1 day ago
4
ARTICLE AD BOX
ଭୁବନେଶ୍ବର:ସମ୍ବଲପୁରଜିଲ୍ଲା ରେଙ୍ଗାଲି ବ୍ଳକ ଅଧୀନ ଲଇଡା ଠାରେ ଥିବା ଦୂତିକା ସାହୁ ମହାବିଦ୍ୟାଳୟର ପୂର୍ବତନ ଭାରପ୍ରାପ୍ତ ପ୍ରଧାନଶିକ୍ଷକ ତଥା ବର୍ତ୍ତମାନର ରାଜନୀତି ବିଜ୍ଞାନର ଅଧ୍ୟାପକ ଡ ବସନ୍ତ କୁମାର ନାୟକଙ୍କୁ ରାଜ୍ୟ ଦୁର୍ନୀତି ନିବାରଣ ବିଭାଗ (ଭିଜିଲାନ୍ସ) ଗିରଫ କରିଛି। ରାଜକୋଷର ପ୍ରାୟ ୭୪ଲକ୍ଷ ଟଙ୍କା ହେରଫେର ଅଭିଯୋଗରେ ଭିଜିଲାନ୍ସ ବିଭାଗ ଏହି ପଦକ୍ଷେପ ନେଇଛି।
ପ୍ରାପ୍ତ ସୂଚନାନୁସାରେ, ୨୦୧୯-୨୦ ରୁ ୨୦୨୪-୨୫ ଡ ନାୟକ କଲେଜର ଭାରପ୍ରାପ୍ତ ଅଧ୍ୟକ୍ଷ ଭାବେ ଦାୟିତ୍ବ ତୁଲାଉଥିଲେ। ଏହି ସମୟରେ ମହାବିଦ୍ୟାଳୟର ଭିତ୍ତିଭୂମିର ବିକାଶ ଓ ନୂତନ ଶ୍ରେଣୀଗୃହ ନିର୍ମାଣ ଆଦି ନିମନ୍ତେ ଆସିଥିବା ଅନୁଦାନରୁ ୭୩ଲକ୍ଷ ୪୪ ହଜାର ୯୫୦ ଟଙ୍କା ହେରଫେର କରିଥିଲେ।
/filters:format(webp)/sambad/media/media_files/2026/08/26/ex-principal-rengali-vigilance-2026-08-26-17-39-58.jpeg)
ଅଭିଯୁକ୍ତ ପୂର୍ବତନ ଭାରପ୍ରାପ୍ତ ଅଧ୍ୟକ୍ଷ ଡ ନାୟକଏହି ହେରଫେର ନିମନ୍ତେ ସେ ମିଥ୍ୟାବିଲ୍ ଓ ଅନୁଦାନ ବାବଦକୁ ମିଳିଥିବା ଆନୁଷ୍ଠାନିକ ସାମଗ୍ରୀର ଅଗ୍ରାହ୍ୟ କରିବା ଏବଂ ଅଟୋମେସନ୍ ଓ ସଫ୍ଟୱେୟାର୍ କାର୍ଯ୍ୟନ୍ବୟନର ଡଜିଟାଲ୍ ମ୍ୟାନେଜ୍ମେଣ୍ଟ୍କୁ ଆଢ଼ୁଆଳ କରିଥିଲେ। ଏନେଇ ଅଭିଯୋଗ ହେବା ପରେ ସମ୍ବଲପୁର ଭିଜିଲାନ୍ସ ଦୁର୍ନୀତି ନିବାରଣ ଆଇନର ଧାରା ୧୩(୨) ସହ ୧୩(୧)(କ) ବିଏନ୍ଏସ୍ର ଧାରା ୩୧୬(୫)/୬୧(୨) ଧାରାରେ ମାମଳା ରୁଜୁ କରି ତଦନ୍ତ ଆରମ୍ଭ କରିଥିଲା। ତଦନ୍ତରେ ହେରଫେରର ପ୍ରମାଣ ମିଳିବା ପରେ ଆଜି (ବୁଧବାର) ଭିଜିଲାନ୍ସ ଟିମ୍ ଡ ନାୟକଙ୍କୁ ଗିରଫ କରି ସ୍ବତନ୍ତ୍ର ଭିଜିଲାନ୍ସ କୋର୍ଟରେ ହାଜର କରାଇଛି।
vigilance Case ୨୧ ଲକ୍ଷ ଟଙ୍କା ହଡ଼ପ କରି ପୂର୍ବତନ ସେବା ସମବାୟ ସମିତି ସମ୍ପାଦକ ଗିରଫ
ଏହି ମାମଲାରେ ତଦନ୍ତ ଜାରି ରହିଛି। ଦୁର୍ନୀତିର ଅନ୍ୟ ପ୍ରସଙ୍ଗ ଓ ଦିଗଗୁଡ଼ିକୁ ମଧ୍ୟ ତନ୍ନତନ୍ନ କରି ଯାଞ୍ଚ କରାଯାଉଛି ବୋଲି ବିଭାଗ ପକ୍ଷରୁ ସ୍ପଷ୍ଟ କରାଯାଇଛି।
