2 weeks ago
4
ARTICLE AD BOX
ନୂଆଦିଲ୍ଲୀ: ଅନେକ ସମୟରେ ମୁଣ୍ଡବିନ୍ଧା ହେଲେ ଲୋକେ ଏହାକୁ ଚିନ୍ତାର ପ୍ରଭାବ ଭାବି ଏଡ଼ାଇ ଯାଆନ୍ତି। କିନ୍ତୁ ସବୁ ମୁଣ୍ଡବିନ୍ଧା ଏକାପରି ହୋଇନଥାଏ। ସାଧାରଣ ମୁଣ୍ଡବିନ୍ଧା ଏବଂ ମାଇଗ୍ରେନ୍ ଭିତରେ ବହୁତ ପାର୍ଥକ୍ୟ ରହିଛି। ଯନ୍ତ୍ରଣା କେଉଁଠି ହେଉଛି, କେତେ ସମୟ ପର୍ଯ୍ୟନ୍ତ ରହୁଛି ଏବଂ ଏହା ସହିତ କ’ଣ ସବୁ ଲକ୍ଷଣ ଦେଖାଯାଉଛି, ସେଗୁଡ଼ିକ ଜାଣିବା ଅତ୍ୟନ୍ତ ଜରୁରୀ।
୧. ମୁଣ୍ଡର କେଉଁ ଭାଗରେ ଯନ୍ତ୍ରଣା ହୁଏ?
ସାଧାରଣ ମୁଣ୍ଡବିନ୍ଧା: ଚାପ ବା ଷ୍ଟ୍ରେସ୍ ଯୋଗୁଁ ହେଉଥିବା ମୁଣ୍ଡବିନ୍ଧାରେ ସାଧାରଣତଃ ମୁଣ୍ଡର ଉଭୟ ପାର୍ଶ୍ୱରେ ଚାପ ଅନୁଭବ ହୋଇଥାଏ। ଏପରି ଲାଗେ ଯେପରି ମୁଣ୍ଡ ଚାରିପଟୁ କିଛି ଜିନିଷ ଦ୍ୱାରା କଷି ହୋଇ ରହିଛି।
ମାଇଗ୍ରେନ୍: ମାଇଗ୍ରେନ୍ ବେଳେ ଯନ୍ତ୍ରଣା ପ୍ରାୟତଃ ମୁଣ୍ଡର ଗୋଟିଏ ପାର୍ଶ୍ୱରେ ହୋଇଥାଏ। ଏହା ହୃଦସ୍ପନ୍ଦନ ଭଳି ଧଡ଼ଧଡ଼ ହେବା ଅନୁଭବ କରାଏ ଏବଂ କେତେବେଳେ କେତେବେଳେ ମୁଣ୍ଡର ଉଭୟ ପାର୍ଶ୍ୱକୁ ମଧ୍ୟ ବ୍ୟାପିଥାଏ।
୨. ଯନ୍ତ୍ରଣା ସହିତ ଦେଖାଯାଉଥିବା ଅନ୍ୟାନ୍ୟ ଲକ୍ଷଣ:
ସାଧାରଣ ମୁଣ୍ଡବିନ୍ଧା: ଏଥିରେ ହାଲୁକା ବା ମଧ୍ୟମ ଧରଣର ଯନ୍ତ୍ରଣା ଏବଂ ମୁଣ୍ଡରେ ଭାରିପଣ ଅନୁଭବ ହୁଏ।
ମାଇଗ୍ରେନ୍: ମାଇଗ୍ରେନ୍ ସମୟରେ ମୁଣ୍ଡବିନ୍ଧା ସହିତ ବାନ୍ତି ଲାଗିବା, ବାନ୍ତି ହେବା, ଅତ୍ୟଧିକ ଆଲୋକ କିମ୍ବା ଜୋରରେ ଶବ୍ଦ ହେଲେ ଅସହଜ ଲାଗିବା ଭଳି ଲକ୍ଷଣ ଦେଖାଯାଏ। ଏହି ସମୟରେ ବ୍ୟକ୍ତି ଜଣେ ନିରବ ଏବଂ ଅନ୍ଧାରୁଆ କୋଣରେ ଶାନ୍ତିରେ ବିଶ୍ରାମ ନେବାକୁ ପସନ୍ଦ କରନ୍ତି। ଚାଲିବା, ସିଡ଼ି ଚଢ଼ିବା କିମ୍ବା ଅନ୍ୟାନ୍ୟ ସାଧାରଣ କାମ କଲେ ମଧ୍ୟ ଯନ୍ତ୍ରଣା ବୃଦ୍ଧି ପାଇଥାଏ।
ଆହୁରି ପଢନ୍ତୁ: Navjot Simi: ଡେଣ୍ଟାଲ୍ ସର୍ଜନ୍ରୁ ଆଇପିଏସ୍ ଅଧିକାରୀ, ଭାଲେଣ୍ଟାଇନ୍ସ ଡେ’ରେ ଆଇଏଏସଙ୍କୁ ବିବାହ: ଚର୍ଚ୍ଚାରେ ନବଜୋତ ସିମି
୩. ମୁଣ୍ଡବିନ୍ଧା କେତେ ସମୟ ପର୍ଯ୍ୟନ୍ତ ରହେ?
ସାଧାରଣ ମୁଣ୍ଡବିନ୍ଧା: ଚାପଜନିତ ମୁଣ୍ଡବିନ୍ଧା ପ୍ରାୟ ୩୦ ମିନିଟରୁ ଆରମ୍ଭ କରି କିଛି ଘଣ୍ଟା ପର୍ଯ୍ୟନ୍ତ ରହିପାରେ।
ମାଇଗ୍ରେନ୍: ବିନା ଚିକିତ୍ସାରେ ମାଇଗ୍ରେନ୍ ଆକ୍ରମଣ ପ୍ରାୟ ୪ ରୁ ୭୨ ଘଣ୍ଟା ପର୍ଯ୍ୟନ୍ତ ଜାରି ରହିପାରେ। ଏହି ସମୟ ମଧ୍ୟରେ ଯନ୍ତ୍ରଣା କେତେବେଳେ କମିଥାଏ ତ କେତେବେଳେ ବଢ଼ିଥାଏ।
ଆହୁରି ପଢନ୍ତୁ: Iran US War: ଇରାନ ଯୁଦ୍ଧରେ ୨୧ ଆମେରିକୀୟ ସୈନ୍ୟଙ୍କ ମୃତ୍ୟୁ ଘଟିଛି: ମାନୁ ନଥିଲେ ଟ୍ରମ୍ପ, ପ୍ରଥମେ ମନା କରି ସତ ଖୋଲି କହିଲେ ପିଟ୍ ହେଗସେଥ୍
ଡାକ୍ତରଙ୍କ ପରାମର୍ଶ କାହିଁକି ଜରୁରୀ?
ବିଶେଷଜ୍ଞଙ୍କ ମତରେ, ସବୁ ମୁଣ୍ଡବିନ୍ଧା ମାଇଗ୍ରେନ୍ ନୁହେଁ ଏବଂ ପ୍ରତ୍ୟେକ ମାଇଗ୍ରେନରେ କେବଳ ଗୋଟିଏ ପାର୍ଶ୍ୱରେ ଯନ୍ତ୍ରଣା ହେବ ତାହା ମଧ୍ୟ ନୁହେଁ। ଯଦି ମୁଣ୍ଡବିନ୍ଧା ବାରମ୍ବାର ହେଉଛି ଏବଂ ଆପଣଙ୍କ ଦୈନନ୍ଦିନ କାମଧନ୍ଦାକୁ ପ୍ରଭାବିତ କରୁଛି, ତେବେ ବିଳମ୍ବ ନ କରି ଜଣେ ଡାକ୍ତରଙ୍କ ପରାମର୍ଶ ନେବା ଉଚିତ୍।
