2 days ago
3
ARTICLE AD BOX
ଚିକିତ୍ସାଳୟ ହେଉଛି ଏକ ଏପରି ସ୍ଥାନ, ଯେଉଁଠାରେ ରୋଗୀଙ୍କ ଚିକିତ୍ସା ସହିତ ପରିବେଶ ସ୍ୱଚ୍ଛ, ସୁରକ୍ଷିତ ଓ ସୁସ୍ଥ ରଖିବା ଅତ୍ୟନ୍ତ ଜରୁରି। ଚିକିତ୍ସାଳୟର ଭିତର ଓ ବାହାର ସଫାସୁତରା, ବର୍ଜ୍ୟବସ୍ତୁର ଠିକ୍ ପରିଚାଳନା, ପରିଷ୍କାର ପାଣି, ଭଲ ବାୟୁ ଚଳାଚଳ ଏବଂ ସବୁଜ ପରିବେଶ ରୋଗୀ ଓ କର୍ମଚାରୀଙ୍କ ସୁରକ୍ଷା ଓ ସୁସ୍ଥତା ପାଇଁ ମହତ୍ତ୍ୱପୂର୍ଣ୍ଣ। ଏକ ସ୍ୱଚ୍ଛ ଓ ସୁନ୍ଦର ଚିକିତ୍ସାଳୟ ପରିବେଶ ରୋଗୀଙ୍କ ମନରେ ସକାରାତ୍ମକ ଭାବନା ସୃଷ୍ଟି କରିବା ସହିତ ସଂକ୍ରମଣର ଆଶଙ୍କାକୁ ମଧ୍ୟ କମାଇଥାଏ। ତେଣୁ ଚିକିତ୍ସାଳୟର ପରିବେଶକୁ ସ୍ୱଚ୍ଛ, ସବୁଜ, ସୁସ୍ଥ ଓ ରୋଗୀ-ଅନୁକୂଳ ରଖିବା ପାଇଁ ସମସ୍ତଙ୍କର ସଚେତନ ଓ ଦାୟିତ୍ୱଶୀଳ ଭୂମିକା ଆବଶ୍ୟକ।
CJP: ସେପ୍ଟେମ୍ବର ୫ରେ ସିଜେପିର ପଦଯାତ୍ରା ଘୋଷଣା ସରକାର ପ୍ରତିଶ୍ରୁତି ପୂରଣ କରି ନ ଥିବା ଅଭିଯୋଗ
l ଚିକିତ୍ସାଳୟର ୱାର୍ଡ, ଅପରେସନ୍ ଥିଏଟର୍, ଲାବୋରେଟୋରି, କରିଡର ଓ ଅନ୍ୟାନ୍ୟ ସ୍ଥାନକୁ ନିୟମିତ ସଫା କରିବା ଆବଶ୍ୟକ। ଏହାଦ୍ୱାରା ଧୂଳି, ମଇଳା ଓ ରୋଗ ସୃଷ୍ଟିକାରୀ ଜୀବାଣୁର ପ୍ରସାର କମିଥାଏ।
l ଦ୍ୱାରର ହ୍ୟାଣ୍ଡଲ୍, ଲାଇଟ୍ ସ୍ୱିଚ୍, ଟେବୁଲ୍, ବେଡ୍ ରେଲିଂ ଓ ଅନ୍ୟାନ୍ୟ ସ୍ପର୍ଶ ହେଉଥିବା ସ୍ଥାନରେ ଜୀବାଣୁ ରହିପାରେ। ତେଣୁ ଉପଯୁକ୍ତ ଜୀବାଣୁନାଶକ ବ୍ୟବହାର କରି ଏଗୁଡ଼ିକୁ ନିୟମିତ ପରିଷ୍କାର କରିବା ଦରକାର।
l ବ୍ୟବହୃତ ସିରିଞ୍ଜ, ଗଜ, ବ୍ୟାଣ୍ଡେଜ୍, ରକ୍ତ ଲାଗିଥିବା ସାମଗ୍ରୀ ଓ ଅନ୍ୟାନ୍ୟ ମେଡିକାଲ୍ ବର୍ଜ୍ୟକୁ ସାଧାରଣ ଅଳିଆ ସହିତ ମିଶାଇବା ଉଚିତ ନୁହେଁ। ବର୍ଜ୍ୟକୁ ନିର୍ଦ୍ଦିଷ୍ଟ ନିୟମ ଓ ରଙ୍ଗ-କୋଡ୍ ଅନୁସାରେ ଅଲଗା କରି ସୁରକ୍ଷିତ ଭାବରେ ନିଷ୍କାସନ କରିବା ଆବଶ୍ୟକ।
l ଚିକିତ୍ସାଳୟର ବିଭିନ୍ନ ସ୍ଥାନରେ ଉପଯୁକ୍ତ ଡଷ୍ଟବିନ୍ ରଖିବା ଦରକାର। ଡଷ୍ଟବିନ୍ରେ ଅଳିଆ ଭରିଯିବା ପୂର୍ବରୁ ତାହାକୁ ଖାଲି କରି ସଫା କରିବା ଉଚିତ। ଏହା ଦୁର୍ଗନ୍ଧ, କୀଟପତଙ୍ଗ ଓ ସଂକ୍ରମଣକୁ କମାଇଥାଏ।
l ଚିକିତ୍ସାଳୟର କକ୍ଷଗୁଡ଼ିକରେ ଭଲ ବାୟୁ ଚଳାଚଳ ରହିବା ଆବଶ୍ୟକ। ଭେଣ୍ଟିଲେସନ୍ ସିଷ୍ଟମ୍ ଓ ଏୟାର୍-କଣ୍ଡିସନିଂ ବ୍ୟବସ୍ଥାକୁ ଠିକ୍ ଭାବରେ ରକ୍ଷଣାବେକ୍ଷଣ କଲେ ବାୟୁର ଗୁଣବତ୍ତା ଭଲ ରହିଥାଏ।
l ସଫେଇ କର୍ମଚାରୀମାନେ କାମ କରିବା ସମୟରେ ମାସ୍କ, ଏପ୍ରନ୍ ଓ ଆବଶ୍ୟକ ବ୍ୟକ୍ତିଗତ ସୁରକ୍ଷା ସାମଗ୍ରୀ ବ୍ୟବହାର କରିବା ଉଚିତ। କାମ ଶେଷରେ ଭଲଭାବରେ ହାତ ଧୋଇବା ମଧ୍ୟ ଅତ୍ୟନ୍ତ ଜରୁରି।
l ଚିକିତ୍ସାଳୟର ଶୌଚାଳୟକୁ ନିୟମିତ ଭାବରେ ସଫା ଓ ଜୀବାଣୁମୁକ୍ତ କରିବା ଦରକାର। ସ୍ୱଚ୍ଛ ପାଣି, ସାବୁନ୍ ଓ ହାତ ସଫା କରିବାର ସୁବିଧା ଉପଲବ୍ଧ ରହିବା ଉଚିତ।
Horoscope 2026 August 25: ଜାଣନ୍ତୁ ଆଜିର ରାଶିଫଳ...
l ଚିକିତ୍ସାଳୟରୁ ବାହାରୁଥିବା ମଇଳା ପାଣି ଓ ତରଳ ବର୍ଜ୍ୟକୁ ସିଧାସଳଖ ପରିବେଶରେ ଛାଡ଼ିବା ଉଚିତ ନୁହେଁ। ଉପଯୁକ୍ତ ବର୍ଜ୍ୟ ପରିଚାଳନା ଓ ଟ୍ରିଟ୍ମେଣ୍ଟ ବ୍ୟବସ୍ଥା ମାଧ୍ୟମରେ ଏହାକୁ ସୁରକ୍ଷିତ ଭାବରେ ପରିଚାଳନା କରିବା ଦରକାର।
l ଚିକିତ୍ସାଳୟରେ ଏକବାର ବ୍ୟବହୃତ ପ୍ଲାଷ୍ଟିକ୍ର ଅନାବଶ୍ୟକ ବ୍ୟବହାର କମାଇବା ଉଚିତ। ପୁନଃବ୍ୟବହାରଯୋଗ୍ୟ ସାମଗ୍ରୀ ଥିଲେ ନିର୍ଦ୍ଦିଷ୍ଟ ସୁରକ୍ଷା ନିୟମ ଅନୁସାରେ ବ୍ୟବହାର କରିବା ଦରକାର।
l ହସ୍ପିଟାଲର ପରିବେଶକୁ ସୁନ୍ଦର, ସ୍ୱଚ୍ଛ ଓ ସବୁଜ ରଖିବା ପାଇଁ ଇଣ୍ଡୋର ପ୍ଲାଣ୍ଟ୍ ଲଗାଇବା ଉଚିତ। ଏହା ହସ୍ପିଟାଲର ପରିବେଶକୁ ଆକର୍ଷଣୀୟ ଓ ସତେଜ କରିବା ସହିତ ରୋଗୀ ଓ ଅନ୍ୟମାନଙ୍କୁ ଏକ ସୁଖଦ ଅନୁଭୂତି ଦେଇଥାଏ।
