6 days ago
4
ARTICLE AD BOX
ଭୁବନେଶ୍ବର: ଚଳିତ ବର୍ଷ ଅନଲାଇନ୍ ସପିଂ ପ୍ରତି ଗ୍ରାହକଙ୍କ ଆଗ୍ରହରେ ବୃଦ୍ଧି ପରିଲକ୍ଷିତ ହୋଇଚି। ଆମାଜନ୍ ଗ୍ରେଟ୍ ଇଣ୍ଡିଆନ୍ ଫେଷ୍ଟିଭାଲ୍ ୨୦୨୬କୁ ପ୍ରଥମ ୨ ଦିନରେ ୪୪ କୋଟିରୁ ଅଧିକ ଗ୍ରାହକ ପରିଦର୍ଶନ କରିଥିଲେ। ଦେଶର ପ୍ରମୁଖ ୯ଟି ସହର ବାହାରେ ଥିବା ଅଞ୍ଚଳରୁ ୭୨% ପରିଦର୍ଶନ ହୋଇଥିଲା। ସେଥିରେ କଟକ ଓ ଭୁବନେଶ୍ବର ନାମ ରହିଛି।
ଆମାଜନ୍ ଇଣ୍ଡିଆର କିଚେନ୍, ହୋମ୍ ଇମ୍ପ୍ରୁଭମେଣ୍ଟ୍ ଆଣ୍ଡ ସ୍ପୋର୍ଟସ ଡାଇରେକ୍ଟର କାର୍ତିକ ସୁବାରାୟାପ୍ପାଙ୍କ ସୂଚନା ଅନୁସାରେ ରାଜ୍ୟରେ ସ୍ମାର୍ଟ ଆପ୍ଲାଏନ୍ସ, ଏଆଇ ସକ୍ଷମ କିଚେନ୍ ଓ ହୋମ୍ ଗ୍ୟାଜେଟ୍, ସ୍ପୋର୍ଟସ୍ ଓ ଲାଇଫ୍ଷ୍ଟାଇଲ୍ ଉତ୍ପାଦରେ ଦୃଢ଼ ଅଭିବୃଦ୍ଧି ଦେଖିବାକୁ ମିଳିଥିଲା। ପ୍ରଥମ ଦିନରେ ସପିଂ ପରିମାଣ ଗତବର୍ଷ ତୁଳନନାରେ ୨ ଗୁଣ ବୃଦ୍ଧି ପାଇଥିବା ବେଳେ ନୂଆ ଗ୍ରାହକଙ୍କ ସଂଖ୍ୟା ମଧ୍ୟ ପ୍ରାୟ ୨ ଗୁଣ ବଢିଛି। ଏହି ଅବଧିରେ ଆମାଜନ ସପିଂ ଆପ୍ର ଡାଉନ୍ଲୋଡ୍ ୫ ଗୁଣ ପର୍ଯ୍ୟନ୍ତ ବୃଦ୍ଧି ପାଇଛି।
E-commerce: ତିନି ମାସରେ ୧୬ହଜାର କର୍ମଚାରୀ ଛଟେଇ କରିବ ଆମାଜନ୍
ଓଡ଼ିଶାର ଗ୍ରାହକ ନିଜ ଘରକୁ କରୁଛନ୍ତି ପ୍ରସ୍ତୁତ
ଶ୍ରୀ ସୁବାରାୟାପ୍ପା କହିଛନ୍ତି, ଓଡିଶାର ଗ୍ରାହକମାନେ କିଚେନ୍ ଆପ୍ଲାଏନ୍ସଠାରୁ ଆରମ୍ଭ କରି ମନ୍ଦିର ସାଜସଜ୍ଜା ସାମଗ୍ରୀ ଓ ପିଲାମାନଙ୍କ ପାଇଁ ଖେଳନା ଆଦି କ୍ରୟ କରି ଦୂର୍ଗା ପୁଜା ପାଇଁ ନିଜର ଘରକୁ ପ୍ରସ୍ତୁତ କରୁଛନ୍ତି। ଭୁବନେଶ୍ୱର ବାହାରେ ଚାହିଦା ଉନ୍ନତ ବୃଦ୍ଧି ପାଇଥିବା ବେଳେ ପୁରୀ ଓ ସମ୍ବଲପୁର ଭଳି ସହରଗୁଡିକରେ ଚାହିଦା ପ୍ରାୟ ଦୁଇ ଗୁଣ ବଢିଛି। କ୍ରୀଡ଼ା ସାମଗ୍ରୀ ପାଇଁ ଚାହିଦା ମଧ୍ୟ ବଢ଼ିଛି। ଆମାଜନ ଗ୍ରେଟ୍ ଇଣ୍ଡିଆନ ଫେଷ୍ଟିଭାଲ୍ରେ ପ୍ରିମିୟମ ଆଣ୍ଡ୍ରଏଡ ସ୍ମାର୍ଟଫୋନ୍ ବିକ୍ରି ୨୦ ଗୁଣ, ଫ୍ରଣ୍ଟ୍ ଲୋଡ୍ ୱାସିଙ୍ଗ ମେସିନ ୮୦, ହାଇ-ଏଣ୍ଡ ହୋମ୍ ଥିଏଟର ସିଷ୍ଟମ ୧୦୦ ଗୁଣ, ଅଟୋମାଟିକ ୱାଚ୍ ବିକ୍ରି ୨୦ ଗୁଣ, ପ୍ରିମିୟମ ସ୍କିନ୍ ଓ ହେୟାର କେୟାର ବର୍ଗର ବିକ୍ରି ୫ ଗୁଣ ବୃଦ୍ଧି ପାଇଛି। ଓଡିଶାରେ କିଚେନ ଓ ହୋମ୍ ଆପ୍ଲାଏନ୍ସ ବର୍ଗରେ ୭ ଗୁଣ ବୃଦ୍ଧି ହୋଇଥିବା ବେଳେ ପୁରୀ ଓ ସମ୍ବଲପୁରରେ ରୋଷେଇ ଘର ଉତ୍ପାଦ ବିକ୍ରି ୮ ଗୁଣ ବୃଦ୍ଧି ଘଟିଛି।
