3 weeks ago
7
ARTICLE AD BOX
ନୂଆଦିଲ୍ଲୀ: କଂଗ୍ରେସର ବରିଷ୍ଠ ନେତା ଶଶି ଥରୁର ଦିଲ୍ଲୀରେ ମହିଳା ପ୍ରଦର୍ଶନକାରୀଙ୍କ ବିରୋଧରେ ପୁଲିସର କଥିତ କାର୍ଯ୍ୟାନୁଷ୍ଠାନକୁ ନେଇ ମୁହଁ ଖୋଲିଛନ୍ତି। ସେ କହିଛନ୍ତି ଯେ, ମହିଳାମାନଙ୍କର ବିରୋଧରେ ହିଂସା ବିରୋଧ କରୁଥିବା ମହିଳାମାନଙ୍କୁ ନିଜେ ପୁଲିସକର୍ମୀମାନେ କଥିତ ହିଂସାର ଶିକାର ହେବା ଲଜ୍ଜାଜନକ ଘଟଣା। ଥରୁର ଏହି ମାମଲାକୁ ନେଇ ସାମାଜିକ ଗଣମାଧ୍ୟମ ‘ଏକ୍ସ’ରେ ପୋଷ୍ଟ କରି ପୁଲିସର କାର୍ଯ୍ୟାନୁଷ୍ଠାନ ଉପରେ ପ୍ରଶ୍ନ ଉଠାଇଛନ୍ତି।
ଶଶି ଥରୁର ଛାତ୍ରୀ ନେହା ବୋରାଙ୍କ ଏକ ଭିଡିଓ ଶେୟାର କରି ଲେଖିଛନ୍ତି, ମହିଳାଙ୍କ ବିରୋଧରେ ହିଂସାର ବିରୋଧ କରିଥିବା ମହିଳାମାନଙ୍କର ପୁଲିସକର୍ମୀମାନଙ୍କ ଦ୍ବାରା ହିଂସାର ଶିକାର ହେବା ଲଜ୍ଜାଜନକ ଘଟଣା!! ଥରୁରଙ୍କ ଏହି ଟିପ୍ପଣୀ ଏଭଳି ଏକ ସମୟରେ ଆସିଛି, ଯେତେବେଳେ ଦିଲ୍ଲୀରେ ମୁଖ୍ୟ ନିର୍ବାଚନ ଆୟୁକ୍ତ ଜ୍ଞାନେଶ କୁମାରଙ୍କ ପ୍ରଦର୍ଶନ ଏବଂ ମହିଳା ସାମ୍ବାଦିକଙ୍କ କଥିତ ଉତ୍ପୀଡ଼ନକୁ ନେଇ ବିବାଦ ବଢ଼ି ଯାଇଛି।
ଛାତ୍ର ନେତା ନେହା ବୋରା ରବିବାର ଅପରାହ୍ଣ ୩ଟରେ ଇଣ୍ଡିଆ ଗେଟ୍ରୁ ଜନ୍ତର ମନ୍ତର ପର୍ଯ୍ୟନ୍ତ ପଦଯାତ୍ରା କରିବାକୁ ଘୋଷଣା କରିଥିଲେ। ସେ ଦିଲ୍ଲୀ ପୁଲିସର କଥିତ ନିର୍ଯାତନା ଏବଂ ଭୋଟର ତାଲିକାର ସ୍ପେଶାଲ ଇଣ୍ଟେନସିଭ ରିଭିଜନ ବିପକ୍ଷରେ ଲୋକମାନେ ପ୍ରଦର୍ଶନରେ ସାମିଲ ହେବାକୁ ଅପିଲ କରିଥିଲେ। ବୋରା ନିଜର ଭିଡିଓରେ ମହିଳାମାନଙ୍କ ସୁରକ୍ଷା ପ୍ରସଙ୍ଗ ଉଠାଇ ରାଜରାସ୍ତାରୁ ନେଇ ପ୍ରଦର୍ଶନ ପର୍ଯ୍ୟନ୍ତ ମହିଳାଙ୍କ ସୁରକ୍ଷିତ ନାହାନ୍ତି। ସେ ମହିଳା ପ୍ରଦର୍ଶନକାରୀ ଏବଂ ସାମ୍ବାଦିକଙ୍କ ସହିତ କଥିତ ପୁଲିସ କାର୍ଯ୍ୟାନୁଷ୍ଠାନ ବିପକ୍ଷରେ ସ୍ବର ଉଠାଇବାକୁ ଅପିଲ କରିଥିଲେ।
Border Clash: ଆସାମ-ଅରୁଣାଚଳ ସୀମାରେ ପ୍ରଦର୍ଶନକାରୀଙ୍କ ମଧ୍ୟରେ ସଂଘର୍ଷ: ଫାଙ୍କା ଗୁଳି ଚାଳନା କଲା ପୁଲିସ...
ସୂଚନାଯୋଗ୍ୟ ଏହି ବିବାଦ ଗତକାଲି ଜନ୍ତର ମନ୍ତରରେ ମୁଖ୍ୟ ନିର୍ବାଚନ ଆୟୋଗ ଜ୍ଞାନେଶ କୁମାରଙ୍କ ବିପକ୍ଷରେ ହୋଇଥିବା ପ୍ରଦର୍ଶନର କଭରେଜ ସମୟରେ ତିନି ଜଣ ମହିଳା ସାମ୍ବାଦିକଙ୍କ ଦ୍ବାରା ଅଣଶଯାଇଥିବା ଅଭିଯୋଗ ପରେ ଆହୁରି ବଢ଼ି ଯାଇଥିଲା। ଜଣେ ମହିଳା ସାମ୍ବାଦିକ ଜାତୀୟ ଗଣମାଧ୍ୟମକୁ କହିଥିଲେ, ଖବର ପ୍ରସ୍ତୁତି ସମୟରେ ପ୍ରଦର୍ଶନକାରୀମାନଙ୍କୁ ପୋଲିସ ହେପାଜତକୁ ନେଇଥିଲା। ତାଙ୍କ କହିବା ଅନୁସାରେ ସେହି ସମୟରେ ଘଟଣାସ୍ଥଳରେ ମହିଳା ପୁଲିସ କର୍ମଚାରୀଙ୍କ ଉପସ୍ଥିତି ନଥିଲା। ସେ ଅଭିଯୋଗ ଆଣିଛନ୍ତି ଯେ, ଯେତେବେଳେ ଦିଲ୍ଲୀ ପୁଲିସର ଏସିପି ବିବେକ ଭଗତଙ୍କୁ ଏସଂପର୍କରେ ଦିଲ୍ଲୀ ପୁଲିସର ଏସିପି ବିବେକ ଭଗତଙ୍କୁ ଏବାବଦରେ ପଚାରିବାରୁ ତାଙ୍କ ସହିତ କଥିତ ଭାବେ ଯୌନ ଉତ୍ପୀଡ଼ନ କରାଗଲା ଏବଂ ତାଙ୍କୁ ପଛରୁ ଧକ୍କା ଦିଆଗଲା।
