2 weeks ago
5
ARTICLE AD BOX
ୱାସିଂଟନ: ଭାରତୀୟ ବଂଶୋଦ୍ଭବ ପୂର୍ବତନ ଅନ୍ତର୍ଜାତୀୟ ଅପରାଧ ଅଦାଲତ (ଆଇସିସି) ବିଚାରପତି ନବନେଥମ ‘ନଭି’ ପିଲ୍ଲାଇଙ୍କୁ ନୋବେଲ ଶାନ୍ତି ପୁରସ୍କାର ପ୍ରଦାନ ସମ୍ପର୍କରେ ଘୋଷଣା କରାଯିବାର କିଛି ସମୟ ପରେ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପ୍ରଶାସନ ଆଇସିସି ଉପରେ ପ୍ରତିବନ୍ଧକ ଘୋଷଣା କରିଛି। ଏଭଳି କିଛି ହେବ ବୋଲି ପୂର୍ବରୁ ନୋବେଲ କମିଟି ଆଶଙ୍କା କରୁଥିଲେ। ତେଣୁ ଟ୍ରମ୍ପଙ୍କ ଚାପ ଆଗରେ ମୁଣ୍ଡ ନନୁଆଁଇ କଡ଼ା ଜବାବ ଦେଇପାରୁଥିବା ଜଣଙ୍କୁ ଶାନ୍ତି ପୁରସ୍କାର ଦେବାକୁ କମିଟି ପକ୍ଷରୁ ବିଚାର କରାଯାଉଥିଲା। ତାହା ପୁରସ୍କାର ଘୋଷଣା ପରେ ସତ୍ୟରେ ପରିଣତ ହୋଇଛି। ଟ୍ରମ୍ପ ପ୍ରଶାସନ କଟକଣା ଘୋଷଣା କରିଛନ୍ତି।
ଏହା ଯୋଗୁଁ ଟ୍ରିବ୍ୟୁନାଲର କାର୍ଯ୍ୟରେ ବାଧା ଉପୁଜିପାରେ ବୋଲି ଆଶଙ୍କା କରାଯାଉଛି। କିନ୍ତୁ କୋର୍ଟ କହିଛନ୍ତି ଯେ, ଏହା ନିଜ ପଥରୁ ବିଚ୍ୟୁତ ହେବେ ନାହିଁ ଏବଂ ପ୍ରତ୍ୟେକ ସମ୍ଭବ ଉପାୟରେ ନିଜର କାର୍ଯ୍ୟ ଜାରି ରଖିବେ। ତେବେ ଆମେରିକା ଦାବି କରୁଛି ଯେ, ଆଇସିସି ଯୁଦ୍ଧ ଅପରାଧ ପାଇଁ ଆମେରିକୀୟ ଏବଂ ଇସ୍ରାଏଲୀୟଙ୍କ ପ୍ରତି ପକ୍ଷପାତ କରୁଛି।
କାର୍ଯ୍ୟ କରିବାର କ୍ଷମତାକୁ ସମାପ୍ତ କରିଦେବୁ: ମାର୍କୋ ରୁବିଓ
ଯୁଦ୍ଧ ଅପରାଧ ପାଇଁ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଏବଂ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଗିରଫଦାରୀ ପାଇଁ ଆଇସିସି ଅନ୍ତର୍ଜାତୀୟ ଗିରଫ ପରୱାନା ଜାରି କରିଛି। ପ୍ରତିବନ୍ଧକ ଘୋଷଣା କରି ଆମେରିକାର ବୈଦେଶିକ ମନ୍ତ୍ରୀ ମାର୍କୋ ରୁବିଓ କହିଛନ୍ତି,ଆମେ ଏହି ଠକ କୋର୍ଟକୁ ଦିଆଯାଉଥିବା ପାଣ୍ଠି ବନ୍ଦ କରିଦେବୁ, ଏହାର ସମ୍ବଳକୁ ସମାପ୍ତ କରିବୁ ଏବଂ ଆମେରିକା ବିରୋଧରେ କାର୍ଯ୍ୟ କରିବାର କ୍ଷମତାକୁ ସମାପ୍ତ କରିଦେବୁ। ଯୁକ୍ତରାଷ୍ଟ୍ର ଏବଂ ଆମେରିକୀୟ ଜନତା ଏହି ନକଲି କୋର୍ଟର ଅଧିକାରକ୍ଷେତ୍ରରେ ନାହାନ୍ତି, କିମ୍ବା ସେମାନେ ଏହାକୁ ସମ୍ମାନ କରନ୍ତି ନାହିଁ। ଆଇସିସିର ସମ୍ପତ୍ତି ଏବଂ ସମ୍ବଳଗୁଡ଼ିକୁ ଫ୍ରିଜ୍ କରିବା ପାଇଁ କଟକଣା ଲାଗୁ କରାଯିବ ବୋଲି ରୁବିଓ ଏକ ଭିଡିଓ ବାର୍ତ୍ତାରେ କହିଛନ୍ତି।
Protest: ଦିଲ୍ଲୀରେ ଆନ୍ଦୋଳନ ଜାରି; ୫୭ ମେଟ୍ରୋ ଷ୍ଟେସନ୍ ବନ୍ଦ, ୭୫ ଟ୍ରେନ୍ ବାତିଲ
ଏହା ସହିତ, ଆମେରିକୀୟ କମ୍ପାନିଗୁଡ଼ିକୁ ଆଇସିସି ସହିତ ସମସ୍ତ କାମ ଏବଂ ବ୍ୟବସାୟ ସମାପ୍ତ କରିବାକୁ ଛଅ ମାସ ସମୟ ଦିଆଯାଇଛି। ରିପବ୍ଲିକାନ୍ ଏବଂ ଡେମୋକ୍ରାଟିକ୍ ଦଳର ନେତାମାନେ କୋର୍ଟ ବିଷୟରେ ସମାନ ମତ ରଖିଛନ୍ତି। ସେମାନେ ସମସ୍ତେ ଆଇସିସିକୁ ଆମେରିକୀୟ ବିରୋଧୀ ବୋଲି ବିବେଚନା କରନ୍ତି। ଉଭୟ ଦଳ ଆଇସିସି ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସହମତ ବୋଲି ରୁବିଓ କହିଛନ୍ତି। ଆମେରିକାର ପ୍ରତିବନ୍ଧକ ଘୋଷଣା ପରେ, ଆଇସିସି ଡେପୁଟି ପବ୍ଲିକ ପ୍ରସିକ୍ୟୁଟର ନଜହତ ଶାମିମ ଖାନ କହିଛନ୍ତି, ଏହି ନିଷ୍ପତ୍ତି ନିନ୍ଦନୀୟ। ପ୍ରତିବନ୍ଧକ ଯୋଗୁଁ କୋର୍ଟର କାର୍ଯ୍ୟ ବନ୍ଦ ହେବ ନାହିଁ। ସ୍ୱାଧୀନ କାର୍ଯ୍ୟ ମାଧ୍ୟମରେ ଅନ୍ତର୍ଜାତୀୟ ଆଇନକୁ ଦୁର୍ବଳ କରିବାର ଏହି ପ୍ରୟାସକୁ ସଫଳ ହେବାକୁ ଦିଆଯିବ ନାହିଁ। ଆଇସିସି ସମସ୍ତ ପରିସ୍ଥିତିରେ ମାମଲାଗୁଡ଼ିକର ତଦନ୍ତ ଏବଂ ବିଚାର ଜାରି ରଖିବ।
