1 day ago
5
ARTICLE AD BOX
ଦଶପଲ୍ଲା (ପ୍ରଫୁଲ୍ଲ ପଣ୍ଡା): ବିଶୁଦ୍ଧ ପାଣି କଥା ଦୂରରେ ଥାଉ, ଶୋଷ ମେଣ୍ଟାଇବାର ଶେଷ ଭରସା ଚୁଆ ଓ ନାଳପାଣି। କାଦୁଅ, ଜଙ୍ଗଲିଆ ପଥ ସେମାନଙ୍କ ଯାତାୟାତର ମାଧ୍ୟମ। ମୋବାଇଲ୍ ଓ ବିଦ୍ୟୁତ୍ ସେବା କ’ଣ ଜାଣନ୍ତି ନାହିଁ। ପାଠ ପଢ଼ିବାକୁ ଇଚ୍ଛା ରଖିଥିବା ପିଲା ମାଟ୍ରିକ୍ ପରୀକ୍ଷା ଦେବାକୁ ୫୦ରୁ ୬୦ କିଲୋମିଟର ଯିବାକୁ ବାଧ୍ୟ ହୋଇଥାନ୍ତି। ସ୍ବାଧୀନତାର ୭ ଦଶନ୍ଧି ପରେ ବି ସେମାନେ ପ୍ରକୃତ ସ୍ବାଧୀନତାର ସ୍ବାଦ କ’ଣ ଚାଖି ନାହାନ୍ତି। ଗୋଟିଏ ଜିଲ୍ଲାରେ ରହୁଥିଲେ ମଧ୍ୟ ଅନ୍ୟ ଜିଲ୍ଲା ଉପରେ ନିର୍ଭର କରି ଚଳନ୍ତି। ଏପରି ଦୟନୀୟ ଜୀବନଯାପନ କରୁଛନ୍ତି ଦଶପଲ୍ଲା ବ୍ଲକର ସୀମାନ୍ତ ନୂଆଗାଁ, କଳସାଖମଣ, ଚଡ଼େୟାପଲ୍ଲୀ ଓ କୁଜାମେଣ୍ଢି ପଞ୍ଚାୟତବାସୀ। ବର୍ଷବର୍ଷ ଧରି ସେମାନେ ପଡ଼ୋଶୀ କନ୍ଧମାଳ ଓ ବୌଦ୍ଧ ଜିଲ୍ଲା ଉପରେ ନିର୍ଭର କରନ୍ତି। ଏସବୁ ପଞ୍ଚାୟତ ଦଶପଲ୍ଲା ବ୍ଲକଠାରୁ ପ୍ରାୟ ୫୫କିମି ଦୂରରେ।
Umar Khalid: ଜେଏନ୍ୟୁ କାନ୍ଥରେ ଉମର ଖାଲିଦଙ୍କ ସମର୍ଥନରେ ନାରା
ପ୍ରାଥମିକ ବିଦ୍ୟାଳୟଗୁଡ଼ିକରେ ଆବଶ୍ୟକ ଶିକ୍ଷକ ନାହାନ୍ତି। ସ୍ବାସ୍ଥ୍ୟସେବା ଅତ୍ୟନ୍ତ ଶୋଚନୀୟ। ନୂଆଗାଁ ଓ କଳସାଖମଣ ପଞ୍ଚାୟତବାସୀଙ୍କ ପାଇଁ ନୂଆଗାଁଠାରେ ଏକ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ରହିଛି। ମାତ୍ର ସ୍ଥାନୀୟ ଅଧିବାସୀଙ୍କ କହିବା ଅନୁଯାୟୀ, ଏଠାରେ ଡାକ୍ତର ନିଯୁକ୍ତି ପାଇଁ ବର୍ଷବର୍ଷ ଧରି ସଂଘର୍ଷ କରିବାକୁ ପଡୁଛି। ଯେତେବେଳେ ବି ଡାକ୍ତର ନିଯୁକ୍ତ ହେଉଛନ୍ତି, ରାତାରାତି ସେମାନେ ବଦଳି ହୋଇ ଚାଲି ଯାଉଛନ୍ତି। ନୂଆଗାଁ ପଞ୍ଚାୟତ ଉପରେ ନଜର ପକାଇଲେ ଏହି ପଞ୍ଚାୟତର ୧୨ଟି ୱାର୍ଡରେ ପ୍ରାୟ ୩ ହଜାରରୁ ଅଧିକ ଭୋଟର ରହିଛନ୍ତି। ସେହିଭଳି କଳସାଖମଣ ପଞ୍ଚାୟତର ୧୧ଟି ୱାର୍ଡରେ ପ୍ରାୟ ୨ ହଜାରରୁ ଅଧିକ ଭୋଟର୍ ଥିବା ପଞ୍ଚାୟତର ସରପଞ୍ଚ ରଶ୍ମିତା ମଲିକ କହିଛନ୍ତି। ଜରୁରି ସମୟରେ ସ୍ବାସ୍ଥ୍ୟକେନ୍ଦ୍ରକୁ ଗଲେ ଡାକ୍ତର ନାହାନ୍ତି। ଯୋଗାଯୋଗ ପାଇଁ କୌଣସି ମାଧ୍ୟମ ବି ନାହିଁ। ଏପଟେ ଦଶପଲ୍ଲାଠାରୁ କନ୍ଧମାଳର ଦୂରତା କମ୍ ରହୁଥିବାରୁ ବାଧ୍ୟହୋଇ ରୋଗୀଙ୍କୁ ଚକାପାଦ କିମ୍ବା ଫୁଲବାଣୀ ସ୍ବାସ୍ଥ୍ୟକେନ୍ଦ୍ରକୁ ନେବାକୁ ପଡୁଛି।
S Jaishankar: ଆତଙ୍କବାଦକୁ ରାଷ୍ଟ୍ରନୀତିର ଅସ୍ତ୍ର କରିବା ଗ୍ରହଣୀୟ ନୁହେଁ: ଜୟଶଙ୍କର
ସେହିଭଳି ଚକାପାଦରୁ ମଧ୍ୟ ଜରୁରି ସମୟରେ ଆମ୍ବୁଲାନ୍ସ ଓ ଦମକଳ ବାହିନୀ ଆସି ସହାୟତା ଯୋଗାଇଥାଏ। ନୟାଗଡ଼ ଜିଲ୍ଲାରେ ବସବାସ କରୁଥିଲେ ମଧ୍ୟ ଜିଲ୍ଲା ଓ ବ୍ଲକ ପ୍ରଶାସନ ଏସବୁ ମୌଳିକ ସୁବିଧା ଯୋଗାଇବାରେ ବିଫଳ। ବାଧ୍ୟହୋଇ ପଡ଼ୋଶୀ ଜିଲ୍ଲା ଉପରେ ନିର୍ଭର କରିବାକୁ ପଡୁଥିବା ପଞ୍ଚାୟତବାସୀ କହିଛନ୍ତି। ଏପଟେ ବିଡିଓ ଶରତ କୁମାର ମଲିକଙ୍କ କହିବା ଅନୁଯାୟୀ, ବାସ୍ତବରେ ଏସବୁ ପଞ୍ଚାୟତବାସୀ ବହୁ ସମସ୍ୟା ମଧ୍ୟରେ ରହିଛନ୍ତି। ମୁଁ ଆସିବା ଦିନଠାରୁ ଏସବୁ ଅଞ୍ଚଳ ଗସ୍ତକରି ଏହାର ବିକାଶ ପ୍ରତି ଗୁରୁତ୍ବ ଦେଉଛି। ଭିବି-ଜି ରାମ ଜି ଯୋଜନାରେ ପ୍ରତ୍ୟେକ ଗାଁକୁ ଯେଭଳି ରାସ୍ତା ସହ ଆମ୍ବୁଲାନ୍ସ ଗଡ଼ି ପାରିବ ସେ ଉପରେ ଶତ ପ୍ରତିଶତ ଚେଷ୍ଟା କରାଯାଉଛି। ସେହିଭଳି ବିଭିନ୍ନ ବିଦ୍ୟାଳୟର ମରାମତି କରାଯାଉଛି। ପ୍ରାୟ ୧କୋଟି ଟଙ୍କା ବ୍ୟୟରେ ଯେଉଁସବୁ ସ୍ଥାନରେ ପାନୀୟଜଳ ସମସ୍ୟା ରହିଛି ସେଠାରେ ସୌର ପ୍ରକଳ୍ପ ନିର୍ମାଣ କରାଯିବା ଉପରେ ଗୁରୁତ୍ବ ଦିଆଯାଉଥିବା କହିଛନ୍ତି।
