52 minutes ago
1
ARTICLE AD BOX
ୱାଶିଂଟନ୍:ରୁଷିଆ ଜେଲରୁ ବୟସ୍କ ଆମେରିକୀୟ ନାଗରିକ ସ୍ଟିଫେନ୍ ହବାର୍ଡଙ୍କ ମୁକ୍ତି ପରେ ରୁଷ ଉପରେ କଠୋର ଆର୍ଥିକ କଟକଣା ଲଗାଇବାକୁ ଦାବି କରୁଥିବା ଆଲୋଚକମାନଙ୍କୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସମାଲୋଚନା କରିଛନ୍ତି। ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ କୂଟନୈତିକ ଆଲୋଚନା କରି ଜଣେ ଦୀର୍ଘଦିନର ବନ୍ଦୀଙ୍କୁ ମୁକ୍ତ କରାଯାଉଥିବା ସମୟରେ କଟକଣା ବୃଦ୍ଧି କରିବାର ଦାବି ସମ୍ପୂର୍ଣ୍ଣ ଅଯୌକ୍ତିକ ବୋଲି ଟ୍ରମ୍ପ କହିଛନ୍ତି।
ଶୁକ୍ରବାର ହ୍ୱାଇଟ୍ ହାଉସର ଓଭାଲ୍ ଅଫିସରେ ୭୪ ବର୍ଷୀୟ ଅବସରପ୍ରାପ୍ତ ଶିକ୍ଷକ ସ୍ଟିଫେନ୍ ହବାର୍ଡଙ୍କୁ ସାକ୍ଷାତ କରିବା ପରେ ଟ୍ରମ୍ପ ସାମ୍ବାଦିକମାନଙ୍କୁ ଏହି ସୂଚନା ଦେଇଛନ୍ତି। ୟୁକ୍ରେନ୍ ପକ୍ଷରୁ ସୈନ୍ୟ ଭାବେ ଲଢ଼ୁଥିବା ଅଭିଯୋଗରେ ହବାର୍ଡ ଗତ ୪ ବର୍ଷରୁ ଊର୍ଦ୍ଧ୍ୱ ସମୟ ରୁଷ ଜେଲରେ ବନ୍ଦୀ ଥିଲେ।
ପ୍ରତିବନ୍ଧକ ହଟାଇବା ପାଇଁ ବିଚାର
ସେଣ୍ଟ ପିଟର୍ସବର୍ଗଠାରେ ଆମେରିକାର ସ୍ୱତନ୍ତ୍ର ଦୂତ ସ୍ଟିଭ୍ ୱିଟକଫ୍ ଏବଂ ରୁଷ ରାଷ୍ଟ୍ରପତି ପୁଟିନଙ୍କ ମଧ୍ୟରେ ଅନୁଷ୍ଠିତ ବୈଠକ ପରେ ହବାର୍ଡଙ୍କୁ ମୁକ୍ତ କରାଯାଇ ଆମେରିକା ପଠାଯାଇଥିଲା। ସାକ୍ଷାତକାର ସମୟରେ ଟ୍ରମ୍ପ କହିଛନ୍ତି ଯେ, ଯଦି ମୁଁ ଗୋଟିଏ ପଟେ ବନ୍ଦୀଙ୍କୁ ଛାଡ଼ିବା ପାଇଁ କଥାବାର୍ତ୍ତା ଚଳାଇଥାନ୍ତି ଏବଂ ଅନ୍ୟପଟେ କଟକଣା ଲଗାଇଥାନ୍ତି, ତେବେ ହବାର୍ଡ କେବେବି ସୁରକ୍ଷିତ ଫେରିପାରି ନଥାନ୍ତେ। ଏହି ମୁକ୍ତି ପଛରେ କୌଣସି "ବନ୍ଦୀ ବିନିମୟ" ହୋଇନଥିବା ଟ୍ରମ୍ପ ସ୍ପଷ୍ଟ କରିଛନ୍ତି। ଅନ୍ୟପକ୍ଷରେ, ଟ୍ରମ୍ପ ପ୍ରଶାସନ ରୁଷର ସରକାରୀ ନିବେଶ ପାଣ୍ଠି ଉପରୁ ପ୍ରତିବନ୍ଧକ ହଟାଇବା ପାଇଁ ବିଚାର କରୁଥିବା ନେଇ ରିପୋର୍ଟରୁ ଜଣାପଡ଼ିଛି।
Sahara Conflict: ପଶ୍ଚିମ ସାହାରା ପ୍ରସଙ୍ଗରେ ଜାତିସଂଘ ସୁରକ୍ଷା ପରିଷଦରେ ଆମେରିକା-ରୁଷ ମୁହାଁମୁହିଁ
