53 minutes ago
1
ARTICLE AD BOX
ହାଇଦ୍ରାବାଦ: ତେଲଙ୍ଗାନା ସରକାର ରାଜ୍ୟର ଗରିବ ଏବଂ ଆର୍ଥିକ ଭାବେ ପଛୁଆ ବର୍ଗର ଲୋକଙ୍କ ପାଇଁ ଏକ ବଡ଼ ଘୋଷଣା କରିଛନ୍ତି। ରାଜ୍ୟରେ ଗୃହହୀନ ଓ ଆଶାୟୀ ପରିବାରଙ୍କୁ ସ୍ୱପ୍ନର ଘର ଯୋଗାଇଦେବା ପାଇଁ 'ଇନ୍ଦିରମ୍ମା ଇଲୁ' ବା ଇନ୍ଦିରମ୍ମା ହାଉସିଂ ଯୋଜନାକୁ କାର୍ଯ୍ୟକାରୀ କରାଯାଉଛି। ଏହି ଯୋଜନା ଅଧୀନରେ ହିତାଧିକାରୀମାନଙ୍କୁ ସରକାରଙ୍କ ପକ୍ଷରୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ସବ୍ସିଡି ବା ଆର୍ଥିକ ସହାୟତା ଯୋଗାଇ ଦିଆଯାଉଛି।
ଯୋଜନାର ମୁଖ୍ୟ ବିଶେଷତା ଓ ଲାଭ
କମ ମୂଲ୍ୟରେ ଫ୍ଲାଟ୍: ଏହି ଯୋଜନା ଅଧୀନରେ ହିତାଧିକାରୀମାନେ ଅତି କମ୍ ମୂଲ୍ୟ ଅର୍ଥାତ୍ ମାତ୍ର ୩.୫ ଲକ୍ଷ ଟଙ୍କା ମଧ୍ୟରେ ଆକର୍ଷକ ପକ୍କା ଫ୍ଲାଟ୍ ପାଇପାରିବେ।
୫ ଲକ୍ଷ ଟଙ୍କାର ସରକାରୀ ସହାୟତା: ସରକାରଙ୍କ ପକ୍ଷରୁ ପ୍ରତ୍ୟେକ ଯୋଗ୍ୟ ହିତାଧିକାରୀଙ୍କୁ ଘର ନିର୍ମାଣ ନିମନ୍ତେ ୧୦୦% ଅନୁଦାନ ବା ୫ ଲକ୍ଷ ଟଙ୍କାର ସବ୍ସିଡି ଦିଆଯାଉଛି।
ଘରର ଆକାର: ଏହି ଯୋଜନା ଅନ୍ତର୍ଗତ ନିର୍ମାଣ ହେଉଥିବା ପ୍ରତ୍ୟେକ ୧ ଵିଏଚକେ ଫ୍ଲାଟ୍ ପ୍ରାୟ ୫୨୮ ବର୍ଗଫୁଟର ହୋଇଥିବାବେଳେ ସେଥିରେ ରୋଷେଇ ଓ ଶୌଚାଳୟ ଆଦି ସମସ୍ତ ଆଧୁନିକ ସୁବିଧା ରହିଛି।
ଆହୁରି ପଢନ୍ତୁ: Nvidia Next CEO: କିଏ ହେବ ଏନଭିଡିଆର ପରବର୍ତ୍ତୀ ମୁଖ୍ୟ? ୩ ଭାରତୀୟ ବଂଶୋଦ୍ଭବଙ୍କ ସମେତ ୧୧ ନାମକୁ ନେଇ ଚର୍ଚ୍ଚା
ଜମି ସହାୟତା: ଯେଉଁ ଗରିବ ପରିବାରମାନଙ୍କର ନିଜର ଜମି ନାହିଁ, ସେମାନଙ୍କୁ ସରକାରଙ୍କ ପକ୍ଷରୁ ମାଗଣାରେ ଜମି ପଟ୍ଟା ସହିତ ଘର ତିଆରି କରିବା ପାଇଁ ୫ ଲକ୍ଷ ଟଙ୍କାର ଅର୍ଥରାଶି ମଧ୍ୟ ପ୍ରଦାନ କରାଯାଉଛି।
ଯୋଗ୍ୟତା ଏବଂ ସର୍ତ୍ତାବଳୀ
ସ୍ଥାୟୀ ବାସିନ୍ଦା: ଆବେଦନକାରୀ ତେଲଙ୍ଗାନା ରାଜ୍ୟର ସ୍ଥାୟୀ ବାସିନ୍ଦା ହୋଇଥିବା ଆବଶ୍ୟକ।
ଆର୍ଥିକ ସ୍ଥିତି: ଏହି ଯୋଜନା ମୁଖ୍ୟତଃ ଆର୍ଥିକ ଭାବେ ଦୁର୍ବଳ (EWS) ଏବଂ ଦାରିଦ୍ର୍ୟ ସୀମାରେଖା ତଳେ (BPL) ବସବାସ କରୁଥିବା ପରିବାରଗୁଡ଼ିକ ପାଇଁ ଉଦ୍ଦିଷ୍ଟ।
ଆହୁରି ପଢନ୍ତୁ: Health: ଫୁସଫୁସରେ ଲାଗିଥିଲା ଆଘାତ; ୧୪ ଦିନ ପରେ ହସ୍ପିଟାଲରୁ ଡିସଚାର୍ଜ ହେଲେ ଟିନୁ ଆନନ୍ଦ
ଅନ୍ୟ କୌଣସି ପକ୍କାଘର ନଥିବ: ଆବେଦନକାରୀଙ୍କର ନିଜ ନାଁରେ ପୂର୍ବରୁ କୌଣସି ପକ୍କା ଘର କିମ୍ବା ଜମି ନଥିବ |
ଏହି ଯୋଜନା ମାଧ୍ୟମରେ ରାଜ୍ୟର ବହୁ ଗରିବ ଓ ନିମ୍ନ ଆୟକାରୀ ପରିବାରଙ୍କ ନିଜର ଏକ ପକ୍କା ଘରର ସ୍ୱପ୍ନ ପୂରଣ ହେବ ବୋଲି ଆଶା କରାଯାଉଛି।
