Vande Bharat Train: ବନ୍ଦେ ଭାରତ ସ୍ଲିପର ଟ୍ରେନ୍‌: ରାଜଧାନୀ ଏକ୍ସପ୍ରେସ୍‌ଠାରୁ ୨ ଘଣ୍ଟା ଶୀଘ୍ର ପହଞ୍ଚିବେ ଯାତ୍ରୀ, ଜାଣନ୍ତୁ ରୁଟ୍‌, ଷ୍ଟପେଜ୍‌ ଓ ଭଡ଼ା

6 days ago 5

ARTICLE AD BOX

ନୂଆଦିଲ୍ଲୀ: ଭାରତୀୟ ରେଳବାଇ ଦୀର୍ଘ ଦୂରତାର ରେଳଯାତ୍ରୀଙ୍କୁ ଏକ ବଡ଼ ଉପହାର ଦେବାକୁ ପ୍ରସ୍ତୁତ ହେଉଛି। ଦେଶର ସବୁଠାରୁ ବ୍ୟସ୍ତ ଏବଂ ରଣନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ନୂଆଦିଲ୍ଲୀ-ହାୱଡ଼ା ମୁଖ୍ୟ ରେଳପଥରେ (୧,୪୪୯ କିଲୋମିଟର) ଖୁବ୍‌ଶୀଘ୍ର ସେମି-ହାଇସ୍ପିଡ୍‌ ବନ୍ଦେ ଭାରତ ସ୍ଲିପର ଟ୍ରେନ୍‌ ଚଳାଚଳ ଆରମ୍ଭ ହେବାର ସମ୍ଭାବନା ରହିଛି। ରେଳବାଇ ବୋର୍ଡର ନିକଟରେ ହୋଇଥିବା ଏକ ଉଚ୍ଚସ୍ତରୀୟ ବୈଠକରେ ଏହି ବହୁ ପ୍ରତୀକ୍ଷିତ ପ୍ରସ୍ତାବକୁ ମଞ୍ଜୁରୀ ମିଳିବାର ସଙ୍କେତ ମିଳିଛି। ଏହି ଟ୍ରେନ୍‌ ଚଳାଚଳ ଆରମ୍ଭ କଲେ ଦିଲ୍ଲୀରୁ କୋଲକାତା (ହାୱଡ଼ା) ଯାତ୍ରା ପାଇଁ ରାଜଧାନୀ ଏକ୍ସପ୍ରେସ୍‌ ତୁଳନାରେ ପ୍ରାୟ ୨ ଘଣ୍ଟା ସମୟ କମ୍‌ ଲାଗିବ।

ରାଜଧାନୀ ଏକ୍ସପ୍ରେସ୍‌ଠାରୁ ମଧ୍ୟ ଦ୍ରୁତ ଗତିରେ ଚାଲିବ ବନ୍ଦେ ଭାରତ ସ୍ଲିପର ଟ୍ରେନ୍‌

ପ୍ରସ୍ତାବିତ ସମୟସାରଣୀ ଅନୁଯାୟୀ, ବନ୍ଦେ ଭାରତ ସ୍ଲିପର ଟ୍ରେନ୍‌ର ଯାତ୍ରା ସମୟ ଯାତ୍ରୀଙ୍କ ପାଇଁ ବେଶ୍‌ ସୁବିଧାଜନକ ହେବା ସହ ସମୟ ସଞ୍ଚୟ କରିବ।

ଏହି ଟ୍ରେନ୍‌ ସନ୍ଧ୍ୟା ପ୍ରାୟ ୫ଟାରେ ନୂଆଦିଲ୍ଲୀରୁ ଛାଡ଼ି ପରଦିନ ସକାଳ ୮ଟାରେ ହାୱଡ଼ାରେ ପହଞ୍ଚିବାର ସମ୍ଭାବନା ରହିଛି।
ଅର୍ଥାତ୍‌, ପ୍ରାୟ ୧୫ ଘଣ୍ଟାରେ ଟ୍ରେନ୍‌ଟି ୧,୪୪୯ କିଲୋମିଟର ଦୂରତା ଅତିକ୍ରମ କରିବ।
ବର୍ତ୍ତମାନ ହାୱଡ଼ା-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ୍‌କୁ ଏହି ଦୂରତା ଅତିକ୍ରମ କରିବା ପାଇଁ ୧୭ ଘଣ୍ଟା ୧୫ ମିନିଟ୍‌ ସମୟ ଲାଗୁଛି।
ବନ୍ଦେ ଭାରତ ସ୍ଲିପର ଟ୍ରେନ୍‌ରେ ଯାତ୍ରା କଲେ ଯାତ୍ରୀଙ୍କ ପ୍ରାୟ ୨ ଘଣ୍ଟା ସମୟ ବଞ୍ଚିବ।

ଏହି ୮ଟି ପ୍ରମୁଖ ଷ୍ଟେସନ୍‌ରେ ରହିପାରେ ଟ୍ରେନ୍‌

ଉତ୍ତରପ୍ରଦେଶ, ବିହାର ଓ ଝାଡ଼ଖଣ୍ଡ ଦେଇ ପଶ୍ଚିମବଙ୍ଗରେ ପ୍ରବେଶ କରିବାକୁ ଥିବା ଏହି ଟ୍ରେନ୍‌ ପୂର୍ବ ଭାରତର ଅନେକ ପ୍ରମୁଖ ସହରକୁ ସିଧାସଳଖ ଯୋଡ଼ିବ। ପ୍ରସ୍ତାବିତ ରୁଟ୍‌ ଅନୁଯାୟୀ, ଟ୍ରେନ୍‌ଟି ନିମ୍ନଲିଖିତ ୮ଟି ଷ୍ଟେସନ୍‌ରେ ଅଟକିପାରେ।

1. କାନପୁର ସେଣ୍ଟ୍ରାଲ୍‌ (Kanpur Central)

2. ପ୍ରୟାଗରାଜ ଜଙ୍କସନ୍‌ (Prayagraj Junction)

3. ପଣ୍ଡିତ ଦୀନଦୟାଲ ଉପାଧ୍ୟାୟ ଜଙ୍କସନ୍‌ (DDU)

4. ଗୟା (Gaya)

5. କୋଡର୍ମା (Koderma)

6. ପାରସନାଥ (Parasnath)

7. ଧାନବାଦ (Dhanbad)

8. ଆସାନସୋଲ (Asansol)

ତେବେ ଏହି ଷ୍ଟେସନ୍‌ଗୁଡ଼ିକରେ ଟ୍ରେନ୍‌ ରହଣି ନେଇ ଚୂଡ଼ାନ୍ତ ଘୋଷଣା ହେବା ବାକି ରହିଛି।

ବନ୍ଦେ ଭାରତ ସ୍ଲିପର ଟ୍ରେନ୍‌ର ସମ୍ଭାବ୍ୟ ଭଡ଼ା କେତେ?

ରେଳବାଇ ବୋର୍ଡ ପକ୍ଷରୁ ବନ୍ଦେ ଭାରତ ସ୍ଲିପର ଟ୍ରେନ୍‌ର ଭଡ଼ା ଏପର୍ଯ୍ୟନ୍ତ ଅଧିକାରିକ ଭାବେ ଘୋଷଣା କରାଯାଇନାହିଁ। ତେବେ ଆକଳନ ଅନୁଯାୟୀ, ନୂଆଦିଲ୍ଲୀରୁ ହାୱଡ଼ା ମଧ୍ୟରେ ଟିକେଟ୍‌ ଭଡ଼ା ୩,୦୦୦ ଟଙ୍କାରୁ ୫,୧୦୦ ଟଙ୍କା ମଧ୍ୟରେ ରହିପାରେ।