5 hours ago
5
ARTICLE AD BOX
ଭାରତୀୟ ସଙ୍ଗୀତ ନିର୍ଦ୍ଦେଶକ ଅନିରୁଧ ରବିଚନ୍ଦ୍ର ଓ କାବ୍ୟା ମାରାନ୍ଙ୍କ ବିବାହ ରିସେପ୍ସନର ଆମନ୍ତ୍ରଣ ପତ୍ର ଏବେ ସୋସିଆଲ ମିଡିଆରେ ବେଶ୍ ଚର୍ଚ୍ଚାରେ ଅଛି। ଏହାର ଭିଣ୍ଟେଜ୍-ଷ୍ଟାଇଲ୍ ଲୁକ୍, ସୂକ୍ଷ୍ମ କାମ ଓ ଆକର୍ଷକ ରଙ୍ଗ ସମସ୍ତଙ୍କ ଦୃଷ୍ଟି ଆକର୍ଷଣ କରୁଛି। ତେବେ ଏହି ସୁନ୍ଦର କାର୍ଡ ପଛରେ କିପରି ଥିଲା ପ୍ରକୃତ କାହାଣୀ ଏବଂ ଏହାର ଡିଜାଇନ୍ କିପରି ପ୍ରସ୍ତୁତ ହୋଇଥିଲା, ସେ ସମ୍ପର୍କରେ ଖୁଲାସା କରିଛନ୍ତି ଏହାର ଡିଜାଇନର୍।
ଆହୁରି ପଢ଼ନ୍ତୁ: ସ୍ଥଳଭାଗ ଛୁଇଁଲା ବେଳକୁ ବାତ୍ୟାର ଘଣ୍ଟା ପିଛା ବେଗ ରହିବ ୧୫୦କିମି!
'ପିଙ୍କ୍ ହ୍ଵିସିଲ୍ ମ୍ୟାନ୍'ର ପ୍ରତିଷ୍ଠାତା ରଞ୍ଜନୀ ଆୟଙ୍ଗର, ଯିଏକି ଏହି ଆମନ୍ତ୍ରଣ ପତ୍ରର କ୍ରିଏଟିଭ୍ ଏବଂ ପ୍ରଡକ୍ସନ୍ ଦାୟିତ୍ୱରେ ଥିଲେ ସେ କହିଛନ୍ତି ଯେ ସେମାନଙ୍କୁ ଏପରି ଏକ ଜିନିଷ ତିଆରି କରିବାର ଥିଲା ଯାହା କେବଳ ଏକ ସାଧାରଣ ବିବାହ କାର୍ଡ ହୋଇ ରହିବ ନାହିଁ, ବରଂ ଅତିଥିମାନେ ଏହାକୁ ଏକ 'କିପ୍-ସେକ୍' ଅର୍ଥାତ୍ ସବୁଦିନ ପାଇଁ ଏକ ସ୍ମୃତି ଭାବେ ସାଇତି ରଖିବାକୁ ଚାହିଁବେ।
କାବ୍ୟା ମାରାନ୍ ଏହି ଡିଜାଇନ୍ ପ୍ରକ୍ରିୟାରେ ବେଶ୍ ପାଖରୁ ଜଡ଼ିତ ଥିଲେ। ରଞ୍ଜନୀଙ୍କ କହିବା ଅନୁଯାୟୀ, କାବ୍ୟାଙ୍କର ସୂକ୍ଷ୍ମ ଜିନିଷ ପ୍ରତି ବେଶ୍ ଭଲ ଦୃଷ୍ଟି ରହିଛି ଏବଂ ଦୁହେଁ ମିଶି ଏହାକୁ ଏକ କ୍ଲାସିକ୍ ଓ ଟାଇମଲେସ୍ ରୂପ ଦେଇଥିଲେ।
କାହିଁକି ବଛାଗଲା ପାଉଡର୍ ବ୍ଲୁ, ଆଇଭରି ଏବଂ ସିଲ୍ଭର ରଙ୍ଗ?
ସାଧାରଣତଃ ସେଲିବ୍ରେଟିମାନଙ୍କ ବିବାହ କାର୍ଡରେ ଅନେକ ପ୍ରକାରର ଗାଢ଼ ରଙ୍ଗ ଓ ଚକକା ଚିତ୍ର ଦେଖିବାକୁ ମିଳିଥାଏ। କିନ୍ତୁ ଅନିରୁଧ ଓ କାବ୍ୟାଙ୍କ କାର୍ଡ ପାଇଁ ଏକ ସ୍ୱତନ୍ତ୍ର ରଙ୍ଗର ପ୍ଲାଟଫର୍ମ ପ୍ରସ୍ତୁତ କରାଯାଇଥିଲା:
ଏହି କାର୍ଡରେ କେବଳ ପାଉଡର୍ ବ୍ଲୁ , ଆଇଭରି ଏବଂ ସିଲ୍ଭର ରଙ୍ଗକୁ ପ୍ରାଥମିକତା ଦିଆଯାଇଥିଲା।
କାର୍ଡ କିମ୍ବା ବକ୍ସକୁ ଅଧିକ ଜାକଜମକ ନ କରି ଏହାକୁ ଅତ୍ୟନ୍ତ ସରଳ, ସୁନ୍ଦର ଓ ଆଭିଜାତ୍ୟପୂର୍ଣ୍ଣ ରଖାଯାଇଥିଲା।
ଏଥିରେ ଦୁହିଁଙ୍କ ପ୍ରେମ କାହାଣୀ କିମ୍ବା ବ୍ୟକ୍ତିଗତ କାହାଣୀକୁ ବର୍ଣ୍ଣନା କରାଯାଇ ନାହିଁ ବରଂ କେବଳ ଏକ କ୍ଲାସିକ୍ ଡିଜାଇନ୍ ଉପରେ ଧ୍ୟାନ ଦିଆଯାଇଥିଲା।
ରଞ୍ଜନୀ ଆୟଙ୍ଗର ଏହାପୂର୍ବରୁ ରାଧିକା ମର୍ଚ୍ଚଣ୍ଟ, ଅନନ୍ୟା ପାଣ୍ଡେଙ୍କ ଭଉଣୀ ଅଲାନା ପାଣ୍ଡେ ଓ କ୍ରିକେଟର୍ ଜୟଦେବ ଉନାଦକଟ୍ଟଙ୍କ ଭଳି ଅନେକ ହାଇ-ପ୍ରୋଫାଇଲ୍ ସେଲିବ୍ରେଟିଙ୍କ ପାଇଁ ମଧ୍ୟ ବିବାହ କାର୍ଡ ଡିଜାଇନ୍ କରିଛନ୍ତି।
ତାଙ୍କ ମତରେ, ବଡ଼ ବଡ଼ ସେଲିବ୍ରେଟିମାନେ ପ୍ରତିଦିନ ବହୁତ ଜାକଜମକ ଏବଂ ଭବ୍ୟ ଜିନିଷ ଦେଖିଥାନ୍ତି। ତେଣୁ ଯେତେବେଳେ ସେମାନଙ୍କ ନିଜ ବିବାହ କଥା ଆସେ, ସେତେବେଳେ ସେମାନେ ଅତି ସରଳତା ଓ ପ୍ରାମାଣିକତାକୁ ଅଧିକ ପସନ୍ଦ କରନ୍ତି।
ବିବାହର ସମ୍ଭାବ୍ୟ ତାରିଖ ଓ ସ୍ଥାନ
ରପୋର୍ଟ ଅନୁଯାୟୀ, କାବ୍ୟା ମାରାନ୍ ଏବଂ ଅନିରୁଧଙ୍କ ଏହି ବିବାହ ଉତ୍ସବ ନଭେମ୍ବର ୧୦ ଏବଂ ୧୧ ତାରିଖରେ ଅନୁଷ୍ଠିତ ହେବାର ସମ୍ଭାବନା ରହିଛି। ଗ୍ରୀସ୍ର ଏକ ସୁନ୍ଦର ସ୍ଥାନରେ ଏହି ବିବାହର ରୀତିନୀତି ଅନୁଷ୍ଠିତ ହେବ, ଯେଉଁଠାରେ କେବଳ ପରିବାରର ଲୋକମାନେ ଏବଂ କିଛି ନିକଟସ୍ଥ ବନ୍ଧୁବାନ୍ଧବମାନେ ସାମିଲ ହେବେ।
ଆହୁରି ପଢ଼ନ୍ତୁ: ବାଲିଶଙ୍କରାରେ ଧୂମଧାମରେ ପାଳିତ ହେଲା କରମା ପୂଜା
ଅଧିକ ଦେଖନ୍ତୁ:
