Dog Grabs Meat: ଦୋକାନୀ ହାତରୁ ମାଂସ ଛଡ଼ାଇନେଲା କୁକୁର !

ଗ୍ରାହକଙ୍କ ସୁସ୍ୱାଦୁ ଶ୍ୱରମା ରୋଲ୍‌ ରନ୍ଧା ହେବା ପାଇଁ ଟଙ୍ଗା ହୋଇଥିଲା ମାଂସ । ହେଲେ ମଣିଷ ଖାଇବ କଣ ଏଠି ଆଖି ପିଛୁଳାକେ ମାଂସ ଝାମ୍ପିନେଲା ବୁଲା କୁକୁର । ଦୋକାନୀ ଆସିବା ପୂର୍ବରୁ ମାଂସ ଧରି ଚମ୍ପଟ ମାରିଲା କୁକୁର । ଯାହାର ଭିଡିଓ ସୋସିଆଲ ମିଡିଆରେ ବେଶ୍‌ ଭାଇରାଲ ହେବାରେ ଲାଗିଛି। ଷ୍ଟ୍ରିଟ୍ ଫୁଡ୍‌ର ଚାହିଦା ଆଜିକାଲି ବେଶ୍ ବଢ଼ିଛି । ସନ୍ଧ୍ୟା ହେଲେ ସାଙ୍ଗସାଥୀଙ୍କ ସହ ବାହାରକୁ ଯାଇ ମନପସନ୍ଦର ଖାଦ୍ୟ ଖାଇବାକୁ ଅନେକ ପସନ୍ଦ କରନ୍ତି। ବିଶେଷ କରି ଆମିଷ ଉପରେ ସମସ୍ତଙ୍କର ଟାର୍ଗେଟ । ଚିକେନ୍‌, ମଟନ ଉପରେ ନାନାଦି ଆଇଟମ୍‌ ଖାଇବାକୁ ଲୋକେ ବେଶ୍‌ ପସନ୍ଦ କରୁଛନ୍ତି । ଆଉ ଚିକେନ ରୋଲ୍‌ ତ ସମସ୍ତଙ୍କ ପସନ୍ଦ । ମନେ କରନ୍ତୁ ଆପଣ ଗୋଟିଏ ରୋଲ୍‌ ଅର୍ଡର କରିଥିବେ, କିନ୍ତୁ ହଠାତ ଆପଣଙ୍କ ଆଖି ସାମ୍ନାରୁ କୁକୁର ଚିକେନ୍‌ ଭିଡ଼ି କରି ନେଇଯିବ । ସେତେ ବେଳେ ଆପଣ କଣ କରିବେ । କିଛି ଏମିତି ଏକ ଘଟଣା ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି।