2 months ago
14
ARTICLE AD BOX
କୋଲକାତା: ଭାରତୀୟ ଚଳଚ୍ଚିତ୍ରଜଗତର ସର୍ବୋଚ୍ଚ ସମ୍ମାନ ‘ଦାଦାସାହେବ ଫାଲକେ’ ଆୱାର୍ଡପ୍ରାପ୍ତ ଏବଂ ବରିଷ୍ଠ ବିଜେପି ନେତା ମିଥୁନ ଚକ୍ରବର୍ତ୍ତୀ କୋଲକାତାର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି।ସେଠାରେ ବରିଷ୍ଠ ଅଭିନେତା ଏବଂ ବିଜେପି ନେତା ମିଥୁନ ଚକ୍ରବର୍ତ୍ତୀଙ୍କର ଅସ୍ତ୍ରୋପଚାର କରାଯାଇଛି। ସୂତ୍ର ଅନୁସାରେ, ଡାକ୍ତରମାନେ ଲଗାଯାଇଥିବା ଏକ ଧାତବ ପ୍ଲେଟକୁ ବାହାର କରିବା ପରେ ଅଭିନେତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଅଛି ଏବଂ ସେ ସୁସ୍ଥ ହେଉଛନ୍ତି। ବହୁ ମାନ୍ୟଗଣ୍ୟ ବ୍ୟକ୍ତି ତାଙ୍କୁ ହସ୍ପିଟାଲରେ ଭେଟିଛନ୍ତି।
ଏଣେ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ବି ବରିଷ୍ଠ ଅଭିନେତା ଏବଂ ବିଜେପି ନେତା ମିଥୁନ ଚକ୍ରବର୍ତ୍ତୀଙ୍କୁ ଭେଟିଛନ୍ତି। ଏନେଇ ସୋସିଆଲ ମିଡିଆରେ ଏକ ପୋଷ୍ଟରେ ସେ ଲେଖିଛନ୍ତି, "ପ୍ରସିଦ୍ଧ ଚଳଚ୍ଚିତ୍ର ଅଭିନେତା ଏବଂ ବିଜେପି କେନ୍ଦ୍ରୀୟ କମିଟି ସଦସ୍ୟ ମିଥୁନ ଚକ୍ରବର୍ତ୍ତୀଙ୍କୁ ସ୍ୱାସ୍ଥ୍ୟ ସମସ୍ୟା ଯୋଗୁଁ କୋଲକାତାର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ମୁଁ ଆଜି ତାଙ୍କୁ ଦେଖିବା ପାଇଁ ହସ୍ପିଟାଲ ଯାଇଥିଲି। ମୁଁ ତାଙ୍କ ସହିତ କଥା ହୋଇ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଷୟରେ ପଚାରି ବୁଝିଥିଲି। ତାଙ୍କର ଶୀଘ୍ର ଆରୋଗ୍ୟ ପାଇଁ ମୁଁ ସର୍ବଶକ୍ତିମାନ ଈଶ୍ୱରଙ୍କୁ ପ୍ରାର୍ଥନା କରୁଛି।"
ତାଙ୍କ ଚଳଚ୍ଚିତ୍ର କ୍ୟାରିୟର ବ୍ୟତୀତ, ମିଥୁନ ଚକ୍ରବର୍ତ୍ତୀ ପଶ୍ଚିମବଙ୍ଗର ଜଣେ ପ୍ରମୁଖ ବିଜେପି ନେତା। ସେ ୨୦୨୬ ବିଧାନସଭା ନିର୍ବାଚନ ସମୟରେ ଦଳ ପାଇଁ ବ୍ୟାପକ ପ୍ରଚାର କରିଥିଲେ, ଯେଉଁଥିଲାଗି ବିଜେପି ରାଜ୍ୟରେ ସରକାର ଗଠନ କରିବା ପାଇଁ ତୃଣମୂଳ କଂଗ୍ରେସକୁ ପରାସ୍ତ କରିଥିଲା।
ମିଥୁନ ଚକ୍ରବର୍ତ୍ତୀଙ୍କଙ୍କୁ ‘ଜେଲର୍ ୨’ ରେ ଦେଖିବାକୁ ପାଇବେ
ସୂଚନାଯୋଗ୍ୟ, ବରିଷ୍ଠ ଅଭିନେତା ମିଥୁନ ଚକ୍ରବର୍ତ୍ତୀଙ୍କଙ୍କୁ ଦର୍ଶକ ଖୁବ୍ ଶୀଘ୍ର ରଜନୀକାନ୍ତଙ୍କ ବହୁ ପ୍ରତୀକ୍ଷିତ ‘ଜେଲର୍ ୨’ ରେ ଦେଖିବାକୁ ପାଇବେ।
Sex Racket: ରାହାମାରେ ସେକ୍ସ ରାକେଟ, ଧରାପଡ଼ିଲେ ୪ ମହିଳା ଓ ଜଣେ ଯୁବକ
