4 hours ago
6
ARTICLE AD BOX
ମୁମ୍ବାଇ: ଅକ୍ଷୟ କୁମାର ଓ ରବୀନା ଟଣ୍ଡନଙ୍କ ୧୯୯୪ ମସିହାର ଆକ୍ସନ୍ ଥ୍ରିଲର୍ ଫିଲ୍ମ ‘ମୋହରା’ ୩୨ ବର୍ଷ ପରେ ପୁଣିଥରେ ସିନେମା ହଲ୍କୁ ଫେରିବାକୁ ଯାଉଛି। ୨୦୨୬ ନଭେମ୍ବର ୬ ତାରିଖରେ ଏହି ଫିଲ୍ମ ପୁନର୍ବାର ମୁକ୍ତିଲାଭ କରିବ। ଆକର୍ଷଣୀୟ କଥା ହେଉଛି, ଏହାର ଠିକ୍ ଗୋଟିଏ ଦିନ ପୂର୍ବରୁ ଅର୍ଥାତ୍ ନଭେମ୍ବର ୫ରେ ରଣବୀର କପୁର, ସାଇ ପଲ୍ଲବୀ ଓ ୟଶଙ୍କ ଫିଲ୍ମ ‘ରାମାୟଣମ୍’ ବଡ଼ ପରଦାକୁ ଆସିବାକୁ ଯାଉଛି। ଏହି ରି-ରିଲିଜ୍ ଜରିଆରେ ଦର୍ଶକମାନେ ‘ମୋହରା’କୁ ଏକ ନୂଆ ରିମାଷ୍ଟର୍ଡ ଭର୍ସନ୍ରେ ଦେଖିବାର ସୁଯୋଗ ପାଇବେ।
କ’ଣ ରହିଛି ‘ମୋହରା’ର କାହାଣୀ?
୧ ଜୁଲାଇ ୧୯୯୪ରେ ମୁକ୍ତିଲାଭ କରିଥିବା ‘ମୋହରା’ର ନିର୍ଦ୍ଦେଶନା ଦେଇଥିଲେ ରାଜୀବ ରାୟ ଏବଂ ଏହାର ପ୍ରଯୋଜନା କରିଥିଲେ ଗୁଲଶନ ରାୟ। ଏହି ଫିଲ୍ମର କାହାଣୀ ବିଶାଳ ଅଗ୍ନିହୋତ୍ରୀ (ସୁନୀଲ ସେଟ୍ଟୀ)ଙ୍କୁ ନେଇ ଗତିଶୀଳ ହୋଇଛି। ନିଜ ପତ୍ନୀ ଓ ଭଉଣୀଙ୍କ ହତ୍ୟା ମାମଲାରେ ନ୍ୟାୟ ପାଇବାକୁ ଚେଷ୍ଟା କରୁଥିବା ବିଶାଳ ଜଣେ କଏଦୀ। ସାମ୍ବାଦିକ ରୋମା ସିଂହ (ରବୀନା ଟଣ୍ଡନ) ତାଙ୍କୁ ଜେଲ୍ରୁ ମୁକ୍ତ କରାଇବାରେ ସାହାଯ୍ୟ କରନ୍ତି। କିନ୍ତୁ କିଛି ଦିନ ପରେ ବିଶାଳ ଜଣେ ପ୍ରଭାବଶାଳୀ ବ୍ୟବସାୟୀ ଜିନ୍ଦଲ (ନସିରୁଦ୍ଦିନ ଶାହ)ଙ୍କ ପାଇଁ କାମ କରିବାକୁ ଲାଗନ୍ତି। ଅପରାଧୀମାନଙ୍କୁ ଶେଷ କରିବା ପାଇଁ ଜିନ୍ଦଲ ବିଶାଳଙ୍କୁ ବ୍ୟବହାର କରନ୍ତି।
‘ମୋହରା’ରେ କେଉଁ କଳାକାର ଅଛନ୍ତି?
ଏହି ଫିଲ୍ମରେ ଇନ୍ସପେକ୍ଟର ଅମର ସକ୍ସେନାଙ୍କ ଭୂମିକାରେ ଅକ୍ଷୟ କୁମାର ହତ୍ୟା ଘଟଣାର ତଦନ୍ତ କରନ୍ତି। ତଦନ୍ତ କରୁ କରୁ ସେ ପ୍ରତିଶୋଧ, ଅପରାଧ ଓ ବିଶ୍ୱାସଘାତକତା ସହ ଜଡ଼ିତ ଏକ ବଡ଼ ଷଡ଼ଯନ୍ତ୍ରର ପର୍ଦ୍ଦାଫାସ୍ କରନ୍ତି। ଏହି ଫିଲ୍ମରେ ଅକ୍ଷୟ କୁମାର, ରବୀନା ଟଣ୍ଡନ ଓ ସୁନୀଲ ସେଟ୍ଟୀଙ୍କ ବ୍ୟତୀତ ପରେଶ ରାୱଲ, ଗୁଲଶନ ଗ୍ରୋଭର, ରଜା ମୁରାଦ ଏବଂ ସଦାଶିବ ଅମରାପୁରକର ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି।
‘ରାମାୟଣମ୍’ ସହ ହେବ ଟକ୍କର
‘ମୋହରା’ର ପୁନଃମୁକ୍ତିଲାଭ ବକ୍ସ ଅଫିସ୍ରେ ‘ରାମାୟଣମ୍’ ସହ ଟକ୍କର ଦେବ। ନିତେଶ ତିୱାରୀଙ୍କ ନିର୍ଦ୍ଦେଶିତ ଏବଂ ନମିତ ମଲହୋତ୍ରା ଓ ୟଶଙ୍କ ପ୍ରଯୋଜିତ ଏହି ଫିଲ୍ମ ନଭେମ୍ବର ୫ରେ ମୁକ୍ତିଲାଭ କରିବାକୁ ଯାଉଛି। ଏଥିରେ ରଣବୀର କପୁର ଭଗବାନ ଶ୍ରୀରାମଙ୍କ ଭୂମିକାରେ, ସାଇ ପଲ୍ଲବୀ ମାତା ସୀତାଙ୍କ ଭୂମିକାରେ ଏବଂ ୟଶ ରାବଣଙ୍କ ଭୂମିକାରେ ନଜର ଆସିବେ। ସେହିପରି ସନ୍ନି ଦେଓଲ ଭଗବାନ ହନୁମାନ ଏବଂ ରବି ଦୁବେ ଲକ୍ଷ୍ମଣଙ୍କ ଭୂମିକାରେ ଅଭିନୟ କରିବେ। ଏହା ବ୍ୟତୀତ ଅନ୍ୟାନ୍ୟ କଳାକାର ମଧ୍ୟ ଏହି ଫିଲ୍ମରେ ଅଭିନୟ କରିଛନ୍ତି।
‘ରାମାୟଣମ୍’ର ଆଡଭାନ୍ସ ବୁକିଂ ଓ ଓପନିଂ କଲେକ୍ସନ୍ ଆକଳନ
ରିପୋର୍ଟ ଅନୁଯାୟୀ, ‘ରାମାୟଣମ୍’ ମୁକ୍ତିଲାଭ ଦିନ ବିଶ୍ୱବ୍ୟାପୀ ୨୦୦ କୋଟି ଟଙ୍କାରୁ ଅଧିକ ଓପନିଂ କଲେକ୍ସନ୍ କରିପାରେ ବୋଲି ଆକଳନ କରାଯାଉଛି। ଏଥିରେ ନଭେମ୍ବର ୪ରେ ହେବାକୁ ଥିବା ପେଡ୍ ପ୍ରିଭ୍ୟୁର ଆୟ ମଧ୍ୟ ସାମିଲ ରହିଛି।ଭାରତରେ ଏହି ଫିଲ୍ମ ୧୧୦ କୋଟି ଟଙ୍କାରୁ ଅଧିକ ଆୟ କରିପାରେ ବୋଲି ଅନୁମାନ କରାଯାଉଛି। ଏଥିମଧ୍ୟରୁ ପ୍ରାୟ ୮୦ କୋଟି ଟଙ୍କା କେବଳ ହିନ୍ଦୀ ସଂସ୍କରଣରୁ ଆସିପାରେ ବୋଲି ରିପୋର୍ଟରେ ଦାବି କରାଯାଇଛି।
ବାତ୍ୟା ‘ଅର୍ଣ୍ଣବ: ମାଲକାନଗିରିରେ ସରଜମିନ ସ୍ଥିତି ସମୀକ୍ଷା କଲେ ମନ୍ତ୍ରୀ ନିତ୍ୟାନନ୍ଦ ଗଣ୍ଡ
