2 weeks ago
4
ARTICLE AD BOX
ମୁମ୍ବାଇ: ବଲିଉଡ୍ର ବରିଷ୍ଠ ଅଭିନେତା ନାନା ପାଟେକରଙ୍କର ୭୫ ବର୍ଷ ବୟସରେ ଅକ୍ଟୋବର ୮ ତାରିଖରେ ପରାଲୋକ ହୋଇଛି। ଗୁରୁବାର ସକାଳେ ଏହି ଖବର ଆସିବା ପରେ ବଲିଉଡ୍ରେ ଶୋକର ଛାୟା ଖେଳିଯାଇଛି। ତାଙ୍କ ମୃତ୍ୟୁ ଖବର ପାଇବା ପରେ ଲୋକପ୍ରିୟ ସିନେମା ନିର୍ଦ୍ଦେଶକ ଅନୀସ ବଜ୍ମୀ ମଧ୍ୟ ଗଭୀର ଭାବେ ଭାଙ୍ଗିପଡ଼ିଛନ୍ତି। ଅନୀସ ବଜ୍ମୀଙ୍କ ନିର୍ଦ୍ଦେଶିତ ‘ୱେଲକମ୍’ ଓ ‘ୱେଲକମ୍ ବ୍ୟାକ୍’ ଫିଲ୍ମରେ ନାନା ପାଟେକର ‘ଉଦୟ ଶେଟ୍ଟୀ’ ଭୂମିକାରେ ଅଭିନୟ କରିଥିଲେ।
ନାନାଙ୍କ ମୃତ୍ୟୁ ପରେ ଅନୀସ ବଜ୍ମୀଙ୍କ ସ୍ବାସ୍ଥ୍ୟାବସ୍ଥା ବିଗିଡ଼ି ଯାଇଛି। ସେ ସୋସିଆଲ ମିଡିଆରେ ପୋଷ୍ଟ କରି କହିଛନ୍ତି ଯେ, ଏହି ସମୟରେ ସେ କାହା ସହ କଥା ହେବାର ସ୍ଥିତିରେ ନାହାନ୍ତି।
‘ମୁଁ କଥା ହେବାର ସ୍ଥିତିରେ ନାହିଁ’
ନାନା ପାଟେକରଙ୍କ ମୃତ୍ୟୁ ଖବର ପାଇବା ପରେ ଅନୀସ ବଜ୍ମୀ ଇନ୍ଷ୍ଟାଗ୍ରାମ୍ରେ ତାଙ୍କ ସହ ଏକ ଫଟୋ ସେୟାର କରି ଲେଖିଛନ୍ତି—‘ଗଭୀର ଭାବେ ମର୍ମାହତ... ଅସହ୍ୟ ଯନ୍ତ୍ରଣା... ଏହା ଏକ ଅପୂରଣୀୟ କ୍ଷତି। ଏହି ସମୟରେ ମୁଁ କଥା ହେବାର ସ୍ଥିତିରେ ନାହିଁ। ମୁଁ ଗଭୀର ଭାବେ ମର୍ମାହତ ଏବଂ ଯାହା ଘଟିଛି, ତାହାକୁ ଏପର୍ଯ୍ୟନ୍ତ ଗ୍ରହଣ କରିପାରୁନାହିଁ। ଦୟାକରି ମୋତେ କିଛି ସମୟ ଦିଅନ୍ତୁ। ସତ କହିବାକୁ ଗଲେ, ଏହି ସମୟରେ ମୋ ପାଖରେ କହିବା ପାଇଁ ନା ଶବ୍ଦ ଅଛି, ନା ସେଭଳି ମାନସିକ ସ୍ଥିତି। ଏହା ମୋ ପାଇଁ ଏବଂ ଆମ ସମସ୍ତଙ୍କ ପାଇଁ ଏକ ଅସହ୍ୟ କ୍ଷତି ଓ ଅସହ୍ୟ ଯନ୍ତ୍ରଣା। ଆପଣମାନେ ମୋ ପରିସ୍ଥିତି ବୁଝି ପାରୁଥିବେ ବୋଲି ଆଶା କରୁଛି।’
