1 day ago
5
ARTICLE AD BOX
ମୁମ୍ବାଇ (ରୁଦ୍ର ପ୍ରସାଦ ଜେନା): ନୂଆ ଭାରତର ଡିଜିଟାଲ ଭିତ୍ତିଭୂମି ନିର୍ମାଣ କରୁଛି ଜିଓ। ୨୦୧୬ ସେପ୍ଟେମ୍ବରରେ ଦେଶରେ ଚତୁର୍ଦ୍ଦଶ କମ୍ପାନି ଭାବେ ଟେଲିକମ୍ ସେବା ଆରମ୍ଭ କରିଥିବା ନୂଆ ପିଢ଼ିର କମ୍ପାନି ଜିଓ ଆସନ୍ତାମାସରେ ୧୦ ବର୍ଷ ପୂରଣ କରିବାକୁ ଯାଉଛି। ଏହି ସମୟ ମଧ୍ୟରେ ୫୨ କୋଟିରୁ ଅଧିକ ଗ୍ରାହକଙ୍କୁ ନିଜ ନେଟୱର୍କରେ ଯୋଡ଼ି ଦେଶର ସର୍ବବୃହତ୍ ଟେଲିକମ୍ ସେବା ପ୍ରଦାନକାରୀ ପାଲଟିଛି। ଗ୍ରାହକଙ୍କୁ ଟେଲିକମ୍ ସେବା ପ୍ରଦାନରେ ଜିଓ ନିଜକୁ ସୀମିତ ନରଖି ଡିଜିଟାଲ ଯୋଗାଯୋଗ ପ୍ରଯୁକ୍ତିରେ ଦେଶକୁ ଆତ୍ମନିର୍ଭରଶୀଳ କରିଛି।
୪ଜି, ୫ଜି, ବ୍ରଡବ୍ୟାଣ୍ଡ୍, ଅପେରଟିଂ ସିଷ୍ଟମ, କ୍ଲାଉଡ, ଆର୍ଟିଫିସିଆଲ ଇଣ୍ଟେଲିଜେନ୍ସ, ଇଣ୍ଟରନେଟ୍ ଅଫ୍ ଥିଙ୍ଗସ୍ (ଆଇଓଟି) ଏବଂ ଏଣ୍ଟରପ୍ରାଇଜ୍ ପ୍ଲାଟଫର୍ମ କ୍ଷେତ୍ରରେ ନୂଆ ନୂଆ ଉପକରଣ ଦେଶ ଭିତରେ ବିକାଶ ଓ ନିର୍ମାଣ କରିଛି। ଡିଜିଟାଲ ପ୍ରଯୁକ୍ତିରେ କମ୍ପାନି ୧୦୦୯ଟି ପେଟେଣ୍ଟ ନିଜ ନାମରେ କରାଇ ପାରିଛି। ଏଥିସହ କମ୍ପାନି ମୋବାଇଲ, ଜିଓ ଫାଇବର, ଜିଓ ଏୟାର ଫାଇବର ଭଳି ସେବାରେ ସୀମିତ ନ ରହି ଜିଓଟିଭି+ ଜରିଆରେ ଟେଲିଭିଜନ, ଜିଓସାୱନ ଜରିଆରେ ମ୍ୟୁଜିକ, କ୍ଲାଉଡ ସର୍ଭିସ ଜରିଆରେ ଫଟୋ ଓ ଷ୍ଟୋରେଜ୍ ସହ ଗେମିଂ ପ୍ରଦାନ କରୁଛି। ଏଥିସହ ହୋମ ସର୍ଭେଲାନ୍ସ, ଭିଡିଓ ଡୋରବେଲ୍, କନେକ୍ଟେଡ ଆପ୍ଲାଏନସେସ୍ ଏବଂ ଜିଓବ୍ରେନ୍ ଜରିଆରେ ବିଭିନ୍ନ ପ୍ରକାର ସେବାରେ କୃତ୍ରିମ ବୁଦ୍ଧିମତ୍ତା( ଏଆଇ) ଉପଯୋଗ କରୁଛି।
Reliance digital: ରିଲାଏନ୍ସ ଡିଜିଟାଲ୍ର ଡିଜିଟାଲ୍ ଇଣ୍ଡିଆ ସେଲ୍ କ୍ରେଜି ଅଫର୍
ଗତ ଆର୍ଥିକବର୍ଷରେ କମ୍ପାନି ଦେଶର ମୋଟ ଡାଟା ଟ୍ରାଫିକର ପ୍ରାୟ ୬୦ ପ୍ରତିଶତ ନିଜ ନେଟୱର୍କରେ ପ୍ରଦାନ କରିଛି। ଗତ ଚତୁର୍ଥ ତ୍ରୟମାସରେ ଦେଶରେ କମ୍ପାନିର ଗ୍ରାହକଙ୍କ ଦୈନିକ ହାରାହାରି ଡାଟା ବ୍ୟବହାର ୪୨.୩ ଜିବିରେ ପହଞ୍ଚିଛି। କମ୍ପାନିର ଡ୍ରାଫ୍ଟ ରେଡ୍ ହେରିଂ ପ୍ରସପେକ୍ଟସ୍ (ଡିଆର୍ଏଚ୍ପି) ଅନୁଯାୟୀ, ଚୀନ ବାହାରେ ଡାଟା ବ୍ୟବହାରରେ ଜିଓ ସବୁଠୁ ଆଗରେ ରହିଛି। ଏଥିସହ ଜିଓକ୍ଲାଉଡ ପିସି ଜରିଆରେ କମ୍ପାନି ଟିଭିକୁ କମ୍ପ୍ୟୁଟର, କ୍ଲାଉଡ ଷ୍ଟୋରେଜ୍ ଭଳି ସୁବିଧା ପ୍ରଦାନ କରୁଛି। ଦେଶର ଅପହଞ୍ଚ ଇଲାକାର ଲୋକଙ୍କ ନିକଟରେ ମୋବାଇଲ ସେବା ପ୍ରଦାନ ପାଇଁ ଜିଓ ସ୍ପେସ ଫାଇବର ଆଣିବାକୁ ଯାଉଛି। ସାଟେଲାଇଟ୍ ଜରିଆରେ ଏଥିରେ ଲୋକଙ୍କୁ ମୋବାଇଲ ସେବା ମିଳିବ। ୬ଜି ସେବା ବିକାଶରେ କମ୍ପାନି ଢେର୍ ଆଗକୁ ବଢ଼ିଛି। ଜିଓ ନିର୍ମିତ ୬ଜି ପ୍ରଯୁକ୍ତି ବିଶ୍ବରେ ନୂଆ ମାନଦଣ୍ଡ ହେବାର ଲକ୍ଷ୍ୟ ରଖାଯାଇଛି।
ଡିଜିଟାଲ କ୍ରାନ୍ତିରୁ ଯେଭଳି କୌଣସି ଭାରତୀୟ ବାଦ୍ ନ ପଡ଼ିବେ ସେଥି ନିମନ୍ତେ କମ୍ପାନି ୭୯୯ ଟଙ୍କିଆ ‘ଜିଓଭାରତ’ ଫୋନ୍ ବିକାଶ କରିଛି। ଏହି ଫୋନରେ ଗ୍ରାହକ ଟିଭି ଦେଖିବାଠାରୁ ଆରମ୍ଭ କରି ଜିଓପେ ଜରିଆରେ ୟୁପିଆଇ ପେମେଣ୍ଟ ସୁବିଧା ମିଳୁଛି। ଏଥିସହିତ ୨୩ଟି ଭାଷାରେ ଏଚ୍ଡି ଭଏସ୍ ସୁବିଧା ଉପଲବ୍ଧ ହେଉଛି। କଳ କାରଖାନା, କାର୍ଯ୍ୟାଳୟ, ୟୁଟିଲିଟି ସେବା ପ୍ରଦାନକାରୀ ସଂସ୍ଥାଗୁଡ଼ିକ ପାଇଁ ୫ଜି-ଇନ୍-ଏ-ବକ୍ସ ଜରିଆର ହାଇସ୍ପିଡ ନେଟୱର୍କ ସୁବିଧା ମଧ୍ୟ ଆଣିଛି। କେବଳ ଲୋକଙ୍କୁ ମୋବାଇଲ କିମ୍ବା ଡାଟା ସେବା ପ୍ରଦାନ ନୁହେଁ, କୃଷି, ଶିକ୍ଷା, ସ୍ବାସ୍ଥ୍ୟ ଆଦି କ୍ଷେତ୍ରକୁ ନୂଆ ସ୍ତରକୁ ନେବା ପାଇଁ ନୂଆ ନୂଆ ପ୍ରଯୁକ୍ତି ବିକାଶ ଦିଗରେ ଆଗକୁ ବଢ଼ୁଛି।
ପ୍ରଥମ ଦଶନ୍ଧିରେ କମ୍ପାନି ଆର୍ଥିକ କ୍ଷେତ୍ରରେ ମଧ୍ୟ ଐତିହାସିକ ସଫଳତା ହାସଲ କରିଛି। ୨୦୨୫-୨୬ ଶେଷ ସୁଦ୍ଧା କମ୍ପାନିର ରାଜସ୍ୱ ୧,୪୬,୮୮୫ କୋଟି ଏବଂ ଲାଭ ୩୦ ହଜାର କୋଟି ଟଙ୍କାରେ ପହଞ୍ଚିଛି। ଏଥିପାଇଁ ଜିଓରେ ଗୁଗଲ୍ ଓ ମେଟା ସମେତ ବିଶ୍ବର ବହୁ ପ୍ରମୁଖ ନିବେଶକ ଅର୍ଥ ଖଟାଇଛନ୍ତି। କମ୍ପାନି ଆଗାମୀ ଦିନରେ ଏହାର ଆଇପିଓ ଆଣିବାକୁ ମଧ୍ୟ ଯାଉଛି।
