3 weeks ago
5
ARTICLE AD BOX
ପାଟନା: ବିହାରରେ ଜଣେ ୪୫-ବର୍ଷୀୟ ଓକିଲଙ୍କୁ ଜଣେ ଦୁର୍ବୃତ୍ତ ଗୁଳିକରି ହତ୍ୟା କରିଛି। ମୃତ ଓକିଲ ଗୁଡ୍ଡୁ ଅନସାରୀ ବୋଲି ଚିହ୍ନଟ ହୋଇଛନ୍ତି। ହତ୍ୟା ପଛରେ ଶତ୍ରୁତା କାରଣ ବୋଲି ପୁଲିସ ସନ୍ଦେହ କରୁଛି।ଘଟଣାଟି ସୋମବାର ସକାଳ ୧୦ଟା ୩୦ରେ କଟିହାର ଜିଲ୍ଲାର ପଟେଲ ଚୌକ ନିକଟରେ ଘଟିଛି।
ଘଟଣାର ଏକ ଭିଡିଓ ଭାଇରାଲ ହୋଇଥିଲା ଯେଉଁଥିରେ ମୋଟରସାଇକେଲ ଚାଳକମାନେ ପୀଡିତଙ୍କୁ ଗୁଳି କରୁଥିବାର ଦେଖାଯାଇଥିଲା। ସ୍ଥାନୀୟ ଲୋକ ଓ ପଥଚାରୀମାନେ ଅନସାରୀଙ୍କୁ ସଦର ହସ୍ପିଟାଲକୁ ନେଇଯାଇଥିଲେ ଯେଉଁଠାରେ ତାଙ୍କୁ ମୃତ ଘୋଷଣା କରାଯାଇଥିଲା। ଫୋରେନସିକ୍ ଦଳ ଘଟଣାସ୍ଥଳରୁ ପ୍ରମାଣ ସଂଗ୍ରହ କରିଛି।
ହତ୍ୟାକାଣ୍ଡ ପ୍ରତିବାଦରେ ବିକ୍ଷୋଭ
ମେଡିକାଲ୍ ବୋର୍ଡର ଏକ ଦଳ ଦ୍ୱାରା ମୃତଦେହ ବ୍ୟବଚ୍ଛେଦ କରାଯିବ। ମୃତକ ଓ ଗୁଳି ଚଳାଇଥିବା ବ୍ୟକ୍ତିଙ୍କ ମଧ୍ୟରେ ପୂର୍ବରୁ ଶତ୍ରୁତା ଥିଲା ବୋଲି କଟିହାର ପୁଲିସ ସୁପରିଣ୍ଟେଣ୍ଡେଣ୍ଟ ପରିଚୟ କୁନାର କହିଛନ୍ତି। ହତ୍ୟାକାଣ୍ଡ ପ୍ରତିବାଦରେ ମୃତକଙ୍କ ସହକର୍ମୀମାନେ କଟିହାର ସିଭିଲ୍ କୋର୍ଟ ପରିସରରେ ବିକ୍ଷୋଭ ପ୍ରଦର୍ଶନ କରିଥିଲେ। ପ୍ରତିବାଦକାରୀ ଓକିଲ ପୁଲିସ ବିରୋଧରେ ସ୍ଲୋଗାନ ଦେଇଥିଲେ ଓ କୋର୍ଟ କାର୍ଯ୍ୟରେ ବାଧା ସୃଷ୍ଟି କରିଥିଲେ। ଅପରାଧୀଙ୍କୁ ତୁରନ୍ତ ଗିରଫ କରିବାକୁ ଦାବି କରିଛନ୍ତି।
