1 week ago
4
ARTICLE AD BOX
ଭୁବନେଶ୍ବର: ୧୯୯୭ରେ ଯେଉଁ ପରିବାର ରିଲାଏନ୍ସର ସେୟାର ରଖିଥିଲେ ୨୦୦୬ରେ ସେମାନଙ୍କୁ ଖୁସି ଖବର ମିଳିଥିଲା। ରିଲାଏନ୍ସ ପେଟ୍ରୋଲିୟମ ପବ୍ଲିକ୍ ଇସ୍ୟୁ ଜାରି କରିଥିଲା। ଯାହା ଫଳରେ ରିଲାଏନ୍ସର ବ୍ୟବସାୟ ସାଧାରଣ ନିବେଶକଙ୍କ ନିକଟତର ହୋଇଥିଲା। ୨୦୦୯ରେ ଏହା ରିଲାଏନ୍ସ ଇଣ୍ଡଷ୍ଟ୍ରିଜ୍ ସହିତ ମିଶ୍ରଣ ହୋଇଥିଲା। ଏକ ବୃହତ୍ ସଂସ୍ଥା ଗଢ଼ିବା କଷ୍ଟକର ଥିଲା। ତାହାକୁ ଉତ୍ତରାଧିକାରୀ ସୂତ୍ରରେ ପାଇ ଆହୁରି ବଡ଼ କରିବା ଜଣେ ଲିଡରଙ୍କ କ୍ଷମତାକୁ ଭିନ୍ନ ଢଙ୍ଗରେ ପରୀକ୍ଷା କରିଥିଲା। ୨୦୦୨ରେ ଧୀରୁଭାଇ ଅମ୍ବାନୀଙ୍କ ଦେହାନ୍ତ ହେବା ବେଳକୁ ରିଲାଏନ୍ସ ଭାରତର ଅନ୍ୟତମ ବୃହତ୍ ଶିଳ୍ପାନୁଷ୍ଠାନରେ ପରିଣତ ହୋଇଥିଲା। ଅନେକ ଭାବିଥିଲେ ଯେ ତାଙ୍କ ଉତ୍ତରାଧିକାରୀମାନେ କେବଳ ତାଙ୍କ ବ୍ୟବସାୟକୁ ସୁରକ୍ଷା ଦେବେ। ମୁକେଶ ଅମ୍ବାନୀଙ୍କ ପାଇଁ ତାଙ୍କ ବାପାଙ୍କ ଦର୍ଶନ: ବଡ଼ ଭାବନା, ଚାହିଦା ପୂର୍ବରୁ ନିବେଶ ଓ ଏକ କ୍ଷେତ୍ରକୁ ସମ୍ପୂର୍ଣ୍ଣ ନୂଆ ଆକାର ପ୍ରଦାନ କରିବାକୁ ଆଗକୁ ବଢ଼ାଇବାର ଦାୟିତ୍ବ ଥିଲା। ସେହି ଅଭିଳାଷର ସ୍ପଷ୍ଟ ଚିତ୍ର ସୌରାଷ୍ଟ୍ର ଉପକୂଳରେ ଦେଖିବାକୁ ମିଳିଥିଲା। ମୁକେଶଙ୍କ ନେତୃତ୍ବରେ ଜାମନଗର ଗୋଟିଏ ସ୍ଥାନରେ ବିଶ୍ବର ସର୍ବବୃହତ୍ ବିଶୋଧନାଗାର କମ୍ପ୍ଲେକ୍ସରେ ପରିଣତ ହୋଇଥିଲା ଯେଉଁଠାରେ ଭାରତୀୟ ଇଞ୍ଜିନିୟରିଂ ବିଶ୍ବସ୍ତରୀୟ ବ୍ୟାପକତା ସହ ପରିଚାଳିତ ହୋଇଥିଲା। ସେଥିରୁ ଉତ୍ପାଦିତ ଶକ୍ତି ସାରା ବିଶ୍ବରେ ପହଞ୍ଚିଥିଲା।
Northeast Monsoon: ଉତ୍ତରପୂର୍ବ ମୌସୁମୀ ଆଗମନ ପାଇଁ ପାଗ ଅନୁକୂଳ
ଗୁଜରାଟ ପାଇଁ ଏହା କେବଳ ଏକ ଶିଳ୍ପ ଠିକଣା ନଥିଲା, ତାହା ଥିଲା ନିବେଶ, ନିଯୁକ୍ତି ଓ ଦକ୍ଷତା ସହିତ ଯୋଗାଣକାରୀ ଓ ସେବା ପ୍ରଦାନକାରୀଙ୍କୁ ଆଣିବା ଓ ଗୁଜରାଟକୁ ବିଶ୍ବ ଶକ୍ତି ମାନଚିତ୍ରରେ ସ୍ଥାନିତ କରିବା। ବର୍ତ୍ତମାନ ସେହି ଅଞ୍ଚଳରେ ଧୀରୁଭାଇ ଅମ୍ବାନୀ ଗ୍ରିନ ଏନର୍ଜି ଗିଗା କମ୍ପ୍ଲେକ୍ସ ସ୍ଥାପନ କରାଯାଇଛି ଯାହା ଫଳରେ ରିଲାଏନ୍ସ ଶକ୍ତିର ଭବିଷ୍ୟତ ଆଡ଼କୁ ଗତି କରିଛି। ନରୋଡାର ଏକ ବୟନ କଳ ରିଲାଏନ୍ସକୁ ଭାରତୀୟ ପରିବାରଗୁଡ଼ିକ ନିକଟରେ ପହଞ୍ଚିଥିଲା। ମୁକେଶଙ୍କ ନେତୃତ୍ବରେ ରିଟେଲ୍, ଗଣମାଧ୍ୟମ ଓ ମନୋରଞ୍ଜନ, ଡିଜିଟାଲ ସେବା ଓ ଟେଲିଯୋଗାଯୋଗ କ୍ଷେତ୍ରକୁ ରିଲାଏନ୍ସ ସମ୍ପ୍ରସାରିତ ହୋଇଥିଲା। ଗୋଟିଏ ପିଢ଼ିରେ ରିଲାଏନ୍ସ ସୂତା ତିଆରି କରିବାଠାରୁ ବିଶ୍ବ ପର୍ଯ୍ୟନ୍ତ ପହଞ୍ଚିପାରିଛି। ବାପା ଧୀରୁଭାଇ ଅମ୍ବାନୀ ଭାରତୀୟ ମଧ୍ୟବିତ୍ତଙ୍କୁ ସେୟାର କିଣି ଶିଳ୍ପ ପ୍ରଗତିର ଅଂଶ ହେବାକୁ ବାଟ ଦେଖାଇଥିଲେ। ପ୍ରଗତି କିଭଳି ବିଶ୍ବସ୍ତରୀୟ ହୋଇଥାଏ ତାହା ପୁଅ ମୁକେଶ କରିଦେଖାଇଛନ୍ତି। ସେଥିପାଇଁ ମୁକେଶଙ୍କୁ କୁହାଯାଉଛି ‘ନୂଆ ଯୁଗ ଗୁଜରାଟର ଶିଳ୍ପୀ’। ତେବେ ବିକାଶ ଆହୁରି ବାକି ଅଛି। ତାହା ବୋର୍ଡରୁମ୍ରେ ନୁହେଁ, ଭାରତୀୟ ପରିବାରର ଖାଇବା ଟେବୁଲ୍ରୁ ଆରମ୍ଭ ହେବ।
