43 minutes ago
1
ARTICLE AD BOX
କାଠମାଣ୍ଡୁ: ନେପାଳରେ ଆସିଥିବା ଭୟଙ୍କର ଆକସ୍ମିକ ବନ୍ୟା ଯୋଗୁଁ ମୃତ୍ୟୁସଂଖ୍ୟା ଶନିବାର ସୁଦ୍ଧା ୧,୩୪୪କୁ ବୃଦ୍ଧି ପାଇଛି। ପ୍ରଭାବିତ ଅଞ୍ଚଳରୁ ଅଧିକ ମୃତଦେହ ଉଦ୍ଧାର କରାଯାଉଥିବା ବେଳେ ହଜାର ହଜାର ଲୋକ ଏବେ ମଧ୍ୟ ନିଖୋଜ ଥିବା ନେଇ ପୁଲିସସୂଚନା ଦେଇଛି। ଉଦ୍ଧାରକାରୀ ଦଳ ପ୍ରାୟ ୪,୯୦୦ ନିଖୋଜ ଲୋକଙ୍କୁ ସନ୍ଧାନ କରିବା ପାଇଁ ନିଜର ଅଭିଯାନ ଜାରି ରଖିଛନ୍ତି। ଏପର୍ଯ୍ୟନ୍ତ ଉଦ୍ଧାର କରାଯାଇଥିବା ମୃତଦେହ ମଧ୍ୟରେ ୭୫୮ ଜଣ ବୟସ୍କ ଏବଂ ୮୫ ଜଣ ଶିଶୁ ରହିଥିବା ବେଳେ ଦୀର୍ଘ ସମୟ ଧରି ପାଣି ଓ ଆବର୍ଜନା ମଧ୍ୟରେ ବୁଡ଼ି ରହିବା ଯୋଗୁଁ ୫୦୧ଟି ମୃତଦେହର ବିଭିନ୍ନ ଅଙ୍ଗପ୍ରତ୍ୟଙ୍ଗ ନଷ୍ଟ ହୋଇଯାଇଛି।
ଆହୁରି ପଢନ୍ତୁ :One Nation One Election: ଏକ ଦେଶ ଏକ ନିର୍ବାଚନ: ବିଭିନ୍ନ ମନ୍ତ୍ରଣାଳୟକୁ ଜେପିସିର ପ୍ରଶ୍ନାବଳୀ
ଗତ ଅଗଷ୍ଟ ୨୬ ତାରିଖରେ ନେପାଳ-ତିବ୍ବତ ସୀମା ନିକଟରେ ହିମବାହ ସ୍ଖଳନ ଯୋଗୁଁ ସୃଷ୍ଟି ହୋଇଥିବା ଏହି ଆକସ୍ମିକ ବନ୍ୟା ଉତ୍ତର ଏବଂ କେନ୍ଦ୍ରୀୟ ନେପାଳର ଅନେକ ସହର ଓ ଗ୍ରାମକୁ ସମ୍ପୂର୍ଣ୍ଣ ଉଜାଡ଼ି ଦେଇଛି। ହିମାଳୟ ସୀମାନ୍ତ ଅଞ୍ଚଳରୁ ଦକ୍ଷିଣ ଆଡ଼କୁ ପ୍ରବାହିତ ଭୋଟେକୋଶୀ ନଦୀର ପ୍ରବଳ ବନ୍ୟା ଜଳରେ ଅନେକ ହଜାର ହଜାର ଘର, ଯାନବାହନ, ରାସ୍ତା ଏବଂ ବ୍ରିଜ୍ ଭାସିଯିବା ସହ ଜଳବିଦ୍ୟୁତ ପ୍ରକଳ୍ପଗୁଡ଼ିକ ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି। ଏହି ପ୍ରାକୃତିକ ବିପର୍ଯ୍ୟୟ ଯୋଗୁଁ ଚୀନ୍ ସୀମାରେ ମଧ୍ୟ ୩୦ରୁ ଅଧିକ ମୃତ୍ୟୁ ଘଟିଥିବା ବେଳେ ତିବ୍ବତରେ ୫୦୦ରୁ ଅଧିକ ଲୋକ ନିଖୋଜ ଥିବା ନେଇ ଚୀନ୍ ଗଣମାଧ୍ୟମ ରିପୋର୍ଟ କରିଛି।
ଆହୁରି ପଢନ୍ତୁ :Monthly Electricity Bill: ଆଶ୍ଚର୍ଯ୍ୟ କରିବ ଘରର ମାସିକ ବିଜୁଳି ବିଲ୍
ନେପାଳର ଚିତୱନ ଜିଲ୍ଲାରୁ ସର୍ବାଧିକ ୩୬୦ ଟି ମୃତଦେହ ଉଦ୍ଧାର କରାଯାଇଛି। ଏହା ବ୍ୟତୀତ ରସୁୱା, ନୁୱାକୋଟ, ଧାଡ଼ିଙ୍ଗ, ଗୋର୍ଖା, ତାନାହୁନ, ପୂର୍ବ ନବଲପରାସୀ ଏବଂ ପଶ୍ଚିମ ନବଲପରାସୀ ଜିଲ୍ଲାରୁ ମଧ୍ୟ ଅନେକ ମୃତଦେହ ମିଳିଛି। ଡିଏନଏ ସଂଗ୍ରହ ସହ ଆବଶ୍ୟକ ଆଇନଗତ ପ୍ରକ୍ରିୟା ଶେଷ ହେବା ପରେ ଏପର୍ଯ୍ୟନ୍ତ ୧,୦୩୦ଟି ମୃତଦେହକୁ ଅସ୍ଥାୟୀ ଭାବେ କବର ଦିଆଯାଇଛି। ନେପାଳ ସେନା ନେତୃତ୍ୱରେ ମିଳିତ ଉଦ୍ଧାରକାରୀ ଦଳ ଦ୍ୱାରା କ୍ରମାଗତ ୧୧ ଦିନ ଧରି ଏହି ସନ୍ଧାନ ଓ ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ କୋଶୀ, ନାରାୟଣୀ, ବାଗମତୀ ଏବଂ କର୍ଣ୍ଣାଲୀ ଭଳି ପ୍ରମୁଖ ନଦୀଗୁଡ଼ିକର ଜଳସ୍ତର ଉପରେ ତୀକ୍ଷ୍ଣ ନଜର ରଖାଯାଇଛି।
ଆହୁରି ପଢନ୍ତୁ :Online Fraud: ନାବାଳକର ଅନଲାଇନ୍ ଗେମିଂ, ଲୁଟିନେଲେ ୩ ଲକ୍ଷ
ସରକାରୀ ଆକଳନ ଅନୁଯାୟୀ ବର୍ତ୍ତମାନ ସୁଦ୍ଧା ପ୍ରାୟ ୪,୮୯୮ ଜଣ ଲୋକ ନିଖୋଜ ଅଛନ୍ତି। ନିଖୋଜମାନଙ୍କ ମଧ୍ୟରେ କେବଳ ରସୁୱା ଏବଂ ନୁୱାକୋଟ ଜିଲ୍ଲାରୁ ୬୦୦ରୁ ଅଧିକ ଶିଶୁ ଅଛନ୍ତି। ନେପାଳର ଜାତୀୟ ବିପର୍ଯ୍ୟୟ ପ୍ରଶମନ ଏବଂ ପରିଚାଳନା କର୍ତ୍ତୃପକ୍ଷଙ୍କ ସୂଚନା ଅନୁଯାୟୀ ଏପର୍ଯ୍ୟନ୍ତ ୧୩,୦୦୦ରୁ ଅଧିକ ଲୋକଙ୍କୁସୁରକ୍ଷିତ ଭାବେ ଉଦ୍ଧାର କରାଯାଇଛି। ବନ୍ୟା ପ୍ରଭାବିତ ଜିଲ୍ଲାଗୁଡ଼ିକରେ ଥିବା ଜଳବିଦ୍ୟୁତ ପ୍ରକଳ୍ପଗୁଡ଼ିକରେ ବଡ଼ ଧରଣର ଉଦ୍ଧାର କାର୍ଯ୍ୟ ଚାଲିଛି, ଯେଉଁଠାରେ ଶତାଧିକ ଶ୍ରମିକ ସୁଡ଼ଙ୍ଗ ମଧ୍ୟରେ ଫସି ରହିଥିବା ଆଶଙ୍କା କରାଯାଉଛି।
ଆହୁରି ପଢନ୍ତୁ :China: ପ୍ରଥମ ଥର ବନ୍ୟା ମୃତ୍ୟୁସଂଖ୍ୟା ଜାରି କଲା ଚୀନ୍: ୩୧ ମୃତଦେହ ଉଦ୍ଧାର, ୫୩୧ ନିଖୋଜ
ଅନ୍ୟପକ୍ଷରେ, ବନ୍ୟା ଦ୍ୱାରା ସବୁଠାରୁ ଅଧିକ ପ୍ରଭାବିତ ହୋଇଥିବା ରସୁୱା ଜିଲ୍ଲାର ଚିଲିମେ ସୁଡ଼ଙ୍ଗ ମଧ୍ୟରେ ନେପାଳ ସେନା ସହିତ ମିଳିତ ଭାବେ ଏକ ଭାରତୀୟ ସୁଡ଼ଙ୍ଗ ଉଦ୍ଧାରକାରୀ ଦଳ କାର୍ଯ୍ୟ କରୁଛନ୍ତି। ଉଦ୍ଧାରକାରୀ ଦଳ ଶନିବାର ସୁଡ଼ଙ୍ଗ ଭିତରେ ଏକ ଅସ୍ଥାୟୀ ଟ୍ରାକ୍ ନିର୍ମାଣ କରିବାରେ ସଫଳ ହୋଇଛନ୍ତି, ଯାହାଦ୍ୱାରା ପ୍ରଭାବିତ ଅଂଚଳକୁ ଅଧିକ ଭାରୀ ଯନ୍ତ୍ରପାତି ଓ ସାମଗ୍ରୀ ପଠାଯାଇପାରିବ।
