1 month ago
10
ARTICLE AD BOX
ୱାସିଂଟନ:ନ୍ୟୁୟର୍କ ସିଟି ମେୟର ଜୋହରାନ୍ ମାମଦାନି ସ୍ପଷ୍ଟ ଭାବରେ କହିଛନ୍ତି ଯେ ଇସ୍ରାଏଲୀ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ନ୍ୟୁୟର୍କ ଗସ୍ତ କଲେ ତାଙ୍କୁ ଗିରଫ କରିବାର ଆଇନଗତ ଅଧିକାର ତାଙ୍କ ପାଖରେ ନାହିଁ। ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ପ୍ରକାଶିତ ଏକ ଭିଡିଓରେ, ମାମଦାନି ବ୍ୟାଖ୍ୟା କରିଛନ୍ତି ଯେ ତାଙ୍କ ଦଳ ନ୍ୟୁୟର୍କ ସିଟି ଅନ୍ତର୍ଜାତୀୟ ଅପରାଧ ଅଦାଲତ (ଆଇସିସି) ଦ୍ୱାରା ଜାରି ହୋଇଥିବା ଗିରଫଦାରୀ ୱାରେଣ୍ଟକୁ କାର୍ଯ୍ୟକାରୀ କରିପାରିବ କି ନାହିଁ ତାହା ତଦନ୍ତ କରିଛି। ଆଇନଗତ ମତାମତରୁ ଜଣାପଡିଛି ଯେ, ସହର ପ୍ରଶାସନର ଏପରି କରିବାର କୌଣସି ସ୍ବତନ୍ତ୍ର ଅଧିକାର ନାହିଁ। ଆମେରିକାର ସଂଘୀୟ ସରକାରଙ୍କ ପାଖରେ ଏହି ଅଧିକାର ଅଛି। ସେ ସଂଘୀୟ ସରକାରଙ୍କୁ ଆଇସିସିରେ ଯୋଗଦେଇ ନେତାନ୍ୟାହୁଙ୍କ ବିରୋଧରେ ଜାରି ହୋଇଥିବା ଗିରଫଦାରୀ ୱାରେଣ୍ଟକୁ କାର୍ଯ୍ୟକାରୀ କରିବାକୁ ଅନୁରୋଧ କରିଛନ୍ତି। ନେତାନ୍ୟାହୁଙ୍କ ସମ୍ପର୍କରେ ମାମଦାନିଙ୍କ ସଦ୍ୟତମ ମନ୍ତବ୍ୟ ତାଙ୍କ ପୂର୍ବ ବିବୃତିଠାରୁ ଭିନ୍ନ। ସେ ୟୁ-ଟର୍ଣ୍ଣ ନେଇଛନ୍ତି। ମେୟର ନିର୍ବାଚନ ପ୍ରଚାର ସମୟରେ, ସେ ନେତାନ୍ୟାହୁଙ୍କୁ ଗିରଫ କରିବାକୁ ପ୍ରତିଶ୍ରୁତି ଦେଇଥିଲେ।
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଏହି ପ୍ରସଙ୍ଗରେ ପ୍ରତିକ୍ରିୟା ଦେଇଛନ୍ତି। ସେ ତାଙ୍କ ସୋସିଆଲ ମିଡିଆ ପ୍ଲାଟଫର୍ମ, ଟ୍ରୁଥ୍ ସୋସିଆଲରେ ଲେଖିଛନ୍ତି ଯେ, ନେତାନ୍ୟାହୁଙ୍କୁ କୌଣସି ପରିସ୍ଥିତିରେ ଗିରଫ କରାଯିବ ନାହିଁ। ନେତାନ୍ୟାହୁ ଚଳିତ ବର୍ଷ ଜାତିସଂଘ ସାଧାରଣ ସଭାରେ ଯୋଗଦେବା ପାଇଁ ନ୍ୟୁୟର୍କ ଗସ୍ତ କରିବେ ବୋଲି ଆଶା କରାଯାଉଛି। ମାମଦାନି ନିଜ ଦ୍ବାରା କରାଯାଇଥିବା ରାଜନୈତିକ ତ୍ରୁଟିରୁ ଧ୍ୟାନ ହଟାଇବା ପାଇଁ ଇସ୍ରାଏଲୀ ନେତାଙ୍କୁ ଟାର୍ଗେଟ କରି ଏହି ପ୍ରସଙ୍ଗ ଉଠାଇଥିବା ଅଭିଯୋଗ ତାଙ୍କ କାର୍ଯ୍ୟାଳୟ ପକ୍ଷରୁ ଅଣାଯାଇଛି।ଜାତିସଂଘରେ ଇସ୍ରାଏଲର ରାଷ୍ଟ୍ରଦୂତ ଡାନି ଡାନନ୍ ମଧ୍ୟ ମାମଦାନିଙ୍କୁ ସମାଲୋଚନା କରି ସୋସିଆଲ ମିଡିଆ ଏକ୍ସରେ ଲେଖିଛନ୍ତି, ‘ତୁମେ ନ୍ୟୁୟର୍କର ଲୋକଙ୍କ ସେବା କରିବା ପାଇଁ ନିର୍ବାଚିତ ହୋଇଛ, ହମାସକୁ ପ୍ରୋତ୍ସାହିତ କରିବା ପାଇଁ ନୁହେଁ। ତୁମର କାମ କର।’
Tariff: ଆମେରିକା ପୁଣି ଦେଲା ବଡ଼ ଝଟକା: ଜେନେରିକ୍ ଔଷଧ ଉପରେ ୨୦୦% ପର୍ଯ୍ୟନ୍ତ ଶୁଳ୍କ ଘୋଷଣା
୨୦୨୪ ମସିହାରେ ଆଇସିସି ୭ ଅକ୍ଟୋବର ୨୦୨୩ରେ ହମାସ ଆକ୍ରମଣ ପରେ ଗାଜାରେ ଇସ୍ରାଏଲୀ ସାମରିକ କାର୍ଯ୍ୟାନୁଷ୍ଠାନ ସହିତ ଜଡିତ ଯୁଦ୍ଧ ଅପରାଧ ଅଭିଯୋଗରେ ନେତାନ୍ୟାହୁ ଏବଂ ଅନ୍ୟ ଅନେକ ଇସ୍ରାଏଲୀ ନେତାଙ୍କ ବିରୋଧରେ ଗିରଫ ପରୱାନା ଜାରି କରିଥିଲା। ତେବେ ଇସ୍ରାଏଲ ଏହି ସମସ୍ତ ଅଭିଯୋଗକୁ ଅସ୍ୱୀକାର କରିଥିଲା।
