3 weeks ago
6
ARTICLE AD BOX
ବୃନ୍ଦାବନ: ସନ୍ଥ ପ୍ରେମାନନ୍ଦଙ୍କ ଶିଷ୍ୟ ରସିକ ଦୁଲାରୀ ଶରଣଙ୍କ ଆତ୍ମହତ୍ୟା ପରେ ବୃନ୍ଦାବନସ୍ଥିତ ଶ୍ରୀ ରାଧା କେଲିକୁଞ୍ଜ ଆଶ୍ରମକୁ ନେଇ ଚର୍ଚ୍ଚା ତୀବ୍ର ହୋଇଛି। ନିଜ ପ୍ରିୟଜନଙ୍କୁ ଖୋଜିବା ପାଇଁ ବିଭିନ୍ନ ସହର ଓ ରାଜ୍ୟରୁ ଲୋକମାନେ ଆଶ୍ରମରେ ପହଞ୍ଚୁଛନ୍ତି। ଶନିବାର କାସଗଞ୍ଜ ଓ ମହାରାଷ୍ଟ୍ରରୁ ଆସିଥିବା କିଛି ପରିବାର ଆଶ୍ରମ ବାହାରେ ପ୍ରତିବାଦ କରିଥିବା ବେଳେ ପୁଲିସ ୩ ଜଣଙ୍କୁ ଅଟକ ରଖିଛି।
ସୂଚନା ଅନୁସାରେ, ଶୁକ୍ରବାର ହାଥରସ, ନୋଏଡା ଓ ଦିଲ୍ଲୀରୁ କିଛି ପରିବାର ନିଖୋଜ ପ୍ରିୟଜନଙ୍କୁ ଖୋଜିବା ପାଇଁ ଆଶ୍ରମରେ ପହଞ୍ଚିଥିଲେ। ଶନିବାର ମଧ୍ୟ କାସଗଞ୍ଜ ଓ ମହାରାଷ୍ଟ୍ରରୁ ଲୋକମାନେ ଆସିଥିଲେ। ଆଶ୍ରମ ପରିଚାଳନା ପକ୍ଷରୁ ସେମାନଙ୍କ ପ୍ରିୟଜନଙ୍କ ସମ୍ପର୍କରେ ସନ୍ତୋଷଜନକ ଉତ୍ତର ମିଳୁନଥିବା ଅଭିଯୋଗ କରି ସେମାନେ ପ୍ରତିବାଦ କରିଥିଲେ।
ଅସନ୍ତୁଷ୍ଟ ହୋଇ ଆଶ୍ରମ ବାହାରେ ପ୍ରତିବାଦ
ମହାରାଷ୍ଟ୍ରର ଛତ୍ରପତି ସମ୍ଭାଜୀ ନଗରର ବାସିନ୍ଦା ଉଜ୍ଜ୍ୱଳା ତକପାଇରେ ତାଙ୍କ ୨୦ ବର୍ଷୀୟ ପୁଅ ଓମ୍ ପରମେଶ୍ୱରୀଙ୍କୁ ଖୋଜିବା ପାଇଁ ଆଶ୍ରମରେ ପହଞ୍ଚିଥିଲେ। ସେହିପରି କାସଗଞ୍ଜର ଚନ୍ଦ୍ରପାଲ ଚୌହାନ ତାଙ୍କ ୧୬ ବର୍ଷୀୟ ପୁଅ ମୟଙ୍କ ସିଂହ ଚୌହାନଙ୍କୁ ଖୋଜିବା ପାଇଁ ଆସିଥିଲେ। ଦିଲ୍ଲୀର ନଜଫଗଡ଼ର ବାସିନ୍ଦା ଅନିତା ସିଂହ ତାଙ୍କ ୧୦ ବର୍ଷୀୟ ପୁଅ ଅଂଶଙ୍କୁ ଏବଂ ବୃନ୍ଦାବନର କିଶୋରୀଲାଲ ତାଙ୍କ ୧୪ ବର୍ଷୀୟ ପୁଅ ନବନୀତଙ୍କୁ ଖୋଜିବା ପାଇଁ ଆଶ୍ରମରେ ପହଞ୍ଚିଥିଲେ। ତେବେ ସେମାନଙ୍କୁ ଆଶ୍ରମ ଭିତରକୁ ପ୍ରବେଶ କରିବାକୁ ଅନୁମତି ମିଳିନଥିଲା। ଏଥିରେ ଅସନ୍ତୁଷ୍ଟ ହୋଇ ପରିବାର ସଦସ୍ୟମାନେ ନିଖୋଜ ପିଲାମାନଙ୍କ ଫଟୋ ଧରି ଆଶ୍ରମ ବାହାରେ ପ୍ରତିବାଦ କରିଥିଲେ।
ଏହି ସମୟରେ କିଛି ଲୋକ ନିଜକୁ ସନ୍ଥ ପ୍ରେମାନନ୍ଦଙ୍କ ଶିଷ୍ୟ ବୋଲି ପରିଚୟ ଦେଇ ପ୍ରତିବାଦ କରୁଥିବା ପରିବାର ସଦସ୍ୟଙ୍କ ସହ ଅସଭ୍ୟ ବ୍ୟବହାର କରିଥିଲେ। ଘଟଣାରେ ପୁଲିସ ଦିଗବିଜୟ, ସଚିନ ଓ ଅଶୋକ କୁମାର ନାମକ ୩ ଜଣଙ୍କୁ ଅଟକ ରଖିଛି। ଥାନା ଇନଚାର୍ଜ ସୁଧାଂଶୁ ଯାଦବ କହିଛନ୍ତି ଯେ, ଅଟକ ଥିବା ତିନି ଜଣ ଯୁବକ ନିଜକୁ ଆଶ୍ରମ ସମର୍ଥକ କହୁଥିଲେ ମଧ୍ୟ ସେମାନଙ୍କର ଆଶ୍ରମ ସହିତ ସିଧାସଳଖ କୌଣସି ସମ୍ପର୍କ ନାହିଁ।
Earthquake: ଇଣ୍ଡୋନେସିଆରେ ଭୂମିକମ୍ପ; ରିକ୍ଟର ସ୍କେଲରେ ତୀବ୍ରତା ୫.୯
ସନ୍ଥ ପ୍ରେମାନନ୍ଦଙ୍କ ଜଣେ ଶିଷ୍ୟଙ୍କ ଆତ୍ମହତ୍ୟା ଘଟଣାକୁ ନେଇ ଜଣେ ସାମାଜିକ କର୍ମୀ ଆହ୍ଲାବାଦ ହାଇକୋର୍ଟରେ ମଧ୍ୟ ଏକ ଜନସ୍ୱାର୍ଥ ମାମଲା ଦାୟର କରିଛନ୍ତି।
