6 days ago
5
ARTICLE AD BOX
ନୂଆଦିଲ୍ଲୀ: ଦିଲ୍ଲୀରେ ଶୀତଦିନରେ ହେଉଥିବା ଭୟଙ୍କର ପ୍ରଦୂଷଣ ରୋକିବାକୁ ମୁଖ୍ୟମନ୍ତ୍ରୀ ରେଖା ଗୁପ୍ତା ମଙ୍ଗଳବାର ଶୀତକାଳୀନ ଯୋଜନା ଘୋଷଣା କରିଛନ୍ତି, ଯାହାକି ନଭେମ୍ବର ୧ରୁ ଫେବ୍ରୁଆରି ୨୮ ତାରିଖ ପର୍ଯ୍ୟନ୍ତ ବଳବତ୍ତର ରହିବ। ଯୋଜନା ଅନୁଯାୟୀ, ଦିଲ୍ଲୀ ବାହାରେ ପଞ୍ଜିକୃତ ଯାନଗୁଡ଼ିକ ଯାହା ବିଏସ୍-୬ ନିର୍ଗମନ ମାନଦଣ୍ଡ ପୂରଣ କରୁନାହିଁ, ସେମାନଙ୍କୁ ନଭେମ୍ବର ୧ ରୁ ଜାନୁଆରି ୩୧ ପର୍ଯ୍ୟନ୍ତ ଜାତୀୟ ରାଜଧାନୀରେ ପ୍ରବେଶ କରିବାରୁ ବାରଣ କରାଯିବ। ସରକାର ବ୍ୟକ୍ତିଗତ ଯାନବାହନ ବ୍ୟବହାରକୁ ନିରୁତ୍ସାହିତ କରିବା ଓ ପ୍ରଦୂଷଣ ହ୍ରାସ କରିବା ପାଇଁ ଅନେକ ପଦକ୍ଷେପ ଘୋଷଣା କରିଛନ୍ତି, ଯେଉଁଥିରେ ଅନୁମୋଦିତ ପାର୍କିଂ ସ୍ଥାନରେ ପାର୍କିଂ ଶୁଳ୍କ ଦ୍ୱିଗୁଣିତ କରିବା, ପର୍ଯ୍ୟାୟକ୍ରମେ ଅଫିସ ସମୟ ଉଭୟ ସରକାରୀ ଓ ବେସରକାରୀ କାର୍ଯ୍ୟାଳୟ ପାଇଁ ୫୦% କର୍ମଚାରୀ ଘରୁ କାମ କରିବା ବା ୱାର୍କ ଫ୍ରମ୍ ହୋମ୍ କରିବାକୁ ନିର୍ଦ୍ଦେଶ ଅନ୍ତର୍ଭୁକ୍ତ।
୧) ବ୍ୟକ୍ତିଗତ ଯାନବାହନ ବ୍ୟବହାରକୁ ନିରୁତ୍ସାହିତ କରିବା ପାଇଁ, ନଭେମ୍ବର ୧ ରୁ ଫେବ୍ରୁଆରି ୨୮, ୨୦୨୭ ପର୍ଯ୍ୟନ୍ତ ଅନୁମୋଦିତ ପାର୍କିଂ ସୁବିଧାଗୁଡ଼ିକରେ ପାର୍କିଂ ଶୁଳ୍କ ଦ୍ୱିଗୁଣିତ କରାଯିବ। ତେବେ ଦିଲ୍ଲୀ ମେଟ୍ରୋ ରେଳ କର୍ପୋରେସନ (ଡିଏମ୍ଆର୍ସି) ମାଲିକାନା ଓ ପରିଚାଳିତ ପାର୍କିଂ ସୁବିଧା ପାଇଁ ଏହି ବୃଦ୍ଧି ପ୍ରଯୁଜ୍ୟ ହେବ ନାହିଁ।
୨) ଟ୍ରାଫିକ ଭିଡ଼ କମ୍ କରିବା ଓ ଯାନବାହନ ନିର୍ଗମନକୁ ରୋକିବା ପାଇଁ, ଦିଲ୍ଲୀ ମ୍ୟୁନିସିପାଲ କର୍ପୋରେସନ ଅଧୀନରେ ଥିବା କାର୍ଯ୍ୟାଳୟଗୁଡ଼ିକ ସକାଳ ୮ଟା ୩୦ ରୁ ସନ୍ଧ୍ୟା ୫ ଟା ପର୍ଯ୍ୟନ୍ତ କାର୍ଯ୍ୟ କରିବ। ଦିଲ୍ଲୀ ସରକାରଙ୍କ ଅଧୀନରେ ଥିବା ବିଭିନ୍ନ ପ୍ରଶାସନିକ କାର୍ଯ୍ୟାଳୟ ଓ ବିଭାଗ ସକାଳ ୧୦ ରୁ ସନ୍ଧ୍ୟା ୬ଟା ୩୦ ପର୍ଯ୍ୟନ୍ତ କାର୍ଯ୍ୟ କରିବ। ସଂଶୋଧିତ ସମୟ ନଭେମ୍ବର ୧ ରୁ ଫେବ୍ରୁଆରି ୨୮ ପର୍ଯ୍ୟନ୍ତ କାର୍ଯ୍ୟକାରୀ ହେବ।
ପ୍ରଯୁକ୍ତିବିଦ୍ୟା ବ୍ୟବହାର
୩) ସେହିପରି ଦିଲ୍ଲୀ-ଏନ୍ସିଆର୍ (ଜାତୀୟ ରାଜଧାନୀ ଅଞ୍ଚଳ)ରେ ଥିବା ପେଟ୍ରୋଲ ପମ୍ପରେ ଯେଉଁ ଗାଡ଼ିଗୁଡ଼ିକ ପାଖରେ ପ୍ରଦୂଷଣ ନିୟନ୍ତ୍ରଣ ଅନ୍ତର୍ଗତ (ପିୟୁସି) ପ୍ରମାଣପତ୍ର ନଥିବ ସେମାନଙ୍କୁ ପେଟ୍ରୋଲ ନଦେବା ନିୟମ ୧ ଅକ୍ଟୋବରରୁ ଲାଗୁ ହୋଇସାରିଛି।
ଦିଲ୍ଲୀ ଓ ଆଖପାଖ ଅଞ୍ଚଳରେ ପ୍ରଦୂଷଣ-ନିୟନ୍ତ୍ରଣ ପଦକ୍ଷେପଗୁଡ଼ିକର ସମନ୍ୱୟ କରୁଥିବା କମିସନ୍ ଫର୍ ଏୟାର କ୍ୱାଲିଟି ମ୍ୟାନେଜମେଣ୍ଟ (ସିଏକ୍ୟୁଏମ୍) ମେ ମାସରେ ନିର୍ଦ୍ଦେଶ ଦେଇଥିଲା ଯେ, ବୈଧ ପିୟୁସି ପ୍ରମାଣପତ୍ର ବିନା ଯାନବାହନକୁ କୌଣସି ଇନ୍ଧନ ବିତରଣ କରାଯିବ ନାହିଁ। ନିର୍ଦ୍ଦେଶକୁ କାର୍ଯ୍ୟକାରୀ କରିବା ପାଇଁ ନମ୍ବର-ପ୍ଲେଟ୍ ଚିହ୍ନଟ କ୍ୟାମେରା ଓ ଅନ୍ୟାନ୍ୟ ପ୍ରଯୁକ୍ତିବିଦ୍ୟା ବ୍ୟବହାର କରାଯାଉଛି।
ଭଙ୍ଗାଭଙ୍ଗି କାର୍ଯ୍ୟକଳାପ ଉପରେ କଟକଣା
୪) ଶୀତକାଳୀନ କାର୍ଯ୍ୟ ଯୋଜନାରେ ନିର୍ମାଣ ଓ ଭଙ୍ଗାଭଙ୍ଗି କାର୍ଯ୍ୟକଳାପ ଉପରେ କଟକଣା ଲଗାଯାଇଛି। ପ୍ରଦୂଷଣ-ନିୟନ୍ତ୍ରଣ ମାନଦଣ୍ଡର ଅନୁପାଳନକୁ ସୁଦୃଢ଼ ​​କରିବା ପାଇଁ ନିର୍ମାଣ ସ୍ଥାନଗୁଡ଼ିକର ଏଆଇ-ଆଧାରିତ ତଦାରଖ ବ୍ୟବସ୍ଥା କରାଯାଇଛି।
୫) ଘରୋଇ ଯାନବାହନ ଉପରେ ନିର୍ଭରଶୀଳତା ହ୍ରାସ କରିବା ଓ ଯାନବାହନ ନିର୍ଗମନ ହ୍ରାସ କରିବାରେ ସାହାଯ୍ୟ କରିବା ପାଇଁ ସରକାର ବୈଦ୍ୟୁତିକ ବସ୍, ବିସ୍ତାରିତ ମେଟ୍ରୋ ସଂଯୋଗ ଓ କାରପୁଲିଂ ମାଧ୍ୟମରେ ସ୍ୱଚ୍ଛ ଗତିଶୀଳତାକୁ ପ୍ରୋତ୍ସାହିତ କରିବେ।
୬) ଉଭୟ ସରକାରୀ ଓ ବେସରକାରୀ କାର୍ଯ୍ୟାଳୟ ପାଇଁ ଅଫିସ ସମୟରେ ପରିବର୍ତ୍ତନ ସହିତ ୫୦% କର୍ମଚାରୀ ଘରୁ କାମ କରିବା ବା ୱାର୍କ ଫ୍ରମ୍ ହୋମ୍ (ଡବ୍ଲ୍ୟୁଏଫ୍ଏଚ୍) ଲାଗୁ କରିବା ନିର୍ଦ୍ଦେଶ ଅନ୍ତର୍ଭୁକ୍ତ।
