53 minutes ago
1
ARTICLE AD BOX
ମୟୂରଭଞ୍ଜ: ମୟୂରଭଞ୍ଜର ବୈଶିଙ୍ଗାରେ ନାବାଳିକା ଛାତ୍ରୀଙ୍କୁ ଟ୍ୟୁସନ୍ ମାଷ୍ଟର ଅସଦାଚରଣ କରିଥିବା ଅଭିଯୋଗ ହୋଇଛି। ଏହି ଅଭିଯୋଗକୁ କେନ୍ଦ୍ର କରି ଅଭିଯୁକ୍ତ ଶିକ୍ଷକଙ୍କୁ ବଡ଼ସାହି ପୁଲିସ ଗିରଫ କରିଛି । ଗିରଫ ଶିକ୍ଷକ ହେଲେ ବଣତାଳପଦା ଗ୍ରାମର ସନ୍ତୋଷ କୁମାର ବେହେରା ବୟସ ୪୭ବର୍ଷ।
ସୂଚନା ଅନୁଯାୟୀ, ସନ୍ତୋଷ ଏକ ଘରୋଇ ବିଦ୍ୟାଳୟରେ ଶିକ୍ଷକତା କରିବା ସହିତ ଛାତ୍ରଛାତ୍ରୀଙ୍କୁ ଗ୍ରୁପ୍ ଟ୍ୟୁସନ୍ ମଧ୍ୟ କରୁଥିଲେ। ଅଭିଯୋଗ ଅନୁସାରେ, ଟ୍ୟୁସନ୍ ସରିବା ପରେ ପୀଡ଼ିତା ନାବାଳିକା ଛାତ୍ରୀଙ୍କୁ ଏକୁଟିଆ ରହିବାକୁ କହି ତାଙ୍କ ସହ ଅସଦାଚରଣ କରୁଥିଲେ। ଘଟଣା ସମ୍ପର୍କରେ ଛାତ୍ରୀ ଜଣକ ପରିବାର ଲୋକଙ୍କୁ ଜଣାଇବା ପରେ ପରିବାର ପକ୍ଷରୁ ବଡ଼ସାହି ଥାନାରେ ଲିଖିତ ଅଭିଯୋଗ କରାଯାଇଥିଲା। ଅଭିଯୋଗକୁ ଆଧାର କରି ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା।ତଦନ୍ତ ପରେ ପୁଲିସ ଅଭିଯୁକ୍ତ ଟ୍ୟୁସନ୍ ମାଷ୍ଟର ସନ୍ତୋଷ କୁମାର ବେହେରାଙ୍କୁ ଗିରଫ କରିଛି। ପରେ ତାଙ୍କୁ କୋର୍ଟ ଚାଲାଣ କରାଯାଇଥିବା ପୁଲିସ ପକ୍ଷରୁ ସୂଚନା ମିଳିଛି।
\ଜଳିଗଲା ଟୟୋଟାର ସର୍ଭିସ୍ ସେଣ୍ଟର; ନଥିଲା ଅଗ୍ନି ନିର୍ବାପକ ବ୍ୟବସ୍ଥା
