ଫ୍ୟାସନ୍‌ ୱିକ୍‌ରେ ଓଡ଼ିଶାର କଳା

2 weeks ago 4

ARTICLE AD BOX

1/7

ଓରମାସ୍‌ ପକ୍ଷରୁ ପ୍ରୋତ୍ସାହନ

ଓରମାସ୍‌ ପକ୍ଷରୁ ପ୍ରୋତ୍ସାହିତ ହସ୍ତତନ୍ତ ଓ ହସ୍ତଶିଳ୍ପ ସାମଗ୍ରୀ ପରିଧାନ କରି *୪୦ ଜଣ ମଡେଲ୍‌* ରାମ୍ପ୍‌ରେ ଚାଲିଥିଲେ। ସେମାନଙ୍କ ମଧ୍ୟରେ ଓଲିଉଡ୍‌ ଅଭିନେତ୍ରୀ ସଙ୍ଗୀତା ଶିବାନୀ ମଧ୍ୟ ଥିଲେ। ଏହି ପ୍ରଦର୍ଶନୀରେ ବିଭିନ୍ନ ଜିଲ୍ଲାର ବୁଣାକାର ଓ କାରିଗରମାନଙ୍କ ଦ୍ୱାରା ପ୍ରସ୍ତୁତ ହସ୍ତତନ୍ତ ଓ ହସ୍ତଶିଳ୍ପ ସାମଗ୍ରୀ ସହ ଏକ ଜିଲ୍ଲା, ଏକ ଉତ୍ପାଦ ଅନ୍ତର୍ଗତ ପାରମ୍ପରିକ ଉତ୍ପାଦଗୁଡ଼ିକୁ ଫ୍ୟାଶନ୍ ରାମ୍ପ୍‌ରେ ପ୍ରଦର୍ଶିତ କରାଯାଇଥିଲା। ଏଥିରେ ସମ୍ବଲପୁରୀ ସିଲ୍କ ଶାଢ଼ି, କଟକ ଖଣ୍ଡୁଆ ସିଲ୍କ ଶାଢ଼ି, ମଣିଆବନ୍ଧ ଶାଢ଼ି, ପଟ୍ଟଚିତ୍ର ସିଲ୍କ ଶାଢ଼ି, ଜିଆଇ ମାନ୍ୟତାପ୍ରାପ୍ତ କୋଟପାଡ଼ ହସ୍ତତନ୍ତ, ଧଳାପଥରର ପାରମ୍ପରିକ ବୟନ ସାମଗ୍ରୀ, ଢୋକ୍ରା କଳାକୃତି ଓ ଫ୍ୟାବ୍ରିକ୍ ଗହଣା ସ୍ଥାନ ପାଇଥିଲା।

New Project (5)

2/7

୧୪ ଜଣ ମହିଳା ବୁଣାକାର

ଏହି ଫ୍ୟାସନ୍ ସୋ’ର ଅନ୍ୟତମ ଆକର୍ଷଣ ଥିଲେ ଖୋର୍ଦ୍ଧା ଓ କଟକ ଜିଲ୍ଲାର ୧୪ ଜଣ ମହିଳା ବୁଣାକାର। ସେମାନେ ନିଜ ହାତରେ ବୁଣିଥିବା ପାରମ୍ପରିକ ହସ୍ତତନ୍ତ ପୋଷାକ ପିନ୍ଧି ପେସାଦାର ମଡେଲ୍‌ଙ୍କ ସହ ରାମ୍ପ୍‌ରେ ଚାଲିଥିଲେ। ଏଭଳି ଏକ ମଞ୍ଚରେ ସ୍ଥାନୀୟ ବୁଣାକାରଙ୍କ ପ୍ରତ୍ୟକ୍ଷ ଅଂଶଗ୍ରହଣ ସେମାନଙ୍କୁ ନିଜ କଳା ଓ ଦକ୍ଷତା ପ୍ରଦର୍ଶନ ସହ ବ୍ୟାପକ ପରିଚୟ ଓ ସ୍ୱୀକୃତି ପାଇବାର ସୁଯୋଗ ଦେଇଥିଲା। ଏହି ପ୍ରଦର୍ଶନୀକୁ ଦର୍ଶକମାନେ ପ୍ରଶଂସା କରିଥିଲେ।

New Project (6)

3/7

ହସ୍ତତନ୍ତ ଓ ହସ୍ତଶିଳ୍ପ ସାମଗ୍ରୀ ବିକ୍ରୟ

ଏଥିସହ ଓରମାସ୍‌ ପକ୍ଷରୁ ଦୁଇଟି କିଓସ୍କ ଷ୍ଟଲ୍‌ ସ୍ଥାପନ କରାଯାଇ ହସ୍ତତନ୍ତ ଓ ହସ୍ତଶିଳ୍ପ ସାମଗ୍ରୀ ବିକ୍ରୟ ଓ ପ୍ରଦର୍ଶନ କରାଯାଇଥିଲା। ଦର୍ଶକମାନେ ସାମଗ୍ରୀ କିଣିବା ସହ ସେଗୁଡ଼ିକର ଡିଜାଇନ୍‌ ଓ କାରିଗରୀକୁ ପ୍ରଶଂସା କରିଥିଲେ।

New Project (7)

4/7

ସୁଭଦ୍ରା ଶକ୍ତି ବଜାର

ଏହି ସାମଗ୍ରୀଗୁଡ଼ିକ ସୁବର୍ଣ୍ଣଶ୍ରୀ ଓରମାସ୍‌ ରିଟେଲ ବିକ୍ରୟ କେନ୍ଦ୍ର ଏବଂ ସୁଭଦ୍ରା ଶକ୍ତି ବଜାରରେ ମଧ୍ୟ ଉପଲବ୍ଧ ହେବ। ଏହାଦ୍ୱାରା ଗ୍ରାହକମାନେ ଓଡ଼ିଶାର ପାରମ୍ପରିକ ହସ୍ତତନ୍ତ ଓ ହସ୍ତଶିଳ୍ପ ସାମଗ୍ରୀ କିଣିବାର ସୁଯୋଗ ପାଇପାରିବେ।

New Project (8)

5/7

New Project (9)

6/7

ବୁଣାକାର ଓ କାରିଗରଙ୍କୁ ନୂଆ ବଜାର

ଏହି ପଦକ୍ଷେପକୁ ପ୍ରଶଂସା କରି ଗ୍ରାମ୍ୟ ଉନ୍ନୟନ ତଥା ପଞ୍ଚାୟତିରାଜ ଓ ପାନୀୟ ଜଳ ମନ୍ତ୍ରୀରବି ନାରାୟଣ ନାଏକ କହିଛନ୍ତି, ଏଭଳି ସୁଯୋଗ ବୁଣାକାର ଓ କାରିଗରଙ୍କୁ ନୂଆ ବଜାର ଓ ଗ୍ରାହକଙ୍କ ସହ ଯୋଡ଼ିବା ସହ ଓଡ଼ିଶାର କାରିଗରୀ ପରମ୍ପରାର ସୁରକ୍ଷା ଓ ଗ୍ରାମୀଣ ଜୀବିକାକୁ ସୁଦୃଢ଼ କରିବ।

New Project (10)