Earth Again Conference 2026: ‘ପୁନଶ୍ଚ ପୃଥିବୀ’ରେ ପରିବେଶ ବିଧାନସଭା

ଭୁବନେଶ୍ବର: ଦୈନିକ ‘ସମ୍ବାଦ’ ଏବଂ ଆମ ଓଡ଼ିଶା ପକ୍ଷରୁ ଆୟୋଜିତ ‘ପୁନଶ୍ଚ ପୃଥିବୀ’ର ତୃତୀୟ ସଂସ୍କରଣର କାର୍ଯ୍ୟକ୍ରମରେ ଜଳବାୟୁ ପରିବର୍ତ୍ତନ ଓ ପୃଥିବୀ ଉପରେ ଏହାର ପ୍ରଭାବ ନେଇ ଶୁକ୍ରବାର ଠାରୁ ତିନିଦିନିଆ ସମ୍ମିଳନୀ ଆରମ୍ଭ ହୋଇଯାଇଛି। 

ଭୁବନେଶ୍ବର ଉତ୍କଳ ବିଶ୍ବବିଦ୍ୟାଳୟର ୨ଟି ସଭାଗୃହରେ ଆୟୋଜିତ ଏହି ସମ୍ମିଳନୀରେ ଏକାଧିକ ଅଧିବେଶନ ମାଧ୍ୟମରେ ରାଜ୍ୟପାଳ, ମନ୍ତ୍ରୀ, ବିଧାୟକ, ସମାଜସେବୀ, ବୁଦ୍ଧିଜୀବୀ, ଶିକ୍ଷାବିତ୍‌ ଏବଂ ଛାତ୍ରଛାତ୍ରୀ ଯୋଗଦେଇଛନ୍ତି।

ସମ୍ମିଳନୀର ଦ୍ବିତୀୟ ଦିବସରେ ଶନିବାର ଏକ ଅଭିନବ ପ୍ରୟାସ ପରିବେଶ ବିଧାନସଭାର ଆୟୋଜନ ହୋଇଛି। ଅର୍ଥାତ୍ ପୁନଶ୍ଚ ପୃଥିବୀ କାର୍ଯ୍ୟକ୍ରମରେ ବିଧାନସଭା ଭଳି ସମ୍ପୂର୍ଣ୍ଣ ମାହୋଲ ସୃଷ୍ଟି ହୋଇଛି। ବିଧାନସଭା ଭଳି ବାଚସ୍ପତିଙ୍କ ତତ୍ତ୍ଵାବଧାନରେ ଶାସକ ଦଳ ଓ ବିରୋଧୀ ଦଳ, ପ୍ରଶ୍ନକାଳ, ଶୂନ୍ୟକାଳ, ପ୍ରସ୍ତାବ ପାରିତ, ଗୃହ ମୁଲତବି, ମୁଖ୍ୟମନ୍ତ୍ରୀ ଓ ବିରୋଧୀ ଦଳ ମୁଖ୍ୟଙ୍କ ଅଭିଭାଷଣ, ହୋହଲ୍ଲା ସହିତ ଗୃହ ପରିଚାଳନା ହୋଇଥିଲା।

ଫଟୋରେ ‘ପୁନଶ୍ଚ ପୃଥିବୀ’ର ଝଲକ