2 weeks ago
4
ARTICLE AD BOX
କଲମ୍ବୋ:ଶ୍ରୀଲଙ୍କା ଟେଷ୍ଟ୍ ଦଳର ଅଧିନାୟକ ପଦ ଛାଡ଼ିଛନ୍ତି ଧନଞ୍ଜୟ ଡି’ସିଲ୍ଭା। ଏହି ୩୫ ବର୍ଷୀୟ ସିଂହଳୀ ବ୍ୟାଟର୍ଙ୍କ ନେତୃତ୍ବରେ ଦଳ ୨୦୨୪ରୁ ୨୦୨୬ ମଧ୍ୟରେ ୧୮ ଟେଷ୍ଟ୍ ଖେଳି ୭ଟି ଜିତିଥିଲା ବେଳେ ୮ ହାରିଛି ଏବଂ ୩ଟି ଡ୍ର ରଖିଥିଲା। ଅଧିନାୟକ ପଦ ଛାଡ଼ିଥିଲେ ମଧ୍ୟ ସେ ଖେଳିବା ଜାରି ରଖିବେ ବୋଲି ସ୍ପଷ୍ଟ କରିଛନ୍ତି।
ଏହି ଦାୟିତ୍ବ ପରବର୍ତ୍ତୀ ପିଢ଼ିକୁ ଦିଆଯାଉ: ଧନଞ୍ଜୟ
ଶ୍ରୀଲଙ୍କା କ୍ରିକେଟ୍ ବୋର୍ଡ (ଏସ୍ଏଲ୍ସି) ଚୟନ କମିଟିକୁ ଗୁରୁବାର ଲେଖିଥିବା ଇସ୍ତାଫା ପତ୍ରରେ ସେ କହିଛନ୍ତି, ‘‘ମୋର ମତ ହେଉଛି, ଏହି ଦାୟିତ୍ବ ପରବର୍ତ୍ତୀ ପିଢ଼ିକୁ ଦିଆଯାଉ’’। ୨୦୨୪ରେ ଦିମୁତ କରୁଣାରତ୍ନେଙ୍କ ଅବସର ପରେ ଶ୍ରୀଲଙ୍କା ଟେଷ୍ଟ୍ ଦଳର ମଙ୍ଗ ଧରିଥିଲେ ଧନଞ୍ଜୟ। ତାଙ୍କ ନେତୃତ୍ବରେ ଦଳ ଆଫ୍ଗାନିସ୍ତାନ (ଘରୋଇ), ବାଂଲାଦେଶ (ଘରୋଇ, ବିଦେଶ) ଏବଂ ନ୍ୟୁଜିଲାଣ୍ଡ (ଘରୋଇ) ବିପକ୍ଷରେ ଟେଷ୍ଟ୍ ଶୃଙ୍ଖଳା ଜିତିଥିଲା। ନେତୃତ୍ବ ନେବାର ଦ୍ବିତୀୟ ଟେଷ୍ଟ୍ରେ ଧନଞ୍ଜୟ, ବାଲାଦେଶ ବିପକ୍ଷ ସିଲାଟ୍ ଟେଷ୍ଟ୍ରେ ୨ଟି ଶତକ ହାସଲ କରି ଦଳକୁ ୩୨୮ ରନ୍ର ବଡ଼ ବିଜୟ ଭେଟି ଦେଇଥିଲେ।
