1 week ago
5
ARTICLE AD BOX
ୱାସିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପବର୍ତ୍ତମାନ ଏପରି କିଛି କରୁଛନ୍ତି ଯାହା ରୁଷ-ୟୁକ୍ରେନ ଯୁଦ୍ଧ ସମୟରେ ଆମେରିକାର ନୀତିକୁ ଭୁଲି ଯାଇଛନ୍ତି କି ବୋଲି ପ୍ରଶ୍ନ ଉଠାଇଛି। ଏହି ମନ୍ତବ୍ୟ ଭ୍ଲାଦିମିର ପୁଟିନଙ୍କ ସହ ତାଙ୍କର ଭଲ ସମ୍ପର୍କକୁ ସୂଚାଉଛି। ଟ୍ରମ୍ପ କହିଛନ୍ତି ଯେ, ରୁଷ ଚଳିତ ବର୍ଷ ଆମେରିକାରେ ଅନୁଷ୍ଠିତ ହେବାକୁ ଥିବା ଜି-୨୦ ବୈଠକରେ ଅଂଶଗ୍ରହଣ କରିବାକୁ ଇଚ୍ଛା ପ୍ରକାଶ କରିଛି। ଟ୍ରମ୍ପ ମଧ୍ୟ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସମ୍ମିଳନୀରେ ଯୋଗଦେବାର ସମ୍ଭାବନା ପ୍ରତି ସକାରାତ୍ମକ ମନୋଭାବ ପ୍ରକାଶ କରିଛନ୍ତି। ଏହା ସହିତ ୟୁକ୍ରେନକୁ ଦେଇଥିବା ପ୍ରତିଶ୍ରୁତି ମଧ୍ୟ ଭୁଲି ଯାଇଥିବା ପରି ମନେହେଉଛି। ସେ କହିଛନ୍ତି, ଯଦି ପୁଟିନ ବୈଠକରେ ଯୋଗ ଦିଅନ୍ତି, ତେବେ ମୁଁ ତାଙ୍କୁ ସ୍ୱାଗତ କରିବି। ତେବେ ଏହା ଏପର୍ଯ୍ୟନ୍ତ ନିଶ୍ଚିତ ନୁହେଁ ଯେ, ରୁଷ ରାଷ୍ଟ୍ରପତି ନିଜେ ସମ୍ମିଳନୀରେ ଯୋଗଦେବେ କି ରୁଷରୁ ପ୍ରତିନିଧି ପଠାଇବେ।ହ୍ୱାଇଟ୍ ହାଉସରେ ସାମ୍ବାଦିକମାନଙ୍କ ସହ କଥାବାର୍ତ୍ତା ସମୟରେ ଟ୍ରମ୍ପ ଏଭଳି ମନ୍ତବ୍ୟ ଦେଇଛନ୍ତି।
୨୦୨୬ ମସିହାରେ ଯୁକ୍ତରାଷ୍ଟ୍ର ଜି-୨୦ର ସଭାପତି ପଦ ସମ୍ଭାଳିବ।ଆମେରିକାର ବୈଦେଶିକ ମନ୍ତ୍ରୀ ମାର୍କୋ ରୁବିଓ ଅକ୍ଟୋବର ୩୦ ଏବଂ ୩୧ ତାରିଖରେ ଜର୍ଜିଆର ଆଟଲାଣ୍ଟାରେ ଜି-୨୦ ବୈଦେଶିକ ମନ୍ତ୍ରୀମାନଙ୍କର ଏକ ବୈଠକ ଆୟୋଜନ କରିବେ। ଏହା ପରେ ଡିସେମ୍ବର ୧୪ ଏବଂ ୧୫ ତାରିଖରେ ଫ୍ଲୋରିଡାର ମିଆମିର ଟ୍ରମ୍ପ ନ୍ୟାସନାଲ ଡୋରାଲରେ ଜି-୨୦ ନେତାମାନଙ୍କର ସମ୍ମିଳନୀ ଅନୁଷ୍ଠିତ ହେବ। ସଦସ୍ୟ ରାଷ୍ଟ୍ରର ମୁଖ୍ୟମାନେ ଯୋଗଦେବାର ଆଶା କରାଯାଉଛି। ରୁଷ ଏବଂ ଭାରତ ଉଭୟ ଜି-୨୦ ସଦସ୍ୟ। ଭାରତ ପୂର୍ବରୁ ସେପ୍ଟେମ୍ବର ୨୦୨୩ରେ ନୂଆଦିଲ୍ଲୀରେ ଜି-୨୦ ସମ୍ମିଳନୀ ଆୟୋଜନ କରିଥିଲା। ଟ୍ରମ୍ପ କହିଛନ୍ତି ଯେ, ସେ ରୁଷ ଏବଂ ଚୀନ୍ ସହିତ ଏକ ପରମାଣୁ ଅସ୍ତ୍ର ଚୁକ୍ତି କରିବାକୁ ଚାହାନ୍ତି। ଯଦିଓ ସେ ସ୍ୱୀକାର କରିଛନ୍ତି ଚଳିତ ବର୍ଷ ଏପରି ଚୁକ୍ତି ଅସମ୍ଭବ। ତାଙ୍କର ବକ୍ତବ୍ୟ ସୂଚାଇ ଦେଉଛି, ଆମେରିକା ପରମାଣୁ ସୁରକ୍ଷା ପ୍ରସଙ୍ଗରେ ଏହି ଦୁଇ ଦେଶ ସହିତ ସମ୍ପର୍କ ରଖିବାକୁ ଇଚ୍ଛୁକ।
ଆଶ୍ଚର୍ଯ୍ୟଜନକ କଥା ହେଉଛି, ଯେତେବେଳେ ରୁଷ-ୟୁକ୍ରେନ ଯୁଦ୍ଧ ବିଷୟରେ ପଚରାଗଲା, ସେ ମନେ ରଖିଛନ୍ତି କି ଯେ, ରୁଷ ରାଷ୍ଟ୍ରପତି ପୁଟିନ ଏହାକୁ ଆରମ୍ଭ କରିଥିଲେ। ଉତ୍ତରରେ ସେ କହିଥିଲେ ମୁଁ ସମଗ୍ର ବିଷୟ ବିଷୟରେ ଅବଗତ ଅଛି ଏବଂ ଉପଯୁକ୍ତ ସମୟରେ ପ୍ରାସଙ୍ଗିକ ସୂଚନା ପ୍ରକାଶ କରିବି। ମୋର ସର୍ବୋଚ୍ଚ ପ୍ରାଥମିକତା ହେଉଛି ଯୁଦ୍ଧ ସମାପ୍ତ କରିବା। ଏହା ସହିତ ଷ୍ଟାରସିଲ୍ଡ ପ୍ରଯୁକ୍ତିବିଦ୍ୟା ବ୍ୟବହାର ନେଇ ୟୁକ୍ରେନ ଉପରେ ପ୍ରତିବନ୍ଧକ ଲଗାଇବା ବିଷୟରେ ପଚରାଯିବାରୁ ଟ୍ରମ୍ପ ସ୍ପଷ୍ଟ ଭାବରେ କହିଥିଲେ, ଆମେରିକା ଏପରି କୌଣସି ପଦକ୍ଷେପ ନେଇନାହିଁ।
