1 day ago
5
ARTICLE AD BOX
ତେଲ ଅଭିଭ: ଇସ୍ରାଏଲରେ ସେନା ମୁଖ୍ୟ ଇୟାଲ୍ ଜମିର ଏବଂ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କ ମଧ୍ୟରେ ସବୁକିଛି ଠିକ୍ ଚାଲିନାହିଁ। ଉଭୟଙ୍କ ମଧ୍ୟରେ ପରିସ୍ଥିତି ଏତେ ଖରାପ ହୋଇଯାଇଛି ଯେ, ସେନା ଇରାନ ବିରୋଧରେ ସାମରିକ କାର୍ଯ୍ୟାନୁଷ୍ଠାନ ପାଇଁ ସରକାରଙ୍କ ମୌଖିକ ନିର୍ଦ୍ଦେଶକୁ ମାନିବାକୁ ମନା କରିଦେଇଛି। ଇସ୍ରାଏଲୀ ଗଣମାଧ୍ୟମ ଏହି ଦାବି କରିଛି। ଟାଇମ୍ସ ଅଫ୍ ଇସ୍ରାଏଲ ଏହାର ରିପୋର୍ଟରେ ଏହାକୁ ଇସ୍ରାଏଲର ଇତିହାସରେ ପୂର୍ବରୁ କେବେ ଦେଖାଯାଇନଥିବା ସଂଘର୍ଷ ବୋଲି କହିଛି। ଅକ୍ଟୋବର ୨୭ରେ ଇସ୍ରାଏଲରେ ହେବାକୁଥିବା ନିର୍ବାଚନ ପୂର୍ବରୁ ଏହି ରିପୋର୍ଟ ଆସିଛି।ଚ୍ୟାନେଲ ୧୨ ଅନୁଯାୟୀ, ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଏବଂ ଇସ୍ରାଏଲୀ ପ୍ରତିରକ୍ଷା ବାହିନୀ(ଆଇଡିଏଫ) ମୁଖ୍ୟ ଇୟାଲ୍ ଜମିରଙ୍କ ମଧ୍ୟରେ ଏକ ସମ୍ପୂର୍ଣ୍ଣ ନୂଆ ଲଢ଼େଇ ଦେଖିବାକୁ ମିଳିଛି। ମଙ୍ଗଳବାର ଅନୁଷ୍ଠିତ ହେବାକୁ ଥିବା ନିର୍ବାଚନ ପୂର୍ବରୁ ଇସ୍ରାଏଲୀ ରାଜନୈତିକ ନେତୃତ୍ୱ ଇରାନ ବିରୋଧରେ ସାମରିକ କାର୍ଯ୍ୟାନୁଷ୍ଠାନ ନିର୍ଦ୍ଦେଶ ଦେବାକୁ ଚେଷ୍ଟା କରିବା ସମୟରେ ଏହି ସଂଘର୍ଷ ଆରମ୍ଭ ହୋଇଛି।
ସେନା ମୁଖ୍ୟ ଜମିର ସାମରିକ କାର୍ଯ୍ୟାନୁଷ୍ଠାନକୁ ବିରୋଧ କରୁଛନ୍ତି। ସେ ନେତାନ୍ୟାହୁଙ୍କୁ କାର୍ଯ୍ୟାନୁଷ୍ଠାନ ପାଇଁ ଆଇନଗତ ଅନୁମୋଦନ ସମ୍ପର୍କରେ ଲିଖିତ ଏବଂ ସ୍ୱାକ୍ଷରିତ ଦଲିଲ ମାଗିଛନ୍ତି। ଚ୍ୟାନେଲ ୧୨ କହିଛି ଯେ, ଗତ ୨୪ ଘଣ୍ଟା ଶନିବାର-ରବିବାର ମଧ୍ୟରେ ଏହି ମାମଲା ବହୁତ ଗମ୍ଭୀର ହୋଇଯାଇଛି। ପରଦା ପଛରେ ଏନେଇ ବହୁ ଟଣାଓଟରା ଚାଲିଛି। ରିପୋର୍ଟରେ କୁହାଯାଇଛି ଯେ, ସମଗ୍ର ମାମଲା ଇରାନ ପ୍ରସଙ୍ଗ ସହିତ ଜଡିତ । ଜମିର ଏବଂ ଅନ୍ୟ ବରିଷ୍ଠ ସେନା ଅଧିକାରୀମାନେ ଚିନ୍ତିତ ଯେ, ନିର୍ବାଚନ ପୂର୍ବରୁ ରାଜନୈତିକ ନେତୃତ୍ୱ ଇସ୍ରାଏଲକୁ ଏପରି ପରିସ୍ଥିତିକୁ ଠେଲି ଦେଇପାରନ୍ତି ଯାହା ଦ୍ବାରା ପରିଣାମର ଭୁଲ୍ ଆକଳନ କରି ଏକ ଭୁଲ୍ ନିଷ୍ପତ୍ତି ନିଆଯିବାର ଆଶଙ୍କା ରହିଛି। ଏହା ଏପରି ଏକ ପଦକ୍ଷେପ ଯାହା ଇରାନ ସହିତ ଉତ୍ତେଜନାକୁ ବୃଦ୍ଧି କରିପାରେ। ଏତେ ସମ୍ବେଦନଶୀଳ ଏବଂ ଗୁରୁତ୍ୱପୂର୍ଣ୍ଣ ସମୟରେ ଏହି ପଦକ୍ଷେପ ନେବା ଏକ ଗମ୍ଭୀର ଭୁଲ୍ ପ୍ରମାଣିତ ହୋଇପାରେ।
ଆମେରିକା-ଇରାନ ମଧ୍ୟରେ ପୁଣି ବଡ଼ ଯୁଦ୍ଧ ସଙ୍କେତ; ସାମ୍ନାକୁ ଆସିଲା ୫ଟି ବଡ଼ କାରଣ
ରିପୋର୍ଟରେ କୁହାଯାଇଛି ନେତାନ୍ୟାହୁ ରାଜନୈତିକ ଲାଭ ପାଇଁ ଇରାନ ପ୍ରସଙ୍ଗକୁ ବ୍ୟବହାର କରିବାକୁ ଚେଷ୍ଟା କରୁଥିବାରୁ ସାମରିକ ନେତୃତ୍ୱ ଚିନ୍ତିତ ରହିଛନ୍ତି। ଦାବି କରାଯାଇଛି, ନେତାନ୍ୟାହୁ ଏବଂ ଜମିରଙ୍କ ମଧ୍ୟରେ ତିକ୍ତତା ରବିବାର ପାଲମାହିମ ଏୟାର ବେସ୍ରେ ସ୍ପଷ୍ଟ ହୋଇଥିଲା, ଯେଉଁଠାରେ ଏକ ଉତ୍ତେଜନାପୂର୍ଣ୍ଣ ପରିବେଶରେ ଆଲୋଚନା ହୋଇଥିଲା। ଜମିର ଇସ୍ରାଏଲ ପାଇଁ ଏକ ଗୁରୁତ୍ୱପୂର୍ଣ୍ଣ ସେବା କରିଛନ୍ତି। ସେ ରାଜନୈତିକ ନେତୃତ୍ୱଙ୍କଠାରୁ ପାଇଥିବା ନିର୍ଦ୍ଦେଶଗୁଡ଼ିକୁ କାର୍ଯ୍ୟକାରୀ କରିବା ପୂର୍ବରୁ ଗମ୍ଭୀର ଆଲୋଚନା ଦାବି କରିଥିଲେ ଏବଂ ନେତାନ୍ୟାହୁଙ୍କଠାରୁ ଆଇନଗତ ଏବଂ ସ୍ୱାକ୍ଷରିତ ଦଲିଲ ମଧ୍ୟ ଲୋଡିଥିଲେ। ଏହା ତାଙ୍କର ଏକ ସାହସିକ ପଦକ୍ଷେପ। ତେବେ ଏନେଇ ପ୍ରଧାନମନ୍ତ୍ରୀଙ୍କ ଅସନ୍ତୁଷ୍ଟ ହୋଇଛନ୍ତି।
ଏକ ରିପୋର୍ଟ ଅନୁଯାୟୀ, ଜମିର ଏକ ସାମ୍ପ୍ରତିକ ବୈଠକରେ କହିଥିଲେ ଯେ, ନିର୍ବାଚନ ପୂର୍ବରୁ ଇରାନ ଉପରେ ଆକ୍ରମଣ କରିବାର କୌଣସି ବ୍ୟବହାରିକ ଆବଶ୍ୟକତା ସେ ଦେଖୁନାହାନ୍ତି। ଯଦି ଆମେ ଅନୁଭବ କରିବୁ ଯେ, ଇରାନ ଉପରେ ଆକ୍ରମଣ କରିବା ଆବଶ୍ୟକ, ତେବେ ଆମେ ତାହା କରିବୁ। ନେତାନ୍ୟାହୁ ହେବାକୁ ଥିବା ମତଦାନକୁ ପ୍ରଭାବିତ କରିବା କିମ୍ବା ନିର୍ବାଚନକୁ ବିଳମ୍ବିତ କରିବା ପାଇଁ ଇରାନ ବିରୋଧରେ ଯୁଦ୍ଧ ଉସକାଇବାକୁ ଚାହୁଁଥିବା ସମାଲୋଚକ ଅଭିଯୋଗ କରିଛନ୍ତି। ନେତାନ୍ୟାହୁ ଏହି ଅଭିଯୋଗଗୁଡ଼ିକୁ ଅସ୍ୱୀକାର କରିଛନ୍ତି, କିନ୍ତୁ ସେନା ମୁଖ୍ୟଙ୍କ ସହ ମତଭେଦ ରିପୋର୍ଟ ତାଙ୍କୁ ପୁଣି ଥରେ ରାଜନୈତିକ ସ୍ଥିତିକୁ ଉଷ୍ମ କରିଛି।
Trump urges: ‘ଇରାନ ଯୁଦ୍ଧ ଶେଷ କରିବା ପାଇଁ ନେତାନ୍ୟାହୁଙ୍କୁ ନିର୍ବାଚିତ କରନ୍ତୁ’
