1 week ago
4
ARTICLE AD BOX
ସାକ୍ଷୀଗୋପାଳ: ଗତ ଗୋପବନ୍ଧୁ ଜୟନ୍ତୀ ସଭାରେ ପଞ୍ଚାୟତ ସମିତି ଅଧ୍ୟକ୍ଷଙ୍କ ଭାଷଣକୁ ନେଇ ଆରମ୍ଭ ହୋଇଥିବା ରାଜନୈତିକ ବିବାଦ ଆଜି ହିଂସାକାଣ୍ଡର ରୂପ ନେଇଛି। ଆଜି ଶତାଧିକ ବିଜେପି କର୍ମୀ ସମିତି ଅଧ୍ୟକ୍ଷ ସୁନୀଲ କୁମାର ପଣ୍ଡାଙ୍କ କାର୍ଯ୍ୟାଳୟରେ ପଶି ବ୍ୟାପକ ଭଙ୍ଗାରୁଜା କରିବା ସହ ବହୁ ମୂଲ୍ୟବାନ ସାମଗ୍ରୀ ଲୁଟି ନେଇଥିବା ଅଭିଯୋଗ ହୋଇଛି। କମ୍ପ୍ୟୁଟର, ଲାପଟପ୍, ଟିଭି, ପ୍ରିଣ୍ଟର ଓ ସିସିଟିଭି ହାର୍ଡଡିସ୍କ ଆଦି ସାମଗ୍ରୀକୁ ଭାଙ୍ଗିରୁଜି ଦିଆଯାଇଥିବା ଜଣାପଡ଼ିଛି। ଏପରିକି ସରକାରୀ କାଗଜପତ୍ରକୁ ଫିଙ୍ଗାଫୋପଡ଼ା କରାଯାଇଛି। ଏପରିକି ଅଧ୍ୟକ୍ଷଙ୍କ କାର୍ଯ୍ୟାଳୟ ନିକଟରେ ଥିବା ମତ୍ସ୍ୟ ବିଭାଗ କାର୍ଯ୍ୟାଳୟ ମଧ୍ୟ ବାଦ ପଡ଼ିନାହିଁ।
Neglect: ଭତ୍ତା ବିନା ଭିକ୍ଷାବୃତ୍ତିରେ ବଞ୍ଚିଛନ୍ତି ୭ ବୁଢ଼ାବୁଢ଼ୀ
ଆଜି ପୂର୍ବାହ୍ନ ୧୧ଟା ୩୦ରେ କିଛି ବିଜେପି କର୍ମୀ ଦଳୀୟ ଉତ୍ତରୀୟ ପକାଇ ବିଧାୟକଙ୍କ ସପକ୍ଷରେ ସ୍ଳୋଗାନ୍ ଦେବା ସହ ବିଜେଡି ବିରୋଧରେ ନାରାବାଜି କରିଥିଲେ। ଅଧ୍ୟକ୍ଷ ସୁନୀଲ କୁମାର ପଣ୍ଡା କାର୍ଯ୍ୟାଳୟରେ ଉପସ୍ଥିତ ନ ଥିବାର ସୁଯୋଗ ନେଇ ତାଙ୍କ କାର୍ଯ୍ୟାଳୟର କବାଟ ଓ ଝରକା ଭାଙ୍ଗି ଭିତରେ ପଶି ଭଙ୍ଗାରୁଜା କରିଥିଲେ। ଆଲମାରିରେ ଥିବା ସରକାରୀ କାଗଜପତ୍ର ଓ ବହିପତ୍ର ଫିଙ୍ଗି ଦେଇଥିଲେ। ଖବରପାଇ ଅଧ୍ୟକ୍ଷଙ୍କ ଭାଇ ଶୁଭେନ୍ଦୁ ଘଟଣାସ୍ଥଳରେ ପହଞ୍ଚିଥିଲେ। ତେବେ ତାଙ୍କୁ ମଧ୍ୟ ପ୍ରାଣାନ୍ତକ ଆକ୍ରମଣ କରାଯାଇଥିଲା। ତାଙ୍କ ନାକ ଫାଟି ରକ୍ତ ବାହାରିଥିଲା। ଚିକିତ୍ସା ପାଇଁ ତାଙ୍କୁ ସାକ୍ଷୀଗୋପାଳ ଡାକ୍ତରଖାନାକୁ ନିଆଯାଇଥିଲା।
୧୫୦ କର୍ମୀଙ୍କ ନାମରେ ଏତଲା, ୪ ଅଟକ
ସମିତି ଅଧ୍ୟକ୍ଷଙ୍କ ଭାଇଙ୍କ ନାକ ଫାଟିଲା
ବିଜେଡି ପକ୍ଷରୁ ବ୍ଲକ୍ ସମ୍ମୁଖରେ ଧାରଣା
ଖବରପାଇ ଅଧ୍ୟକ୍ଷ ଶ୍ରୀ ପଣ୍ଡାଙ୍କ ସମେତ ପୂର୍ବତନ ବିଧାୟକ ଉମାକାନ୍ତ ସାମନ୍ତରାୟ, ରୁଦ୍ର ମହାରଥୀ ଓ ବିଜେଡି ନେତା ସୁବ୍ରତ ଛାଟୋଇ ପ୍ରମୁଖ ବ୍ଲକ୍ କାର୍ଯ୍ୟାଳୟରେ ପହଞ୍ଚି ସ୍ଥିତି ଅନୁଧ୍ୟାନ କରିଥିଲେ। ଘଟଣାରେ ସମ୍ପୃକ୍ତ ବ୍ୟକ୍ତିଙ୍କୁ ତୁରନ୍ତ ଗିରଫ କରିବାକୁ ସେମାନେ ଦାବି କରିବା ସହ ଏଭଳି ହିଂସାକାଣ୍ଡକୁ ନିନ୍ଦା କରିଥିଲେ। ସନ୍ଧ୍ୟାରେ ଅଭିଯୁକ୍ତଙ୍କ ଗିରଫ ଦାବିରେ ବିଡିଓଙ୍କ କାର୍ଯ୍ୟାଳୟ ସମ୍ମୁଖରେ ବିଜେଡି ପକ୍ଷରୁ ଧାରଣା ଦିଆଯାଇଥିଲା। ଏଥିରେ ଅଧ୍ୟକ୍ଷ ଶ୍ରୀ ପଣ୍ଡା, ପୂର୍ବତନ ଅଧ୍ୟକ୍ଷ ପ୍ରେମାନନ୍ଦ ବେହେରା, ଜିଲ୍ଲା ପରିଷଦ ସଦସ୍ୟ ନାରାୟଣ ରାଉତରାୟ, ପୂର୍ବତନ ମନ୍ତ୍ରୀ ସଞ୍ଜୟ ଦାସବର୍ମା, ପୂର୍ବତନ ବିଧାୟକ ଉମାକାନ୍ତ ସାମନ୍ତରାୟ ଓ ସୁବ୍ରତ ଛାଟୋଇଙ୍କ ସମେତ ଶତାଧିକ ବିଜେଡି ସମର୍ଥକ ସାମିଲ ହୋଇଥିଲେ। ଘଟଣାସ୍ଥଳରେ ପିପିଲି ଏସ୍ଡିପିଓ ଦେବାଶିଷ ମିଶ୍ର, ସତ୍ୟବାଦୀ ବିଡିଓ ଦେବାଶିଷ ନାୟକ, ଥାନା ଅଧିକାରୀ ସୌମ୍ୟରଞ୍ଜନ ମହାଳିକ, ତହସିଲଦାର ସନ୍ତୋଷ କୁମାର ପାଣିଗ୍ରାହୀ, ଅତିରିକ୍ତ ତହସିଲଦାର ଓମ୍ ପ୍ରକାଶ ପରିଡ଼ା, କେନ୍ଦ୍ରୀୟ ଗୁଇନ୍ଦା ବିଭାଗର ଅଧିକାରୀ ରୋଷନ ରଞ୍ଜନ ଓ ଚିତ୍ତରଞ୍ଜନ ରାଉତରାୟ ଏବଂ ପୁରୀ ସ୍ପେସାଲ ବ୍ରାଞ୍ଚ ଅଧିକାରୀ ବିଜୟ ପ୍ରଧାନଙ୍କ ସମେତ ପୁଲିସ ଫୋର୍ସ ମୁତୟନ ରହିଥିଲେ।
Odisha FTA: ମୁକ୍ତ ବାଣିଜ୍ୟ ରାଜିନାମା ମାଧ୍ୟମରେ ବିଶ୍ୱ ବଜାରରେ ସୁଯୋଗ ଖୋଜୁଛି ଓଡ଼ିଶା
ଏନେଇ ସମିତି ଅଧ୍ୟକ୍ଷ ଓ ବିଡିଓ ପୃଥକ୍ ପୃଥକ ଭାବେ ସତ୍ୟବାଦୀ ଥାନାରେ ଅଭିଯୋଗ କରିଛନ୍ତି। ଏତଲାରେ ଶଙ୍କର୍ଷଣ ପ୍ରଧାନ, ମିଲୁ ଶତପଥୀ, ମଣ୍ଟୁ ଷଡ଼ଙ୍ଗୀ, ବୁଟେଇ ପ୍ରଧାନ, ପ୍ରଜ୍ଞାସ ପାତ୍ର, ନବୀନ ମହାପାତ୍ର ଓ ସୁମନ୍ତ ମହାପାତ୍ରଙ୍କ ସମେତ ଶତାଧିକ ବ୍ୟକ୍ତିଙ୍କ ନାମ ଅଭିଯୋଗ କରାଯାଇଥିବା ଜଣାପଡ଼ିଛି। ଏହି ଘଟଣାରେ ଘଟଣାରେ ୧୫୦ରୁ ଅଧିକ ବ୍ୟକ୍ତିଙ୍କ ନାମରେ ମାମଲା ରୁଜୁ ହୋଇଥିବା ବେଳେ ଏପର୍ଯ୍ୟନ୍ତ ୩୫ ଜଣଙ୍କୁ ଚିହ୍ନଟ କରାଯାଇଛି। ହିଂସାକାଣ୍ଡରେ ସମ୍ପୃକ୍ତ ଥିବା ଅଭିଯୋଗରେ ସତ୍ୟବାଦୀ ପୁଲିସ ୪ ଜଣଙ୍କୁ ଚନ୍ଦନପୁର ଥାନାରେ ଅଟକ ରଖିଥିବା ସମ୍ପର୍କରେ ସୂଚନା ମିଳିଛି। ପୂର୍ବତନ ମନ୍ତ୍ରୀ ତଥା ବିଜୁ ଜନତା ଦଳର ବରିଷ୍ଠ ଉପସଭାପତି ସଞ୍ଜୟ କୁମାର ଦାସବର୍ମା ଅଜିର ହିଂସାକାଣ୍ଡକୁ ନେଇ ପୁରୀ ଅତିରିକ୍ତ ଆରକ୍ଷୀ ଅଧୀକ୍ଷକ ସୁଶୀଲ ମିଶ୍ରଙ୍କ ସହ ଆଲୋଚନା କରିଛନ୍ତି। ଦୋଷୀଙ୍କୁ ତୁରନ୍ତ ଚିହ୍ନଟ କରି ଦୃଢ଼ କାର୍ଯ୍ୟାନୁଷ୍ଠାନ ସହ ଅଞ୍ଚଳରେ ଆଇନଶୃଙ୍ଖଳା ବଜାୟ ରଖିବାଜନକ ବୋଲି କହିବା ସହିତ ଅପରାଧୀମାନଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ଦାବି କରିଛନ୍ତି।
