2 weeks ago
6
ARTICLE AD BOX
ଭୁବନେଶ୍ୱର: ୮ ବର୍ଷ ବ୍ୟବଧାନରେ ହେଉଥିବା ଛାତ୍ର ସଂସଦ ନିର୍ବାଚନ ପାଇଁ କ୍ୟାମ୍ପସ୍ରେ ନିର୍ବାଚନୀ ଉଷ୍ମତା ଦେଖାଦେଇଛି। କ୍ୟାମ୍ପସରେ ବିଜ୍ଞପ୍ତି ପରେ ଅକ୍ଟୋବର ୯(ଶୁକ୍ରବାର) ନାମାଙ୍କନପତ୍ର ଦାଖଲ ହେବ। ଆଗ୍ରହୀ ପ୍ରାର୍ଥୀମାନେ ସକାଳ ୧୦ଟାରୁ ଅପରାହ୍ଣ ୧ଟା ମଧ୍ୟରେ ନାମାଙ୍କନପତ୍ର ଦାଖଲ କରିପାରିବେ ଏବଂ ଅପରାହ୍ଣ ୨ଟାରୁ ୪ଟା ପର୍ଯ୍ୟନ୍ତ ନାମାଙ୍କନପତ୍ର ଯାଞ୍ଚ ହେବ। ସନ୍ଧ୍ୟା ୫ଟାରେ ଉଚ୍ଚ ଶିକ୍ଷାନୁଷ୍ଠାନ ପକ୍ଷରୁ ବୈଧ ନାମାଙ୍କନପତ୍ର ତାଲିକା ପ୍ରକାଶ ପାଇବ। ଅକ୍ଟୋବର ୧୦ ସକାଳ ୧୦ଟାରୁ ଅପରାହ୍ଣ ୧ଟା ମଧ୍ୟରେ ପ୍ରାର୍ଥୀମାନେ ନିଜ ନାମାଙ୍କନପତ୍ର ପ୍ରତ୍ୟାହାର କରିପାରିବେ। ଅପରାହ୍ଣ ୩ଟାରେ ଚୂଡ଼ାନ୍ତ ପ୍ରାର୍ଥୀ ତାଲିକା ପ୍ରକାଶ ପାଇବ।
Election: ଆଜି ଆସିବ ଉପନିର୍ବାଚନ ଫଳ
ଓଡ଼ିଶାର ଉଚ୍ଚଶିକ୍ଷା ଇତିହାସରେ ପ୍ରଥମ ଥର ପାଇଁ ୫୪୬ରୁ ଅଧିକ ଉଚ୍ଚଶିକ୍ଷାନୁଷ୍ଠାନରେ ଚଳିତବର୍ଷ ଛାତ୍ର ସଂସଦ ନିର୍ବାଚନ ହେବାକୁ ଯାଉଛି। ପ୍ରତ୍ୟକ୍ଷ ନିର୍ବାଚନ ଓ ଚୟନ ପଦ୍ଧତିରେ ସମସ୍ତ ସରକାରୀ ବିଶ୍ୱବିଦ୍ୟାଳୟ, ସରକାରୀ, ଅନୁଦାନପ୍ରାପ୍ତ ଓ ସ୍ୱୟଂଶାସିତ ମହାବିଦ୍ୟାଳୟରେ ଛାତ୍ରନେତା ଚୟନ କରାଯିବ। ‘ଆମ କ୍ୟାମ୍ପସ୍ରେ ନିର୍ବାଚନ ହୁଏନାହିଁ’ ଦର୍ଶାଇ ନିର୍ବାଚନରୁ ଦୂରେଇ ରହୁଥିବା ମହାବିଦ୍ୟାଳୟଗୁଡ଼ିକ ଉପରେ ମଧ୍ୟ ଏଥର ଉଚ୍ଚଶିକ୍ଷା ବିଭାଗର ଛାଟ ବାଜିଛି। ଯେକୌଣସି ପଦ୍ଧତିରେ ହେଉ ପଛେ, କ୍ୟାମ୍ପସରେ ଛାତ୍ରନେତା ଚୟନ କରିବା ବାଧ୍ୟତାମୂଳକ ହୋଇଛି। ଫଳରେ ଚଳିତବର୍ଷ ପ୍ରାୟ ପ୍ରତ୍ୟେକ କ୍ୟାମ୍ପସ୍ରେ ଛାତ୍ରନେତା ଚୟନ ହେବା ନିଶ୍ଚିତ ହୋଇଛି।
Delhi Security: ଦିଲ୍ଲୀରେ ବ୍ୟାପକ ଅର୍ଦ୍ଧସାମରିକ ବାହିନୀ ଓ ପୁଲିସ ଫୋର୍ସ ମୁତୟନ
ଉଚ୍ଚଶିକ୍ଷା ବିଭାଗର ତଥ୍ୟ ଅନୁଯାୟୀ, ୩୨୮ଟି ମହାବିଦ୍ୟାଳୟ ଓ ୧୩ଟି ବିଶ୍ୱବିଦ୍ୟାଳୟକୁ ମିଶାଇ ମୋଟ ୩୪୧ଟି ଉଚ୍ଚଶିକ୍ଷାନୁଷ୍ଠାନ ପ୍ରତ୍ୟକ୍ଷ ନିର୍ବାଚନ ମାଧ୍ୟମରେ ଛାତ୍ରନେତା ବାଛିବେ। ସେହିପରି ୨୦୨ଟି ମହାବିଦ୍ୟାଳୟ ଓ ୩ଟି ବିଶ୍ୱବିଦ୍ୟାଳୟକୁ ମିଶାଇ ମୋଟ ୨୦୫ଟି ଉଚ୍ଚଶିକ୍ଷାନୁଷ୍ଠାନ ଚୟନ ପଦ୍ଧତିରେ ଛାତ୍ରନେତା ଚୟନ କରିବେ। ସେପଟେ ଗତକାଲି କ୍ୟାମ୍ପସ୍ଗୁଡ଼ିକରେ ନିର୍ବାଚନ ସମ୍ପର୍କିତ ବିଜ୍ଞପ୍ତି ପ୍ରକାଶ ପରେ ଛାତ୍ର ରାଜନୀତି ଜୋର୍ ଧରିଛି। ବିଭିନ୍ନ ଛାତ୍ର ସଂଗଠନ ପକ୍ଷରୁ ସମ୍ଭାବ୍ୟ ପ୍ରାର୍ଥୀ ଚୟନ ଓ ରଣନୀତି ପ୍ରସ୍ତୁତି ଆରମ୍ଭ ହୋଇଥିବା ବେଳେ କ୍ୟାମ୍ପସ୍ରେ ନିର୍ବାଚନୀ ମାହୋଲ ଉଷ୍ମ ହୋଇଛି। ଏବେ ନିର୍ବାଚନ ପରିଚାଳନା ଶିକ୍ଷାନୁଷ୍ଠାନ କର୍ତ୍ତୃପକ୍ଷଙ୍କ ପାଇଁ ମଧ୍ୟ ବଡ଼ ଚ୍ୟାଲେଞ୍ଜ ପାଲଟିଛି।
