1 week ago
4
ARTICLE AD BOX
ନୂଆଦିଲ୍ଲୀ: ଅମୃତଭଣ୍ଡା ଖାଇ ମଞ୍ଜିକୁ ଫୋପାଡ଼ି ଦେଉଛନ୍ତି କି? ତାହା ହେଲେ ଟିକେ ରୁହନ୍ତୁ! ଯାହାକୁ ଆପଣ ଅଦରକାରୀ ଭାବି ଡଷ୍ଟବିନ୍ରେ ଫିଙ୍ଗି ଦେଉଛନ୍ତି, ତାହାରେ ରହିଛି ଅନେକ ପୋଷକ ତତ୍ତ୍ୱ। ଛୋଟ ଛୋଟ କଳା ମଞ୍ଜିରେ ରହିଛି ଫାଇବର୍ ଓ ଆଣ୍ଟିଅକ୍ସିଡାଣ୍ଟ୍ ଭଳି ଉପାଦାନ। ହେଲେ କେମିତି ଖାଇବେ ଏହି ମଞ୍ଜି? ଆଉ କେତେ ପରିମାଣରେ ଖାଇବା ଉଚିତ୍? ଆସନ୍ତୁ ଜାଣିବା। ଅମୃତଭଣ୍ଡା ମଞ୍ଜିରେ ଥିବା ଫାଇବର୍ ହଜମ ପ୍ରକ୍ରିୟାକୁ ସହାୟତା କରିପାରେ। ଏହା ସହ ଏଥିରେ ଥିବା ଆଣ୍ଟିଅକ୍ସିଡାଣ୍ଟ୍ ଶରୀରର କୋଷଗୁଡ଼ିକୁ ଅକ୍ସିଡେଟିଭ୍ କ୍ଷତିରୁ ସୁରକ୍ଷା ଦେବାରେ ସହାୟକ ହୋଇପାରେ। ତେବେ ଅମୃତଭଣ୍ଡା ମଞ୍ଜି ଖାଇଲେ ଲିଭର୍ ଓ କିଡ୍ନିର ସବୁ ରୋଗ ଭଲ ହୋଇଯାଏ କିମ୍ବା ଶରୀରରୁ ବିଷାକ୍ତ ପଦାର୍ଥ ବାହାରିଯାଏ, ଏହାର ଯଥେଷ୍ଟ ବୈଜ୍ଞାନିକ ପ୍ରମାଣ ନାହିଁ।
Guava Seeds: ପିଜୁଳି ମଞ୍ଜି ଖାଇଲେ ହୁଏ କି ପେଟ ଯନ୍ତ୍ରଣା? ପିଲାଦିନରୁ ଶୁଣିଥିବା କଥା କେତେ ସତ, ଜାଣନ୍ତୁ ସତ୍ୟ!
ଓଜନ ନିୟନ୍ତ୍ରଣ କରିବାକୁ ଚାହୁଁଥିଲେ ମଧ୍ୟ ଖାଦ୍ୟରେ ଫାଇବର୍ ଥିବା ଉପାଦାନ ସାମିଲ କରିବା ଉପକାରୀ। ତେବେ କେବଳ ଅମୃତଭଣ୍ଡା ମଞ୍ଜି ଖାଇଲେ ଓଜନ କମିବ ବୋଲି ଭାବିବା ଠିକ୍ ନୁହେଁ। ସନ୍ତୁଳିତ ଖାଦ୍ୟ ଓ ନିୟମିତ ବ୍ୟାୟାମ ମଧ୍ୟ ଜରୁରୀ। ଏହା ସହ ମଞ୍ଜିର କଟୁ ସ୍ୱାଦ ଯୋଗୁଁ ଅନେକ ଲୋକ ଏହାକୁ ଖାଇବାକୁ ପସନ୍ଦ କରନ୍ତି ନାହିଁ। ଚାହିଁଲେ ଏହାକୁ ଭଲ ଭାବେ ସଫା କରି ଶୁଖାଇ, ଅଳ୍ପ ପରିମାଣରେ ଗୁଣ୍ଡ କରି ଖାଦ୍ୟରେ ମିଶାଇପାରିବେ। ହେଲେ ଏଠାରେ ରହିଛି ଏକ ଗୁରୁତ୍ୱପୂର୍ଣ୍ଣ କଥା। ଅମୃତଭଣ୍ଡା ମଞ୍ଜି ଖାଇବାର ନିରାପଦ ଦୈନିକ ପରିମାଣ ସମ୍ପର୍କରେ ଯଥେଷ୍ଟ ଗବେଷଣା ନାହିଁ। ତେଣୁ ଏହାକୁ ଅଧିକ ପରିମାଣରେ କିମ୍ବା ନିୟମିତ ଔଷଧ ଭାବେ ଖାଇବା ଉଚିତ୍ ନୁହେଁ। ଗର୍ଭବତୀ ମହିଳା, ଶିଶୁ ଏବଂ ଯେଉଁମାନେ ନିୟମିତ ଔଷଧ ଖାଉଛନ୍ତି, ସେମାନେ ଏହାକୁ ଖାଇବା ପୂର୍ବରୁ ଡାକ୍ତରଙ୍କ ପରାମର୍ଶ ନିଅନ୍ତୁ। ମନେରଖନ୍ତୁ, ପ୍ରାକୃତିକ ଜିନିଷ ହେଲେ ମଧ୍ୟ ସବୁବେଳେ ସମ୍ପୂର୍ଣ୍ଣ ନିରାପଦ ନୁହେଁ। ତେଣୁ ଅନ୍ୟଙ୍କ କଥା ଶୁଣି ନୁହେଁ, ନିଜ ଶରୀରର ଆବଶ୍ୟକତା ଓ ବିଶେଷଜ୍ଞଙ୍କ ପରାମର୍ଶ ଅନୁସାରେ ଖାଦ୍ୟ ଗ୍ରହଣ କରନ୍ତୁ।
