Durga Puja Artisans: ମୂର୍ତ୍ତିଠାରୁ ମଣ୍ଡପର ମନୋରମ ସାଜସଜ୍ଜା ପର୍ଯ୍ୟନ୍ତ ରହିଥାଏ କାରିଗରଙ୍କ ଅକ୍ଳାନ୍ତ ପରିଶ୍ରମ,କାରିଗରଙ୍କ ପରିଶ୍ରମ ନେଇଥାଏ ପୂଜା ଉତ୍ସବର ରୂପ

ଦୁର୍ଗାପୂଜା ଆସିଲେ ସହରଠାରୁ ଗାଁ ପର୍ଯ୍ୟନ୍ତ ସବୁଠି ଉତ୍ସବର ପରିବେଶ ଦେଖାଯାଏ। ଆକର୍ଷଣୀୟ ମଣ୍ଡପ, ରଙ୍ଗବେରଙ୍ଗ ଆଲୋକର ସାଜ୍ଜସଜ୍ଜା ଓ ମା’ ଦୁର୍ଗାଙ୍କ ସୁନ୍ଦର ପ୍ରତିମା ଲୋକଙ୍କୁ ଆକୃଷ୍ଟ କରେ। ତେବେ ଏହି ସମସ୍ତ ଆକର୍ଷଣ ପଛରେ ରହିଥାଏ ଅନେକ କାରିଗରଙ୍କ ଦିନରାତିର ପରିଶ୍ରମ।

ମା’ ଦୁର୍ଗାଙ୍କ ପ୍ରତିମା ତିଆରି ଏକ ଦୀର୍ଘ ଓ ସୂକ୍ଷ୍ମ ପ୍ରକ୍ରିୟା। ବାଉଁଶ, ନଡ଼ା ଓ ମାଟିରେ ପ୍ରଥମେ ପ୍ରତିମାର ଢାଞ୍ଚା ପ୍ରସ୍ତୁତ କରାଯାଏ। ପରେ ମାଟିର ପରସ୍ତ ଦେଇ ଦେବୀଙ୍କ ଆକୃତି ଦିଆଯାଏ। ଶୁଖିବା ପରେ ରଙ୍ଗ ଦେବା, ଆଖି ଆଙ୍କିବା ଓ ଅଳଙ୍କାରରେ ସଜାଇବା ଭଳି କାମ କାରିଗରମାନେ ଅତ୍ୟନ୍ତ ଯତ୍ନର ସହ କରିଥାନ୍ତି।
ପ୍ରତିମା ସହିତ ପୂଜାମଣ୍ଡପ ନିର୍ମାଣ ଓ ସାଜସଜ୍ଜାରେ ମଧ୍ୟ କାରିଗରଙ୍କ ଅନେକ ଭୂମିକା ରହିଛି। ବିଭିନ୍ନ ଥିମ୍‌କୁ ଆଧାର କରି ସେମାନେ ମାଟି, କାଠ, ବାଉଁଶ, କପଡ଼ା ଓ ଅନ୍ୟାନ୍ୟ ସାମଗ୍ରୀରେ ମଣ୍ଡପକୁ ନୂଆ ରୂପ ଦିଅନ୍ତି। ଦିନରାତି କାମ କରି ନିର୍ଦ୍ଧାରିତ ସମୟ ମଧ୍ୟରେ ଏହି ସାଜସଜ୍ଜା ଶେଷ କରିବାକୁ ପଡ଼େ।

ମାଟିରୁ ମା’ଙ୍କ ଅପରୂପ ପ୍ରତିମା

ଦୁର୍ଗାପୂଜା କେବଳ ଧାର୍ମିକ ଉତ୍ସବ ନୁହେଁ, ଏହା କାରିଗରଙ୍କ ଜୀବିକା ସହ ମଧ୍ୟ ଜଡ଼ିତ। ପ୍ରତିମା ନିର୍ମାତା, ଚିତ୍ରକର, ଅଳଙ୍କାର କାରିଗର ଓ ମଣ୍ଡପ ସଜାଣି ଶିଳ୍ପୀଙ୍କ ସମେତ ବହୁ ଲୋକଙ୍କୁ ଏହି ସମୟରେ କାମ ମିଳିଥାଏ। ଅନେକ ପରିବାରରେ ପିଢ଼ି ପରେ ପିଢ଼ି ଏହି ପାରମ୍ପରିକ କଳାକୁ ଆପଣାଇ ଜୀବିକା ନିର୍ବାହ କରୁଛନ୍ତି।
ଦୁର୍ଗାପୂଜାର ଭବ୍ୟତା ଓ ଆକର୍ଷଣ ପଛରେ କାରିଗରଙ୍କ ଅବଦାନ ଅତ୍ୟନ୍ତ ମହତ୍ତ୍ୱପୂର୍ଣ୍ଣ।

ନିଜର କଳା, ସୃଜନଶୀଳତା ଓ ଅକ୍ଳାନ୍ତ ପରିଶ୍ରମରେ ସେମାନେ ମାଟିକୁ ମା’ଙ୍କ ପ୍ରତିମାର ରୂପ ଦିଅନ୍ତି। ତେଣୁ ଦୁର୍ଗାପୂଜାର ଉତ୍ସବ ଯେତେବେଳେ ଭକ୍ତି ଓ ଆନନ୍ଦରେ ଝଲସିଉଠେ, ସେତେବେଳେ ଏହା ପଛରେ ନିରବରେ କାମ କରୁଥିବା କାରିଗରଙ୍କ ଶ୍ରମ ଓ କଳାକୁ ମଧ୍ୟ ସମ୍ମାନ ଦେବା ଆବଶ୍ୟକ।

ଜାଣନ୍ତୁ ମହିଷମର୍ଦ୍ଦିନୀ ନାମ ପଛର ପୌରାଣିକ କାହାଣୀ