅଟି ପ୍ରମୁଖ ଦ୍ୱାର ରହିଛି। ଏଥିରେ ଦୁଇ ଆଖି, ଦୁଇ କାନ, ଦୁଇ ନାକପୁଡ଼ା, ମୁହଁ ଏବଂ ତଳଭାଗର ଦୁଇଟି ଦ୍ୱାର ସାମିଲ। ମୃତ୍ୟୁ ପରେ ପ୍ରାଣ ଶରୀର ଛାଡ଼ି ଯାଏ ବୋଲି ଧାର୍ମିକ ବିଶ୍ୱାସ ରହିଛି। ଏହି କାରଣରୁ ଶରୀରର ଖୋଲା ଅଂଶଗୁଡ଼ିକୁ ତୁଳା ଦ୍ୱାରା ଢାଙ୍କିବାର ପରମ୍ପରା ରହିଥିବା କୁହାଯାଏ।
ମୃତଦେହର ମର୍ଯ୍ୟାଦା ଓ ସ୍ୱଚ୍ଛତା
ଏହି ପରମ୍ପରାର ଏକ ବ୍ୟବହାରିକ ପକ୍ଷ ମଧ୍ୟ ରହିଛି। ମୃତ୍ୟୁର କିଛି ସମୟ ପରେ ଶରୀରରେ ସ୍ୱାଭାବିକ ବିଘଟନ ପ୍ରକ୍ରିୟା ଆରମ୍ଭ ହୁଏ। ଏହି ସମୟରେ ଶରୀରର ଭିତରେ ପରିବର୍ତ୍ତନ ହେବା ସହ ନାକ କିମ୍ବା ମୁହଁ ଭଳି ଅଂଶରୁ ତରଳ ପଦାର୍ଥ ବାହାରିବାର ସମ୍ଭାବନା ରହିଥାଏ। ତେଣୁ ମୃତଦେହକୁ ସଫା ଓ ମର୍ଯ୍ୟାଦାପୂର୍ଣ୍ଣ ଭାବେ ରଖିବା ପାଇଁ ଖୋଲା ଅଂଶଗୁଡ଼ିକୁ ଢାଙ୍କି ଦିଆଯାଏ। ମୃତଦେହ ଖୋଲା ରହିଲେ କୀଟପତଙ୍ଗ ଆକର୍ଷିତ ହେବାର ସମ୍ଭାବନା ଥାଏ। ତେଣୁ ନାକ, କାନ ଭଳି ଖୋଲା ଅଂଶରେ ତୁଳା ଲଗାଇବା ଦ୍ୱାରା ଏହି ଅଂଶଗୁଡ଼ିକୁ କିଛି ମାତ୍ରାରେ ଆବୃତ ରଖାଯାଇପାରେ।
କେତେକ ଲୋକବିଶ୍ୱାସରେ ମୃତ୍ୟୁ ଓ ଶେଷ ସଂସ୍କାର ମଧ୍ୟର ସମୟକୁ ଏକ ସମ୍ବେଦନଶୀଳ ଅବସ୍ଥା ଭାବେ ଦେଖାଯାଏ। ମୃତଦେହର ଖୋଲା ଅଙ୍ଗ ମାଧ୍ୟମରେ ନକାରାତ୍ମକ ସୂକ୍ଷ୍ମ ଶକ୍ତିର ପ୍ରଭାବ ପଡ଼ିପାରେ ବୋଲି କିଛି ଧାର୍ମିକ ବିଶ୍ୱାସ ରହିଛି। ଏହି ବିଶ୍ୱାସରୁ ମଧ୍ୟ ନାକ ଓ କାନରେ ତୁଳା ଲଗାଇବା ପରମ୍ପରା ପ୍ରଚଳିତ ହୋଇଥିବା କୁହାଯାଏ।
Durga Puja: ସମୟ ସହ ବଦଳିଯାଇଛି ଉତ୍ସବ ପାଳନର ଶୈଳୀ : ହେଲେ ଅତୁଟ ରହିଛି ମା’ଙ୍କ ପ୍ରତି ଭକ୍ତି
ତେବେ ମୃତ୍ୟୁ ପରେ ନାକ ଓ କାନରେ ରୁଇ ଲଗାଇବାକୁ କେବଳ ଧାର୍ମିକ ପରମ୍ପରା ଭାବେ ନୁହେଁ, ବରଂ ମୃତଦେହର ସ୍ୱଚ୍ଛତା, ମର୍ଯ୍ୟାଦା ଓ ସୁରକ୍ଷା ସହ ଜଡ଼ିତ ଏକ ପାରମ୍ପରିକ ପ୍ରଥା ଭାବେ ମଧ୍ୟ ଦେଖାଯାଏ।
