1 hour ago
1
ARTICLE AD BOX
ତିନିଟି ଗଦ୍ୟ କବିତା
ଲେଖିକା: ଆନ୍ କାର୍ସନ୍
ଅନୁସୃଜନ: ବିଶ୍ବନାଥ ପାଢୀ
ପଛକୁ ଚାଲିବା
ମୋ ବୋଉ ଆମକୁ ପଛକୁ ଚାଲିବାକୁ ବାରଣ କରୁଥିଲା। ‘ମୃତ ଆତ୍ମାମାନେ ସେମିତି ଚାଲନ୍ତି’, ସେ କହୁଥିଲା। ସେ ଏହି ଭାବନା କେଉଁଠୁ ପାଇଲା? ହୁଏତ କୌଣସି ଭୁଲ୍ ଅନୁବାଦରୁ। ମୃତମାନେ ଅସଲରେ ପଛକୁ ଚାଲନ୍ତି ନାହିଁ, ବରଂ ସେମାନେ ଆମ ପଛେପଛେ ଚାଲନ୍ତି। ସେମାନଙ୍କର ଫୁସ୍ଫୁସ୍ ନାହିଁ ଏବଂ ସେମାନେ ଡାକିପାରନ୍ତି ନାହିଁ, କିନ୍ତୁ ସେମାନେ ଚାହାନ୍ତି ଯେ ଆମେ ଥରେ ପଛକୁ ବୁଲିଚାହୁଁ। ସେମାନଙ୍କ ମଧ୍ୟରୁ ଅନେକ ତ ପ୍ରେମର ଶିକାର।
ଆହୁରି ପଢ଼ନ୍ତୁ- Pension: ପିଇଓ-ସରପଞ୍ଚଙ୍କ ପ୍ରତିନିଧିଙ୍କ ମଧ୍ୟରେ ବିବାଦ, ପଞ୍ଚାୟତ କାର୍ଯ୍ୟାଳୟରେ ଉତ୍ତେଜନା
ଗୁରୁ ଓ ଲଘୁ
ମୁଁ ଜଣେ ବୃଦ୍ଧ ସଙ୍ଗୀତଜ୍ଞଙ୍କୁ ଚିହ୍ନିଥିଲି ଯିଏ କହୁଥିଲେ ଯେ ମେଜର୍ (ଗୁରୁ) ଏବଂ ମାଇନର୍ (ଲଘୁ) ସୁର ମଧ୍ୟରେ ଥିବା ପାର୍ଥକ୍ୟ ହେଉଛି ପ୍ରେମ ଏବଂ କରୁଣା ମଧ୍ୟରେ ଥିବା ପାର୍ଥକ୍ୟ। ପ୍ରେମ ଆମକୁ ଆଗକୁ ଟାଣିନିଏ, କିନ୍ତୁ କରୁଣା ଆମକୁ ସେହିଠାରେ ଅଟକାଇ ଦିଏ ଯେଉଁଠି ଆମେ ଅଛୁ। ମୁଁ ପଚାରିଲି, ‘ସେହି ଦୁଇଟି ସୁର ମିଶିଗଲେ କ’ଣ ହୁଏ?’ ସେ ମୋ ଆଡ଼କୁ ଚାହିଁ ହସିଲେ ଏବଂ କହିଲେ, ‘ସେତେବେଳେ ତୁମେ ନିରବତା ଶୁଣିପାରିବ’।
ବିମାନ ଉଡ଼ାଣ
ବିମାନଟି ଯେତେବେଳେ ରନ୍ୱେ ଛାଡ଼ି ଆକାଶକୁ ଉଠିବା ଆରମ୍ଭ କରେ, ସେତେବେଳେ ଛାତି ଭିତରେ ଗୋଟିଏ ମୁହୂର୍ତ୍ତ ପାଇଁ ଓଜନହୀନତାର ଅନୁଭୂତି ହୁଏ। ଏହା କୌଣସି ଭୟ ନୁହେଁ, ବରଂ ଅତୀତକୁ ପଛରେ ଛାଡ଼ିଯିବାର ଏକ ସ୍ମୃତି। ଆମେ ଜେଜେବାପାଙ୍କ ଭୁଲ୍, ପୁରୁଣା ଚିଠି ଏବଂ ଅପୂର୍ଣ୍ଣ ରହିଯାଇଥିବା ପ୍ରତିଶ୍ରୁତିଗୁଡ଼ିକୁ ଭୂପୃଷ୍ଠରେ ହିଁ ଛାଡ଼ିଦେଉ। କିଛି କ୍ଷଣ ପାଇଁ, ଆମେ କେବଳ ପବନ ଏବଂ ଭବିଷ୍ୟତ।
ଆହୁରି ପଢ଼ନ୍ତୁ- 4 Years Jail in Bribery Case ଲାଞ୍ଚ ମାମଲାରେ କିଷନନଗର ତହସିଲ ଆର୍ଆଇଙ୍କୁ ୪ବର୍ଷ ସଶ୍ରମ କାରାଦଣ୍ଡ
(ଆନ୍ କାର୍ସନ୍ ୨୦୨୬ ମସିହାର ସାହିତ୍ୟରେ ନୋବେଲ ପୁରସ୍କାର ପାଇଁ ମନୋନୀତ କାନାଡ଼ାର ପ୍ରସିଦ୍ଧ କବୀ, ପ୍ରାବନ୍ଧିକା ତଥା ଅନୁବାଦିକା)
ମୋ: ୯୨୩୮୮୩୧୬୫୮
ଅଧିକ ଦେଖନ୍ତୁ-
