46 minutes ago
1
ARTICLE AD BOX
ହିନ୍ଦୁ ଧର୍ମରେ ଏକାଦଶୀ ତିଥିକୁ ଭଗବାନ ବିଷ୍ଣୁଙ୍କ ଆରଧନା ଭାବେ ବିବେଚନା କରାଯାଏ। ଏକାଦଶୀ ବ୍ରତ ପାଳନ କରିବା ସହ ଭଗବାନ ବିଷ୍ଣୁଙ୍କ ବିଧିବିଧାନ ଅନୁସାରେ ପୂଜା କଲେ ମନକୁ ଶାନ୍ତି ମିଳିବା ସହ ଘରେ ସୁଖ ଓ ସମୃଦ୍ଧିରହିଥାଏ ବୋଲି ଧାର୍ମିକ ବିଶ୍ୱାସ ରହିଛି। ବର୍ଷକୁ ମୋଟ ୨୪ଟି ଏକାଦଶୀ ପଡ଼ିଥାଏ। ସେପ୍ଟେମ୍ବର ୨୦୨୬ର ପ୍ରଥମ ଏକାଦଶୀ ହେଉଛି ଅଜା ଏକାଦଶୀ (କାଳୀୟଦଳନ ଏକାଦଶୀ)। ତେବେ ଏହାର ତାରିଖକୁ ନେଇ ଦ୍ୱନ୍ଦ୍ୱ ରହିଛି।
୬ ନା ୭ ସେପ୍ଟେମ୍ବର?
ପଞ୍ଚାଙ୍ଗ ଅନୁସାରେ ଭାଦ୍ରବ କୃଷ୍ଣ ପକ୍ଷ ଏକାଦଶୀ ତିଥି ସେପ୍ଟେମ୍ବର ୬ ସନ୍ଧ୍ୟା ୭ଟା ୩୦ରୁ ସେପ୍ଟେମ୍ବର ୭ ସନ୍ଧ୍ୟା ୫ଟା ୫ମିନିଟ୍ ପର୍ଯ୍ୟନ୍ତ ରହିବ। ବ୍ରତ ପାଇଁ ଉଦୟା ତିଥିକୁ ଗୁରୁତ୍ୱ ଦିଆଯାଉଥିବାରୁ ସେପ୍ଟେମ୍ବର ୭ ସୋମବାର ଅଜା ଏକାଦଶୀ ବ୍ରତ ପାଳନ କରାଯିବ।
ଏକାଦଶୀ ବ୍ରତର ପାରଣ ୨୦୨୬ ସେପ୍ଟେମ୍ବର ୮ରେ କରାଯିବ। ପଞ୍ଚାଙ୍ଗ ଅନୁସାରେ ପାରଣ ପାଇଁ ସକାଳ ୬ଟା ୨ମିନିଟ୍ରୁ ୮ଟା ୩୩ମିନିଟ୍ ପର୍ଯ୍ୟନ୍ତ ଶୁଭ ସମୟ ରହିବ। ଏହି ସମୟ ମଧ୍ୟରେ ସ୍ନାନ ଓ ପୂଜା ପରେ ବ୍ରତ ଭଙ୍ଗି ପାରିବେ ଭକ୍ତ।
ଅଜା ଏକାଦଶୀରେ ଶୁଭ ଯୋଗ
ଚଳିତ ଅଜା ଏକାଦଶୀ ଦିନ ଅନେକ ଶୁଭ ଯୋଗ ରହିବ। ସକାଳେ ପୁନର୍ବସୁ ଓ ପୁଷ୍ୟ ନକ୍ଷତ୍ରର ସଂଯୋଗ ରହିବ। ଏହାସହ ବରୀୟାନ ଓ ସର୍ବାର୍ଥ ସିଦ୍ଧି ଯୋଗ ମଧ୍ୟ ରହିବ। ଧାର୍ମିକ ଦୃଷ୍ଟିରୁ ଏହି ଯୋଗଗୁଡ଼ିକୁ ଶୁଭ ବୋଲି ବିବେଚନା କରାଯାଏ।
୧୮ନଂ ଜାତୀୟ ରାଜପଥ ଉପରେ ଭୟଙ୍କର ଦୁର୍ଘଟଣା, ଅଳ୍ପକେ ବର୍ତ୍ତିଲେ ୨ ଯୁବକ
