18 hours ago
4
ARTICLE AD BOX
‘ସ୍ଲମ୍ଡଗ୍ ମିଲିଅନେଆର୍’ ଚଳଚ୍ଚିତ୍ର ଜରିଆରେ ଅନ୍ତର୍ଜାତୀୟ ସ୍ତରରେ ପରିଚିତି ହାସଲ କରିଥିବା ଅଭିନେତ୍ରୀ ଫ୍ରିଡା ପିଣ୍ଟୋ ଭାରତୀୟ ସିନେମାରେ ମହିଳା ଚରିତ୍ର ଚିତ୍ରଣରେ ଆସୁଥିବା ପରିବର୍ତ୍ତନକୁ ପ୍ରଶଂସା କରିଛନ୍ତି। ପୂର୍ବରୁ ମହିଳାଙ୍କୁ କେବଳ ଆଦର୍ଶବାଦୀ, ତ୍ୟାଗୀ ଓ କର୍ତ୍ତବ୍ୟନିଷ୍ଠ ଚରିତ୍ରରେ ସୀମିତ ରଖାଯାଉଥିବା ବେଳେ ଏବେ ଏହି ଧାରାରେ ପରିବର୍ତ୍ତନ ଆସିଛି। ବର୍ତ୍ତମାନ ପରଦାରେ ମହିଳାଙ୍କ ଜୀବନର ଦୁର୍ବଳତା, ଜଟିଳତା ଓ ବାସ୍ତବ ଅନୁଭୂତିକୁ ମଧ୍ୟ ଗୁରୁତ୍ୱ ଦିଆଯାଉଛି। ଏହାକୁ ନେଇ ଫ୍ରିଡା ଆନନ୍ଦ ପ୍ରକାଶ କରିଛନ୍ତି।
ଏକ ସାକ୍ଷାତ୍କାରରେ ସେ କହିଛନ୍ତି ଯେ, ସମ୍ପ୍ରତି ଭାରତୀୟ ସିନେମାରେ ଅନେକ ସକାରାତ୍ମକ ପରିବର୍ତ୍ତନ ଘଟୁଛି। ଭାରତୀୟ ଚଳଚ୍ଚିତ୍ର ଓ ଟେଲିଭିଜନ୍ରେ ମହିଳାଙ୍କ ପ୍ରତିନିଧିତ୍ୱ ଅଧିକ ବାସ୍ତବଧର୍ମୀ ହେବା ସହ ବିଭିନ୍ନ ଦିଗକୁ ନେଇ କାହାଣୀ ଗଢ଼ାଯାଉଛି। ଏହି ପରିବର୍ତ୍ତନ ସ୍ୱାଗତଯୋଗ୍ୟ ବୋଲି ସେ ମତ ଦେଇଛନ୍ତି।
National Lawn Bowls: ଜାତୀୟ ଲନ୍ବଲ୍ରେ ଓଡ଼ିଶାକୁ ୩ ସ୍ବର୍ଣ୍ଣ ସହ ୫ ପଦକ
ଫ୍ରିଡାଙ୍କ ମତରେ, ସବୁବେଳେ ନିଖୁଣ ଚରିତ୍ର ଅପେକ୍ଷା ନିଜ ଜୀବନରେ ସଂଘର୍ଷ କରୁଥିବା ଓ ଭୁଲ୍ରୁ ଶିଖୁଥିବା ଚରିତ୍ର ଅଧିକ ବାସ୍ତବ ମନେହୁଏ। ଏଭଳି ଚରିତ୍ର ସହ ଦର୍ଶକ ସହଜରେ ନିଜକୁ ଯୋଡ଼ିପାରନ୍ତି ଏବଂ ଏହା ସେମାନଙ୍କୁ ଅଧିକ ଆକର୍ଷିତ କରେ। ଏଥିସହ ଭାରତର ଯୁବପିଢ଼ିଙ୍କ ନୂଆ ଚିନ୍ତାଧାରା ଓ ସୃଜନଶୀଳତାକୁ ଆଗକୁ ବଢ଼ିବାର ସୁଯୋଗ ଦେବା ଉଚିତ ବୋଲି ସେ କହିଛନ୍ତି। ସୃଜନଶୀଳତାକୁ ଦମନ ନ କରି ନୂଆ କାହାଣୀ ଓ ଚିନ୍ତାଧାରାକୁ ପ୍ରୋତ୍ସାହନ ଦେଲେ ଭାରତୀୟ ସିନେମା ଆହୁରି ସମୃଦ୍ଧ ହୋଇପାରିବ।
Tribal worker: ରାମ୍କି କେମିକାଲ୍ କୁଣ୍ଡରେ ପଡ଼ି ଶ୍ରମିକ ରୋଗଣା; ଔଷଧ ଓ ପେଟ ଚିନ୍ତାରେ ଦୁର୍ଦ୍ଦଶା ଦୁର୍ବିଷହ
